San Lucas 8:25 - Kaqchiquel Bible

²⁵ K'ari' ri Jesús xubij chike ri rutijoxela': ¿Achike roma toq man xikuquba' ta ik'u'x wik'in?, xcha'. Jak'a rije' xa kixibin-ki'. Kan janila xkimey ri xbanatej, y nikik'utula' chikiwech: ¿Achike k'a chi achin re'? Roma kan nich'on chike ri kaq'iq' y ri ya', y kan nikinimaj rutzij, yecha'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Y ri Jesús xubꞌij chake ri discípulos: ¿Achike roma ma ikuqubꞌan ta ikꞌuꞌx rikꞌin ri Dios? Y rejeꞌ kixibꞌin kiꞌ, y sachineq kikꞌuꞌx ndikibꞌilaꞌ chikiwech: ¿Achike kꞌa chi achi reꞌ? Porque hasta chake ri yaꞌ y ri kaqiqꞌ ndichꞌaꞌa y rejeꞌ ndikitaqij rutzij.

Kaqchikel Santa Maria de Jesus

²⁵ Y ri Jesús xuꞌej chica ri ru-discípulos: ¿Karruma man xicukubꞌaꞌ ta icꞌuꞌx viqꞌuin? Pero ri discípulos quixiꞌin-quiꞌ. Can xaꞌchapataj antok xquitzꞌat ri xbꞌanataj, y niquiꞌej chiquivach: ¿Chica cꞌa chi ache va chi ncaꞌruꞌon mandar ri cakꞌiekꞌ y ri yaꞌ, y ncaꞌniman cha?

Kaqchikel Central Guatemala

²⁵ C'ari' ri Jesús xubij chique ri rutijoxela': ¿Achique roma tok man xicukuba' ta ic'u'x viq'uin? Pero ri tijoxela' quixibin-qui'. Can achique la xquitz'et ri xbanatej, y xquic'utula' chiquivech: ¿Achique c'a chi achin re'? Roma can nich'on chique ri cak'ik' y ri ya', y can niquinimaj rutzij.

Re C'ac'a Testamento pa Kach'abal

²⁵ C'are' re Jesús xubij chique re ru-discípulos: ¿Anchique roma tak man xiban-ta confiar-ivi' viq'uin? Pero re discípulos camas quixibin-qui'. Can anchique-la xquina' tak xquitz'at re xbanataj, y xquic'utula' chiquivach: ¿Anchique como che ache re'? Roma re cak'ik' y re ya' can niquinimaj rutzij, tak nich'o chique.

Kaqchikel Western Solola

²⁵ Yac'ari' tek ri Jesús xubij chique ri ye rudiscípulos: ¿Achique ruma tek ma xicukuba' ta ic'u'x wuq'ui? Yac'a ri discípulos quixibin qui'. Can xquimey tek xquitz'et ri xbanatej, y xquic'utula' chiquiwech: ¿Achique c'a chi achi re'? Ruma tek nich'o chique ri cak'ik' y ri ya', can niquinimaj wi rutzij, xecha'.

San Lucas 8:25 ပူးပေါင်းရင်းမြစ်များ

San Mateo 8:26

Jak'a ri Jesús xubij chike: ¿Achike roma xik'en rukiy rix? Rix xa ti juba' ok ri kuqubabel-k'u'x ri k'o iwik'in, xcha' chike. K'ari' xbeyakatej-pe y xuch'olij ri kaq'iq' y ri choy, y ronojel xsiliso-qa.

Wuj Richin Etamabel-Tzij 30:4

¿Kan k'o ta kami jun wineq ri xbe yan chila' chikaj y xtzolin ta chik pe? ¿Kan k'o ta kami jun wineq ri nitikir nuchop ri kaq'iq' rik'in ri ruq'a'? ¿Kan k'o ta kami jun ri nitikir nuyek ri ya' pa jun tzieq? ¿Kan k'o ta k'a kami jun ri nitikir nuya' retal ri akuchi k'o-wi ri ruchi' ri ruwach'ulew? ¿Y achike kami etamayon rubi' ri nitikir nibanon keri', y retaman ta rubi' ri ruk'ajol?

San Mateo 14:31

Y ri Jesús kan jari' xuchop chi'anin chi ruq'a' y xubij chire: ¿Achike k'a roma juba' ok xakuquba' ak'u'x wik'in?, xcha' chire.

San Juan 11:40

Jak'a ri Jesús xubij chire: Yin kan nubin chik k'a chawe chi wi xtakuquba' ak'u'x wik'in, kan xtatz'et k'a ri ruk'ojlen ri Dios, xcha'.

San Lucas 12:28

Roma wi ri Dios yeruwiq jebel ri q'ayis ri ek'o pa juyu' ri man yeyaloj ta, ri wakami jebel kibanon y jun chik q'ij yechaqi'j-qa, y k'ari' yek'aq pa q'aq'; man rik'in ri' ri Dios yeruwiq jebel. ¿Achike k'a roma rix man ikuquban ta ik'u'x rik'in chi nuya' itziaq?

San Mateo 17:20

Roma ri' ri Jesús xubij chike: Man xixtikir ta xiwelesaj roma ri ikuqubabel-k'u'x rik'in ri Dios xa ti juba' ok. Kan qitzij k'a ninbij chiwe chi xa ta k'o kuqubabel k'u'x iwik'in, stape' achi'el ta ti rubanik jun ti ija'tz richin mostaza, xa rik'in ri', yixtikir ta niben chire re jun juyu' re' chi tel-el wawe' y tiq'ax kela', y kan man ta k'ayew nuben chiwech,

Wuj Richin Etamabel-Tzij 8:29

Yin kan ink'o chik k'a toq ri Dios nuya' kan rubeyal pa ruwi' ri palou, y ri ya' ri' kan man tikirel ta k'a chi nuq'ej ri rupixa' ri Dios; kan ink'o-wi k'a toq ri Dios xutik kan ri ruxe' re ruwach'ulew.

San Mateo 6:30

Wi ri Dios yeruwiq jebel ri kotz'i'j y ri q'ayis ri ek'o pa taq juyu', y ri chua'q xa yek'aq pa q'aq', ¿achike k'a roma rix man ikuquban ta ik'u'x rik'in ri Dios chi kan nuya-wi ri itziaq? Roma rix kan más iwejqalen chikiwech rije'.

San Mateo 8:10

Toq ri Jesús xrak'axaj re' kan xumey k'a qa y xubij chike ri e tzeqelibeyon richin: Kan qitzij k'a ninbij chiwe chi kan man jun bey k'a wilon ta jun kuqubabel-k'u'x achi'el re', ni ta chupan chijun ri ruwach'ulew Israel.

Marcos 4:35

Toq xok k'a pe ri aq'a' chupan ri q'ij ri', ri Jesús xubij chike ri rutijoxela': Jo', qojq'ax la juk'an chik ruchi' la choy, xcha'.

San Lucas 8:24

K'ari' ri tijoxela' xkik'asoj ri Jesús, y xkibij chire: ¡Qajaw! ¡Qajaw! Wakami yojken, xecha' chire. Jari' toq ri Jesús xyakatej k'a pe, y xuben chi xk'is-el ri kaq'iq' y xtane-qa ri nibolqo't ri ya'.

San Lucas 8:26

Ri Jesús y ri rutijoxela' xe'apon k'a ri juk'an ruchi' ri choy, ri chiri' pa Gerasa,*f16* ri k'o-apo chuwech ri choy richin Galilea.