San Lucas 7:30 - Kaqchiquel Bible

³⁰ Jak'a ri fariseo y ri etamanela' chirij ri pixa' man xkajo' ta xkik'ul ri kan ruch'obon ri Dios chi kan kichin chuqa' rije'. Roma ri' man xkajo' ta xqasex ya' pa kiwi' roma ri Juan.

နောက်ထပ်ဗားရှင်းများ

Kaqchikel Santo Domingo (Xenacoj)

³⁰ Pero ri fariseos y ri tijonelaꞌ chin ri ley ma xkajoꞌ ta xebꞌan bautizar roma ri Juan, y keriꞌ xa xkixutuj ri favor runojin ri Dios chi nduyaꞌ pa kiwiꞌ.

Kaqchikel Santa Maria de Jesus

³⁰ Pero ri achiꞌaꞌ fariseos y ri maestros richin ri ley, man xka ta chiquivach ri xrajoꞌ ta xuꞌon ri Dios quiqꞌuin. Ijejeꞌ man xcajoꞌ ta xaꞌan bautizar ruma ri Juan.

Kaqchikel Central Guatemala

³⁰ Y jac'a ri achi'a' fariseos y ri etamanela' chirij ri ley man xcajo' ta xquic'ul ri can ruch'obon ri Dios chi can quichin chuka' rije'. Rije' man xcajo' ta chi xeban bautizar roma ri Juan.

Re C'ac'a Testamento pa Kach'abal

³⁰ Y jac'a re achi'a' fariseos y re achi'a' re je'atamayon re ley quichin re israelitas man xquijo-ta xquic'ul re runojin re Dios che nuban quiq'uin. Reje' man xquijo-ta che xe'ban bautizar roma re Juan.

Kaqchikel Western Solola

³⁰ Y yac'a ri achi'a' fariseos y ri achi'a' ri yek'axan ri nubij ri ley, riye' can k'alaj chi ma xcajo' ta xquic'ul ri ruch'obon ri Dios chi nuben quiq'ui, ruma ma xcajo' ta chi xeban bautizar ruma ri Juan.

San Lucas 7:30 ပူးပေါင်းရင်းမြစ်များ

San Lucas 13:34

K'ari' ri Jesús xch'on chik, y xubij: Aj-Jerusalem, aj-Jerusalem, ¿achike k'a roma toq ye'ikamisala' ri achi'a' ri yeq'alajirisan ruch'abel ri Dios, y ye'ikamisala' chi abej ri yeruteq-pe ri Dios chi'ikojol? Yin kan janila k'a bey ri xinwajo' chi xixinmol ta wik'in, achi'el nuben ri kite-ek' chike ri taq ral, yerumol chuxe' ri ruxik'. Jak'a rix kan man jun bey xiwajo' ta.

Wuj Richin ri Jeremías 8:8

¿Achi'el toq yixtikir nibij chi ix aj-na'oj taq winaqi' roma k'o ri nupixa' iwik'in? Kan qitzij wi chi ri tijonela' xkik'ut ri man qitzij ta chiwech.

2 Corintios 6:1

Roj kan junan rik'in ri Dios niqaben ri samaj chi'ikojolil rix, kan niqachilabej k'a chiwe chi man tiben chi xa man jun rejqalen ri rutzil ri Dios ri ruya'on chik pe chiwe.

Romanos 10:21

Jak'a chikij ri nuwinaq judío nubij:*f38* Ronojel k'a q'ij xinya' ri nuq'a' pa kiwi' ri nutinamit ri man e nimey ta tzij, ri xa e beneq pa jun bey ri man utz ta, xa ja ri nikich'ob rije' ri nikiben, nicha'.

Hechos 20:27

Roma kan man jun ri xinwewaj, y man ta xinbij chiwe; xa kan ronojel ri ruch'obon ri Dios pa qawi' roj winaqi' xinbij chiwe.

San Mateo 22:35

Xpe k'a jun chike rije', ri kan etamanel richin ri pixa', xaxe k'a richin nutejtobej ri Jesús, y xuk'utuj k'a chire:

Efesios 1:11

Kan roma k'a ri Cristo toq roj xojcha'ox richin xojok ralk'ual ri Dios, roma keri' ruch'obon pe pa qawi' ri Dios ri ronojel nuben achi'el ri rurayibel.

Gálatas 2:21

Yin man xtinwixowaj ta ri rutzil ri Dios, roma wi xaxe rik'in ri pixa' man jun qamak yojk'ulun chuwech ri Dios, ri Cristo man jun ta xk'atzin-wi chi xken.

Wuj Richin Etamabel-Tzij 1:25

rix xa nijech'ej kan ri pixabanik ri ninya' chiwe, y xa niwetzelaj ri ch'olinik ri ninben chuqa' chiwe.

San Lucas 7:31

Y ri Jesús xubij chik: ¿Achike kami ninbij chikij ri winaqi' richin re q'ij re'? ¿Achoq ik'in e junan wi?

San Lucas 20:6

Y wi niqabij chi xa winaqi' xebin chire ri Juan chi tubana' keri', xkepe konojel ri winaqi' y xqojkikamisaj chi abej. Roma ri winaqi' kan nikich'ob chi ri Juan kan jun q'alajirisey ruch'abel ri Dios, xecha-qa chikiwech.