San Lucas 6:45 - Kaqchiquel Bible

⁴⁵ Kan keri' k'a ri wineq. Ri wineq utz, ja ri utz ri nuben, roma kan jari' ri k'o pa ránima. Jak'a ri wineq itzel, ja ri etzelal ri nuben, roma kan jari' ri k'o pa ránima. Roma jun wineq kan jak'a ri k'o pa ránima ri nubij.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁵ Jun wineq utz ránima, ja ri utz kꞌo pa ránima ndubꞌilaꞌ, pero jun wineq itzel ránima, ja ri ma utz ta kꞌo pa ránima ndubꞌilaꞌ. Porque ja ri kꞌiy achike kꞌo pa ránima jun wineq, jariꞌ ri ndubꞌilaꞌ.

Kaqchikel Santa Maria de Jesus

⁴⁵ Jun utzulaj ache can ja ri utzulaj kax ri nuꞌej, ruma joꞌc utzulaj tak kax cꞌo pa ránima. Pero jun ache ri man otz ta, ja ri itziel tak kax ri nuꞌej, ruma jareꞌ ri cꞌo pa ránima. Ruma jun vinak ja ri chica cꞌo pa ránima ri nuꞌej.

Kaqchikel Central Guatemala

⁴⁵ Y can que c'a ri' ri achin. Ri achin utz, ja ri utz ri nuben y nubij, roma can ja ri utz ri c'o pa ránima. Jac'a ri achin itzel, ja ri itzel ri nuben y ri nubij, roma can ja ri itzel ri c'o pa ránima. Roma jun vinek can jac'a ri c'o pa ránima ri nubij.

Re C'ac'a Testamento pa Kach'abal

⁴⁵ Y quire' chuka' re ache. Re ache otz ruc'aslen, ja re otz tak banabal jare' re nuban y nubij, roma ja re otz tak cosas nunojij pa ránma. Jac'a re mal ache, ja re itzel tak banabal nuban y nubij, roma can ja re itzel tak cosas re nisamaj pa ránma. Roma jun vinak ja re nunojij y re c'o pa ránma jare' re nubij y nuban.

Kaqchikel Western Solola

⁴⁵ Y can quec'ari' ri winek. Ri winek utz, ya ri utz ri nuben y nubij, ruma chi can ya ri utz ri c'o pa ránima. Yac'a ri winek itzel, ya ri itzel ri nuben y nubij, ruma chi can ya ri itzel ri c'o pa ránima. Ruma jun winek can ya c'a ri c'o pa ránima ri nubij.

San Lucas 6:45 ပူးပေါင်းရင်းမြစ်များ

Wuj Richin Bix Chire ri Dios 140:5

Ri kinimirisan-ki' e kewalon kan pikbel pa nubey yin. Rije' kiya'on achi'el ya'l pa nubey. Nikajo' k'a nikiq'et chuwaqen; roma ri' e kiya'on kan re pikbel re'.

Wuj Richin Bix Chire ri Dios 59:12

Kere' tikik'uluwachij roma jantape' yemakun rik'in ri ch'abel ri ye'el pa kichi', Kan ta xtiqasex kiq'ij roma ri kinimirisanen, y roma xaxe ri tz'ukuj-tzij ri xqa' chikiwech.

Wuj Richin Bix Chire ri Dios 59:7

Kan nikik'aqala' k'a poqon taq ch'abel, y ri kaq' kan achi'el espada. y kan nikibij-qa chi man jun ye'ak'axan chire ri yekibij.

Wuj Richin Etamabel-Tzij 12:18

Ek'o winaqi' ri man nikipoqonaj ta yech'on, y ri kich'abel xa yesokon achi'el espada; jak'a ri kaq' ri kan k'o-wi na'oj kik'in, ri ch'abel ri yekibij kan ye'aq'oman k'a.

Wuj Richin Etamabel-Tzij 15:23

Kan nikikot wi k'a ránima ri wineq toq yerubij ri utzilej taq ch'abel chike ri yek'uluben richin; kan yalan wi jebel toq kan chupan ri ramaj toq nik'atzin, jari' toq napon ri na'oj.

Wuj Richin Etamabel-Tzij 4:23

Roma ri' rat kan jebel k'a tachajij-awi' chike ri ch'obonik ri yepe pan awánima, roma ja ri pan awánima nipe-wi ri rubanikil ri ak'aslen.

San Juan 7:38

Ri ruch'abel ri Dios nubij chi ri xtipe wik'in yin richin yirunimaj, kan xtik'oje' k'a ri ya' richin k'aslen pa ránima, y ri ya' ri' kan achi'el k'a ri nuben ri ya' pa ralaxibel, keri' xtuben pa ruk'aslen, xcha'.

Hechos 5:3

Jari' toq ri Pedro xubij chire: ¿Achike k'a roma toq xaya' q'ij chi ri Satanás xunojisaj ri awánima, richin chi xatz'uk-tzij chuwech ri Loq'olej Espíritu, y xak'en kan ch'aqa' chire ri rajel ri ulew ri xak'ayij?

Efesios 3:8

Xa ja yin ri man kan ta más wejqalen chikiwech konojel qach'alal. Man rik'in ri' ri Dios xuya' ri rutzil chuwe richin nintzijoj ri rutzil ri Cristo chiwe rix ri man ix judío ta. Y ri utzil ri' kan janila nim, y man tikirel ta niq'ax chiqawech.

Efesios 4:29

Man tibila' itzel taq tzij. Xaxe k'a ri utz y ri nik'atzin tibij, richin keri' re ch'abel re' nukuquba' kik'u'x ri ek'o pa bis, y k'o utzil nuk'en-pe chike.

Efesios 5:19

Tipixabala-iwi' rik'in ri ch'abel ri kik'uan ri jalajoj kiwech bix. Y kan kixbixan k'a richin tiya' ruq'ij ri Dios.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

Colosenses 4:6

Kan ta ronojel ri nibij k'o ta utzil nuk'en-pe. Kan ta achi'el toq k'o atz'an rik'in ri iq'utun, keri' ta ri ich'abel richin chi kan xaxe ta k'a ri ruk'amon ri nibij chike konojel ri k'o nikik'utuj chiwe.

Hebreos 8:10

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri': Kan xtinben richin xtibek'oje' ri nupixa' pa taq kánima. Yin xkinok ki-Dios y rije' xke'ok nutinamit.

Judas 1:15

richin xtuq'et-tzij pa kiwi' konojel, y richin xtuya' ruk'ayewal pa kiwi' ri winaqi' ri man kik'uan ta ri k'aslen ri niqa' chuwech rija', xa ja ri itzel k'aslen kik'uan, y yekibila' poqon taq ch'abel chirij, xcha'.