Marcos 1:13 - Kaqchiquel Bible

¹³ Y xk'oje' k'a chiri' kawineq q'ij chikikojol k'uxunela' taq chikopi'. Jak'a ri ángel kan xkisamajij ri Jesús. Jari' k'a toq ri Itzel-Wineq xutejtobej ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Y xkꞌojeꞌ chiriꞌ 40 qꞌij, y nditaqchiꞌix roma ri itzel chin ta nditzaq pa mak. Ri Jesús xkꞌojeꞌ apeꞌ ekꞌo ri kꞌuxunel teq chikap, y ri ángeles ndikilij.

Kaqchikel Santa Maria de Jesus

¹³ Y chireꞌ chupan ri lugar desierto xcꞌujie-ve, pacheꞌ joꞌc cꞌuxuniel tak chicop icꞌo. Chireꞌ xcꞌujie-ve cuarenta kꞌij. Y antok cꞌo chireꞌ, ri Satanás xuꞌon tentar. Y ri ángeles xquiꞌan servir ri Jesús.

Kaqchikel Central Guatemala

¹³ Y can nik'alajin chi pa tz'iran ruvach'ulef c'o-vi roma can ec'o-apo ri itzel tak chicopi' que tak ri'. Chiri' c'a xc'oje-vi cavinek k'ij. Y tok ri Jesús c'o c'a chiri', ri Satanás nutej c'a ruk'ij chirij richin nitzak ta pa ruk'a', pero man xtiquir ta chirij. Y ri ángeles xquilij ri Jesús.

Re C'ac'a Testamento pa Kach'abal

¹³ Y can nik'alajin che chupan jun lugar re anche' manak vinak c'o-va roma can jec'o-apo re itzel tak chicop chire'. Chire' xc'ue-va cuarenta k'ij. Y tak re Jesús c'o chire', re Satanás nutaj ruk'ij chij che nika-ta pa mac, pero man xtiquir-ta chij. Y re ángeles xquivilij re Jesús.

Kaqchikel Western Solola

¹³ Y can xc'oje' pa desierto y ri chiri' can yec'o apo ri itzel tak chicop. Chiri' c'a xc'oje' wi cawinek k'ij. Y tek ri Jesús c'o c'a chiri', ri Satanás nutij c'a ruk'ij chrij ruma nrajo' chi nitzak pa ruk'a', pero ma xcowin ta. Y ri ángeles xquichop niquinimaj niquilij ri Jesús.

Marcos 1:13 ပူးပေါင်းရင်းမြစ်များ

Ex 24:18

K'ari' ri Moisés xok-apo pa runik'ajal ri sutz' y xjote-el k'a pa rutza'n-q'anej ri juyu' y chiri' k'a xk'oje-wi kawineq q'ij y kawineq aq'a'.

Ex 34:28

Ri Moisés xk'oje' k'a chiri' rik'in ri Jehová pa ruwi' ri juyu' kawineq q'ij y kawineq aq'a', y kan man jun k'a wey xutej, ni man jun ya' xuqum. Y rija' xutz'ibaj k'a chuwech ri tz'alem taq abej, ri lajuj pixa'.

San Mateo 26:53

¿Rat nach'ob chi yin man yitikir ta ninwoyoj ri nata' y rija' yiruto'? Rija' nitikir yeruteq-pe kablajuj tzobaj ángel chinuto'ik.

San Mateo 4:1

Ri Jesús xban k'a chire roma ri Loq'olej Espíritu chi xbe pa tz'iran ruwach'ulew, richin chi nitejtobex roma ri Itzel-Wineq.

San Lucas 4:1

Ri q'ij k'a toq xqasex ya' pa ruwi' ri Jesús, kan xnoj k'a ránima rik'in ri Loq'olej Espíritu. Xtzolin-pe pa raqen-ya' Jordán, y re Loq'olej Espíritu re' xuben chire chi xbe k'a pa tz'iran ruwach'ulew.

Deut 9:11

Toq xq'ax yan kawineq q'ij y kawineq aq'a', ri Jehová xuya-pe chuwe ri ka'i' tz'alem taq abej ri' ri akuchi tz'ibatel-wi pe ri rujikibel-tzij.

Deut 9:18

K'ari' yin xixuke' chik k'a chuwech ri Jehová kawineq q'ij y kawineq aq'a' y man xiwa-xinuk'ya' ta, roma ri mak ri xkiben chuwech rija', xkiya' q'axo'n pa ránima y xkiyek janila royowal.

Deut 9:25

Roma ri' rija' xubij chi yeruk'is jumul, y jari' toq yin xixuke' kawineq q'ij y kawineq aq'a' chuwech ri Jehová koma rije'.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

Hebreos 4:15

Ri qanimalej sacerdote kan retaman ri niqana' toq man jun quchuq'a', roma toq xk'oje' re wawe' chuwech re ruwach'ulew, rija' xtejtobex rik'in ronojel ruwech mak, achi'el yojtejtobex roj; xaxe rija' man xmakun ta.