San Lucas 7:46 - Kaqchiquel Bible

⁴⁶ Rat chuqa' man xaq'ej ta juba' aceite pa nujolon toq xinok-pe. Jak'a re ixoq re', kan jubulej aq'om ri xuyala' chirij re waqen.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁶ Nixta xaqꞌij aceite pa nujolon, pero re ixaq reꞌ, xuqꞌij jubꞌulej aqꞌon chirij ri waqen.

Kaqchikel Santa Maria de Jesus

⁴⁶ Atreꞌ man xakꞌej ta aceite pa nujaluon antok xinuoc-pa. Pero ri ixok la, jun jubꞌul akꞌuon ri xuyaꞌ chirij ri vakan.

Kaqchikel Central Guatemala

⁴⁶ Rat chuka' man xak'ej ta aceite pa nuvi' tok xinoc-pe. Jac'a re ixok re', can jubulej ak'on ri xuyala' chirij re vaken.

Re C'ac'a Testamento pa Kach'abal

⁴⁶ Rat chuka' man xak'aj-ta aceite pa nue' tak xinoc-pa. Jac'a re ixok re', jun jubulaj ak'om xuya' chij re vakan.

Kaqchikel Western Solola

⁴⁶ Riyit chuka' ma xak'ej ta aceite pa nujolon (nuwi') tek xinoc pe. Yac'a re ixok re', can ya ri ak'om ri jubul ruxla' ri xuyala' chrij ri waken.

San Lucas 7:46 ပူးပေါင်းရင်းမြစ်များ

2 Sam 12:20

K'ari' ri David xyakatej-q'anej pan ulew, xatin, xuyala-el jubulej taq aq'om chirij y xukusaj-el ri rutziaq. K'ari' xbe pa rachoch ri Jehová richin xuya' ruq'ij. Toq xtzolin chirachoch, xuk'utuj ruway y xwa-xuk'ya'.

2 Sam 14:2

jari' toq xuteq ruk'amik jun ixoq aj-Tecoa ri kan janila nowineq. Y xuk'utuj utzil chire chi tubana-el achi'el xa ta janila nibison, y tukusaj-el tzieq richin bis, y man tuya-el jubulej aq'om chirij. Chuqa' xubij chi chirij ri' tapon rik'in ri rey, y tubana' chi achi'el xa ta k'iy yan juna' k'o-pe pa bis roma k'o jun ri xken rik'in.

Wuj Richin Bix Chire ri Dios 104:15

naben chi k'o ri vino ri nibanon chi nikikot ri ránima ri wineq; ri aceite ri nibanon chi jebel nitzu'un ri wineq; keri' chuqa' ri wey ri chapayon richin.

Wuj Richin Bix Chire ri Dios 23:5

Rat Jehová kan naben jun nimaq'ij richin yiwa' chikiwech ri e etzelanel wichin. Kan naya' k'a utz peten chuwe, Y kan nanojisaj k'a ri nuqumbal, k'a toq nipulin-el.

Wuj Richin ri Molojri'il 9:8

Kan jantape' k'a chuqa' takusaj ri saqilej atziaq, y taya' k'a ri aq'om pan awi', richin ri rusumal-awi' jebel nitzu'un.

Dn 10:3

Kan man xintej ta k'a ri jebelej taq q'utun, ni man xintej ta ti'ij, ni man xinqum ta vino, ni man xinya' ta jubulej taq aq'om chuwij, k'a toq xtz'aqet na oxi' semana.

Am 6:6

Rix kan nik'o chik ruwi' qumuj vino ri niben. Rix ye'ikusaj jubulej aq'om ri janila jotol rajel. Y man jun nich'ob chirij ri wululen ri xtipe pa ruwi' ri iruwach'ulew.

Wuj Richin ri Miqueas 6:15

Xtiben-qa ri itiko'n, jak'a xa man ja ta rix yixk'olo. Xtiyitz' k'a ri aceituna, jak'a xa man xtikusaj ta ri aceite. Xtiyitz' k'a ri uva, jak'a xa man xtiqum ta ri vino.

San Mateo 6:17

Jak'a toq rix yixmewayin, xa kan jebel tich'aja' ipalej, tiya' juba' jubulej aq'om chiwij y jebel tijika' ri rusumal-iwi'.

San Lucas 7:47

Roma ri' ninbij chawe rat, Simón, chi re ixoq re' xkuyutej ri janila rumak. Roma ri' janila nrajo' ri xkuyu ri rumak. Jak'a ri xa man k'iy ta ri rumak ri xekuyutej, xa man kan ta nrajo' ri xkuyu ri rumak, xcha'.

Wuj Richin ri Rut 3:3

Wakami k'a tabana' ri ninbij chawe yin: Katatin-el, taya-el jubulej taq aq'om chawij y takusaj-el ri más jebel atziaq; k'ari' kabiyin akuchi k'o-wi rija'. Xaxe man tak'ut-awi' chuwech toq k'a man jani tiwa' y tuk'ya'.