San Lucas 6:47 - Kaqchiquel Bible

⁴⁷ Roma ri' ri wineq ri nipe wik'in, y nrak'axaj ri nuch'abel y nuben ri ninbij chire, kan xtinbij chire achoq ik'in ninjunamaj-wi.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁷ Riyin nibꞌij chiwa achoq ikꞌin nijunumaj ri jun ri nduyaꞌ ránima wikꞌin, ndirakꞌaxaj ri nutzij y ndubꞌen ri nibꞌij chare.

Kaqchikel Santa Maria de Jesus

⁴⁷ Niꞌej chiva, chica choj-iqꞌuin junan-ve ri nipa viqꞌuin y nraꞌxaj ri nutzij y nuꞌon ri niꞌej cha.

Kaqchikel Central Guatemala

⁴⁷ Romari' ri vinek ri nipe viq'uin, ri nrac'axaj ri nuch'abel y nuben ri ninbij chire,

Re C'ac'a Testamento pa Kach'abal

⁴⁷ Mare' re vinak re nipa viq'uin chin yinrunimaj y nuc'axaj re nuch'abal y nuban re nimbij cha,

Kaqchikel Western Solola

⁴⁷ Rumari' ri winek ri nipe wuq'ui, ri nrac'axaj ri nuch'abel y nuben ri nbij chare, nbij chiwe achoj riq'ui junan wi,

San Lucas 6:47 ပူးပေါင်းရင်းမြစ်များ

San Lucas 11:28

Jak'a ri Jesús xubij: Kan más k'a jebel ruwa-kiq'ij ri ye'ak'axan ri ruch'abel ri Dios y kan nikiben ronojel ri nubij, xcha'.

San Juan 14:15

Wi rix yiniwajo', kan ninimaj ri pixa' ri yenbij chiwe.

Santiago 4:17

Roma wi iwetaman achike ri utz, y xa man niben ta, yixmakun chuwech ri Dios.

San Mateo 12:50

Roma kan konojel k'a ri yebanon ri rurayibel ri nata' ri k'o chila' chikaj, jari' ri nte', wana' y ri wach'alal, xcha' ri Jesús.

San Juan 13:17

Rix kan xiwetamaj k'a kan ronojel re'. Y kan jebel k'a ruwa-iq'ij wi keri' xtiben.

1 Pedro 2:4

Kan jantape' k'a kixjel-apo rik'in ri Jesucristo ri achi'el jun abej ri k'o ruk'aslen. Ri stape' man xya'ox ta rejqalen koma ri winaqi', jak'a chuwech ri Dios kan cha'on, y janila rejqalen.

Hebreos 5:9

Y toq xtz'aqet ri k'o chi xok rija', kan jari' xok qitzij kolonel ri kan nitikir nuya' kolotajik richin jantape' chike konojel ri yeniman rutzij.

Apocalipsis 22:14

Kan jebel ruwa-kiq'ij ri nich'ajch'ojirisex kik'aslen; richin k'o kiq'a' chire ri ruwech ri che' ri niya'on k'aslen, y richin yetikir ye'ok chupan ri okibel ri e richin ri tinamit.

San Lucas 14:26

Wi k'o jun ri nipe wik'in richin yirutzeqelibej y xa man yirajo' ta más chuwech ri rute-rutata', chuwech ri rixjayil, ri e ralk'ual, ri e rach'alal o man yirajo' ta más chuwech-qa rija', re wineq re' man ruk'amon ta nok nutijoxel.

1 Juan 3:7

Rix walk'ual, man k'a kixq'olotej. Wi nik'uaj jun k'aslen choj, kan ixchoj chuqa' achi'el ri Jesucristo, kan choj wi.

1 Juan 2:29

Rix iwetaman chi ri Jesucristo kan choj wi, roma ri' k'atzinel niwetamaj chi xabachike wineq ri ruk'uan jun k'aslen choj, kan ralk'ual chik ri Dios.

San Juan 10:27

Ri nukarne'l yin kan ketaman y nikak'axaj ri nuch'abel, y kan yinkitzeqelibej. Chuqa' yin wetaman kiwech rije'.

2 Pedro 1:10

Y roma ri' wach'alal ri ix oyon y ri ix cha'on roma ri Dios, kan titija' iq'ij chi kan niq'alajin ronojel re' chupan ri ik'aslen, richin keri' man yixtzaq ta.

San Juan 6:37

Konojel k'a ri e cha'on chik roma ri nata', kan xkepe chinukanoxik. Y man jun bey xkenwetzelaj-el ri xkepe wik'in.

San Juan 6:35

Y ri Jesús xubij k'a chike: Ja yin ri wey ri niya'on k'aslen. Ri xtukuquba' ruk'u'x wik'in, man chik k'a xtinum ta ri ránima, y chuqa' ri xtiniman wichin, man xtichaqchi'in ta chik ri ránima.

San Juan 5:40

Jak'a rix man niwajo' ta nikuquba' ik'u'x wik'in, richin niwil k'aslen richin q'asen.

San Lucas 8:13

Ri ija'tz ri xqaqa kan kojol taq abej, kan nich'on-wi k'a chikij ch'aqa' chik winaqi' ri ye'ak'axan ri ruch'abel ri Dios. Rije' kan janila k'a yekikot toq nikik'ul ri ruch'abel ri Dios pa taq kánima. Jak'a man nuk'en ta qa jebel ri ruxe', kan man niyaloj ta k'a ri kikoten kik'in, xa jun ka'i-oxi' ok q'ij kuqul kik'u'x rik'in ri Dios. Y toq yetejtobex, man k'ayew ta richin nikiya' kan ri Dios.

San Lucas 8:8

Ri ch'aqa' chik k'a ija'tz xqaqa pa jun utzilej ulew, y jebel xek'iy. Y xkiyala' jujun wok'al kiwech jujun ija'tz, xcha'. Toq rubin chik qa re' ri Jesús, kan rik'in k'a ruchuq'a' xch'on, y xubij: Ri k'o k'a rak'axabal, kan trak'axaj k'a ri xinbij, xcha' chike.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

Wuj Richin ri Isaías 55:3

Kixanpe wik'in y kan kiniwak'axaj jebel; kan kiniwak'axaj richin yixk'ase'. Yin kan xtinben jun jikibel-tzij iwik'in richin q'asen, richin xtinya' ajowabel chiwe, y xkik'oje' iwik'in richin jantape', achi'el xinben rik'in ri David.

San Juan 8:52

Ri achi'a' ri kan k'o-wi kiq'ij xkibij k'a chire ri Jesús: Wakami kan qetaman chik chi kan k'o-wi itzel espíritu awik'in roma nabij chi achike ri yeniman ri ach'abel, man k'a xkeken ta. Jak'a ri qatata' Abraham y ri xeq'alajirisan ri ruch'abel ri Dios ojer, xa xeken.

San Lucas 6:48

Rija' junan rik'in ri jun achin ri xupaba' jun rachoch, y xuben-qa ri jul y nej xbe-qa richin ri ruxe' ri jay. Kan pan abej k'a xuk'ot-wi-qa re jul re'. K'ari' xuya' ri ruxe' ri jay, y xuchop k'a samaj. Y toq k'achojineq chik k'a ri jay, xk'iy-pe ri raqen-ya'. Y ri ya' xberila' ri jay rik'in uchuq'a'. Jak'a ri jay man xsilon ta, roma jebel banon chire.