San Lucas 8:39 - Kaqchiquel Bible

³⁹ Katzolin chi'awachoch, y tabetzijoj ri xuben ri Dios awik'in, xuche'ex. Roma ri' ri achin kan xberutzijoj na wi ri chirachoch, y chike konojel ri winaqi' ri pa rutinamit xutzijoj ri xuben ri Jesús rik'in.

နောက်ထပ်ဗားရှင်းများ

Kaqchikel Santo Domingo (Xenacoj)

³⁹ Katzolij chiꞌawachoch, y taꞌatzijoj ri nimalej teq favores xubꞌen ri Dios pa akꞌaslen. Y ri achi xtzolij pa tinamit y xutzꞌen rutzijoxik ri nimalej teq favores xubꞌen ri Jesús pa rukꞌaslen.

Kaqchikel Santa Maria de Jesus

³⁹ Catzalaj chavachuoch y atzijuoj ri nem samaj ri xuꞌon ri Dios aviqꞌuin, xucheꞌx. Y ri ache xꞌa cꞌa chupan ri tanamet, y xutzꞌom rutzijoxic ri nem samaj ri xuꞌon ri Jesús cha.

Kaqchikel Central Guatemala

³⁹ Catzolin chi'avachoch, y te'atzijoj ri xuben ri Dios aviq'uin rat, xuche'ex. Y ri achin can xberutzijoj na vi ri chirachoch, y chique conojel ri vinek ri pa rutinamit xutzijoj ri xuben ri Jesús riq'uin rija'.

Re C'ac'a Testamento pa Kach'abal

³⁹ Catzolaj cha'vachoch, y ta'tzijoj re xuban re Dios aviq'uin, xcho'x-a. Y re ache xtzolaj y xbo'rtzijoj ronojel chique re jec'o pa rachoch, y chuka' chique conojel re vinak re jec'o pa rutenemit, roma re Jesús xuban jun milagro riq'uin.

Kaqchikel Western Solola

³⁹ Catzolin chawachoch, y jatzijoj ri xuben ri Dios awuq'ui riyit, xuche'ex. Y ri achi can xberutzijoj na wi chrachoch, y chique quinojel ri winek pa rutinamit xutzijoj wi ri xuben ri Jesús riq'ui riya'.

San Lucas 8:39 ပူးပေါင်းရင်းမြစ်များ

Wuj Richin Bix Chire ri Dios 66:16

Kixanpe k'a, tiwak'axaj rix ri k'o rukiy ri Dios chiwech, y xtintzijoj chiwe ronojel ri rubanon pa nuk'aslen.

Marcos 1:45

Jak'a ri achin ri' xa xuchop rutzijoxik chike ri winaqi' ri achike xbanatej rik'in rija'. Roma ri' ri Jesús janila xel rutzijol, y man nitikir ta chik nok-apo ri pa taq tinamit ri napon-wi roma xa kan e janila winaqi' ri yek'ulu apo richin. Y roma chuqa' ri' ri Jesús xa nik'oje' kan ri pa taq juyu' ri akuchi e maneq winaqi'. Man rik'in ri' kan e k'iy k'a winaqi' ri ye'apon rik'in ri Jesús.

Marcos 5:18

Chirij ri' ri Jesús xtzolin pa barco. Nok yan el chupan toq ri achin ri xek'oje' ri itzel taq espíritu rik'in xuk'utuj k'a utzil chire ri Jesús chi tuya' q'ij chire richin nibe rik'in.

Marcos 5:19

Jak'a man xuya' ta q'ij, y xa xubij chire: Katzolin chi'awachoch, y tatzijoj chike ri e aj pan awachoch ri nima'q taq banobel y ri joyowanik ri xinben awik'in, xcha' chire.

San Lucas 8:38

Jak'a ri achin ri xe'elesex ri itzel taq espíritu rik'in, nuk'utuj k'a utzil chire ri Jesús chi tuya' q'ij chire richin nibe rik'in. Jak'a ri Jesús xubij chire:

San Lucas 8:40

Toq ri Jesús e rachibilan ri rutijoxela' xtzolin k'a juk'an chik ruchi' ri ya', ri winaqi' ek'o chiri' rik'in janila kikoten xkik'ul-apo, roma kan ja rija' ri koyoben.

San Juan 4:29

chi k'o jun achin xtzijon rik'in y xubij chire ronojel ri e rubanalon, y xubij k'a: ¿Man ja ta kami re' ri Cristo? Jo', y titz'eta', xcha' chike.

Deut 10:21

Kan tiqanimirisaj k'a ri rubi' ri Jehová, roma kan xuben k'a nima'q taq banobel ri kan nak'en rukiy qoma roj, y re' kan xqatz'et.

1 Timoteo 5:8

Jak'a nik'atzin chi konojel yekito' ri e kach'alal, y kan más nik'atzin chi yekilij ri kan e aj pa kachoch. Roma ri man nuben ta keri' xa kan achi'el xa ta xumalij kan ri kuqubabel-k'u'x, y xa más itzel ke chikiwech ri winaqi' ri man ketaman ta ruwech ri Dios.