San Lucas 8:32 - Kaqchiquel Bible

³² Chunaqaj-apo ri chiri', pa ruwi' jun juyu' ri k'o chuchi' ri ya', ek'o janila e k'iy aq ri yewa'. Roma ri' ri itzel taq espíritu xkik'utuj utzil chire ri Jesús chi tuya' q'ij chike richin ye'ok kik'in re aq re'. Y ri Jesús xuya' q'ij chike.

နောက်ထပ်ဗားရှင်းများ

Kaqchikel Santo Domingo (Xenacoj)

³² Y chiriꞌ cho juyuꞌ santienta aq ngewaꞌ, y ri seqꞌ teq espíritu xkibꞌij chare ri Jesús chi tuyaꞌ qꞌij chake chi ngeꞌok pa ki-cuerpo ri aq riꞌ, y ri Jesús xuyaꞌ qꞌij chake.

Kaqchikel Santa Maria de Jesus

³² Y chireꞌ, paroꞌ jun juyuꞌ, iqꞌuiy ak ncaꞌvaꞌ, rumareꞌ ri itziel tak espíritus xquicꞌutuj favor cha ri Jesús chi tuyaꞌ permiso chica chi ncaꞌuoc quiqꞌuin ri ak reꞌ. Y ri Jesús xuyaꞌ permiso chica.

Kaqchikel Central Guatemala

³² Y roma chunakaj apo ri lugar ri', pa ruvi' jun juyu', janíla e q'uiy ak yeva', romari' ri itzel tak espíritu xquic'utuj utzil chire ri Jesús chi tuya' k'ij chique richin ye'oc quiq'uin re ak re'. Y ri Jesús xubij chique chi utz.

Re C'ac'a Testamento pa Kach'abal

³² Y chire' chunakaj-apo re lugar re', pa rue' jun loma, camas je q'uiy ak ye'va', mare' re itzel tak espíritu xquic'utuj utzil cha re Jesús che tuya' k'ij chique chin ye'be'oc chiquipan re ak re'. Y re Jesús xubij chique che otz.

Kaqchikel Western Solola

³² Y chunakajal apo ri c'o wi ri achi ri', sibilaj c'a ye q'uiy ak yetajin yewa' pa ruwi' jun juyu', y rumari' ri itzel tak espíritu xquic'utuj utzil chare ri Jesús chi tuya' k'ij chique riche (rixin) chi ye'oc quiq'ui ri ak ri'. Y ri Jesús xuya' k'ij chique.

San Lucas 8:32 ပူးပေါင်းရင်းမြစ်များ

1 Rey 22:22

Y ri espíritu ri' xubij: Yin xkibe y xkinok jun espíritu richin tz'ukuj-tzij, y xtinben chike ri achi'a' ri e q'alajirisanela' richin xtikitz'uk-tzij. Y ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.

Wuj Richin ri Achin Job 1:10

Rija' kan k'o chi nuya' aq'ij roma kan jebel aloq'oq'en. Achajin ri rixjayil, ri e ralk'ual y ronojel ri k'o rik'in. Kan aya'on aq'a' pa ruwi' ronojel ri rusamaj y roma ri' janila chik k'iy beyomel ri rumolon chuwech ri ruwach'ulew.

Wuj Richin ri Achin Job 1:12

Y ri Jehová xubij chire ri Satanás: Wakami k'a, yin ninya' q'ij chawe chi ja rat ri katelesan ronojel ri k'o rik'in, jak'a rija' man taneq, xcha-el chire. Y xeri' ri Satanás xel k'a pe chiri' chuwech ri Jehová.

Wuj Richin ri Achin Job 2:6

K'ari' ri Jehová xubij: Pan aq'a' k'a k'o-wi. Xaxe k'a ri ruk'aslen man pan aq'a' ta rat k'o-wi, xcha'.

Wuj Richin Bix Chire ri Dios 62:11

Ri Dios xuq'alajirisaj chi rija' janila ruchuq'a'. Y yin kan wak'axan k'a, chi rik'in ri Dios nipe-wi ronojel uchuq'a'.

Wuj Richin ri Isaías 65:4

Kan ek'o k'a chiri' chikikojol ri jul richin muqbel, y nikik'owisaj aq'a' ri chiri'. Chuqa' kan nikitej ti'ij richin aq, y chupan ri kibojo'y k'o ruya'al q'utun ri man ch'ajch'oj ta.

Wuj Richin ri Isaías 66:3

Ek'o winaqi' ri nikisuj jun bóyix chuwe, y k'ari' nibekikamisaj kan jun kiwinaq. Rije' nikisuj jun karne'l chuwe, y k'ari' nikisuj jun tz'i' chire ri ki-dios. Nikisuj jalajoj kiwech trigo chuwe, y k'ari' nikisuj ri rukik'el jun aq chire ri dios ri'. Nikisuj pom chuwe yin, y k'ari' nikiya' chik ruq'ij jun wachibel. Ri winaqi' ri' xa kan chikijujunal xkicha' ri achike xkiben, y kan janila xkajo' ri kan ninwetzelaj yin.

Wuj Richin ri Chojmirisabelri'il 11:7

Ri aq ruch'aron ri' ri kipi'ch, jak'a man yekamulun ta. Re chikopi' re' man e ch'ajch'oj ta chuqa' y man ke'itej.

San Mateo 7:6

Ronojel ri e jachon chik chuwech ri Dios, man ke'iya' chike ri tz'i', roma rije' xa xkepe chiwij rix. Y man tiya' chike ri aq, ri k'o janila rejqalen, roma xa xtikibech chi'aqen.

San Lucas 8:31

Re itzel taq espíritu re' janila xkik'utuj utzil chire ri Jesús chi man keruteq-el chupan ri nimalej siwan, akuchi nikitej janila poqon.

San Lucas 8:33

K'ari' ri itzel taq espíritu kan jari' xe'el-el rik'in ri achin, y xebe'ok kik'in ri aq. Konojel k'a ri aq ri' xkichop anin chuwech ri juyu' pa'el-pa'el, y choj xebeqaqa pa ya'. Y chiri' xejiq'-wi konojel ri aq ri'.

San Juan 19:11

Y ri Jesús xubij: Man jun ta aq'atbel-tzij pa nuwi', wi man ta roma ri Dios. Roma k'a kan ja rija' yoyon-pe q'atbel-tzij pan aq'a', roma ri' k'o aq'a' chuwe. Y wi xkinateq pa kamik, kan k'o k'a amak, jak'a ri más nim kimak ja ri xijacho pan aq'a', xcha' ri Jesús.

1 Juan 4:4

Rix walk'ual, ri ix richin chik ri Dios y xixch'akon yan chikij, roma ri k'o iwik'in rix, kan más wi nim ke chuwech ri k'o chuwach'ulew.

Apocalipsis 20:7

Y jak'a toq q'axineq chik ri 1,000 juna', ri Satanás xtelesex-pe chupan ri akuchi tz'apel-wi kan.