San Lucas 9:32 - Kaqchiquel Bible

³² Ri Pedro y ri e rachibil jebel yewer. Chaq k'ate' xek'astej y xkitz'et k'a ri saqil ri k'o chirij ri Jesús. Xekitz'et chuqa' ri e ka'i' chik achi'a' ri ek'o rik'in.

နောက်ထပ်ဗားရှင်းများ

Kaqchikel Santo Domingo (Xenacoj)

³² Ri Pedro y ri erachibꞌilan tzꞌan kiwaran, pero atoq xtzoropitej pe kiwech, xkitzꞌet ri nimalej ruqꞌij ri Jesús y ri ekaꞌiꞌ ngetzijon rikꞌin.

Kaqchikel Santa Maria de Jesus

³² Y ri Pedro y ri icaꞌyeꞌ chic, mesque cꞌo quivaran, xquicochꞌ, y xquitzꞌat ri namalaj rusakil ri Jesús, y xaꞌquitzꞌat jeꞌ ri icaꞌyeꞌ chic achiꞌaꞌ ri icꞌo riqꞌuin.

Kaqchikel Central Guatemala

³² Y ri Pedro y ri rachibil, man riq'uin ri janíla quivaran, xquicoch', y xquitz'et c'a ri lok'olej rusakil ri Jesús, y xequitz'et chuka' ri e ca'i' chic achi'a' ri ec'o riq'uin ri Jesús.

Re C'ac'a Testamento pa Kach'abal

³² Y re Pedro y re je ca'e' chic ruchibil, camas quivaran pero xquicoch' re varan, y mare' xquitz'at re namalaj ruk'ij re Jesús, y xe'quitz'at chuka' re je ca'e' chic achi'a' re jec'o riq'uin re Jesús.

Kaqchikel Western Solola

³² Y ri Pedro y ri ye rachibil, sibilaj quiwaran c'o, pero xquicoch' ma xewer ta, y rumari' xquitz'et c'a ri lok'olaj sakil riche (rixin) ri Jesús, y xequitz'et chuka' ri ye ca'i' achi'a' ri yec'o riq'ui ri Jesús.

San Lucas 9:32 ပူးပေါင်းရင်းမြစ်များ

Wuj Richin ri Isaías 60:19

Man xtik'atzin ta chik chi ri q'ij yixrusaqirisaj ri paq'ij, ni ri ik' yixrusaqirisaj ta chaq'a', roma ja yin ri xkisaqirisan ri ibey richin tibe-q'ij tibe-seq. Y xtinya' ri nuk'ojlen pan iwi' rix.

Dn 10:9

Y toq xinwak'axaj ri ruch'abel, xa xijupuju-qa pan ulew, y keri' nubanon xpe k'a jun nimalej waran chuwe.

Dn 8:18

Rokik rija' nich'on wik'in, yin xa ximayamo-qa y xijupuju-qa pan ulew. Jak'a rija' xiruchop-qa y xuben chuwe richin xipa'e' chik q'anej.

Marcos 14:40

Toq xtzolin chik kik'in ri e oxi' rutijoxela', xa yewer chik k'a jun bey ri xeril, roma rije' xa al-al k'a runaq' taq kiwech roma ri kiwaran. Y rije' man nikil ta k'a achike nikibij.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

San Juan 17:24

Nata' Dios, yin kan ninwajo' k'a chi konojel ri e aya'on chuwe xkebek'oje' ta k'a wik'in richin chi nikitz'et ri nuq'ij-nuk'ojlen ri aya'on. Xaya' chuwe roma xinawajo' yan toq k'a man jani k'o ta re ruwach'ulew.

2 Pedro 1:16

Y man tz'ukun taq na'oj ta ri xqatzijoj chiwe chirij ri ruchuq'a' ri Jesucristo, ni toq xqabij chiwe chi rija' xtipe chik jun bey, roma yin y ri wachibil, kan xqatz'et chi ri Jesucristo janila nim ruq'ij.

1 Juan 3:2

Wach'alal ri yalan yixinwajo', wakami oj ralk'ual chik ri Dios. Jak'a man jani tiq'alajin ri achike xqojbeok. Xaxe qetaman chi toq xtipe chik jun bey ri Jesucristo, xqojok achi'el rija' roma xtiqatz'et achike rubanik rija'.