San Lucas 6:33 - Kaqchiquel Bible

³³ Wi rix, xaxe chike ri winaqi' ri yebanon utzil chiwe, niben-wi utzil, ¿achike ruk'amon-pe chiwe ri'? Kan keri' chuqa' ri winaqi' janila e itzel, nikiben utzil chike ri winaqi' ri yebanon utzil chike.

နောက်ထပ်ဗားရှင်းများ

Kaqchikel Santo Domingo (Xenacoj)

³³ Y si rix xaxe chake ri utz kinoꞌoj chiwa ndibꞌen utz, ¿la kꞌo kꞌa rukajal ndibꞌen rix ke chuwech ri ndikibꞌen ri aj mak teq wineq? Porque hasta jajun rejeꞌ utz kinoꞌoj ndikibꞌen chake ri utz kinoꞌoj kikꞌin.

Kaqchikel Santa Maria de Jesus

³³ Y xa joꞌc ri ncaꞌbꞌano otz chiva, joꞌc chica ijejeꞌ ntiꞌan-ve otz jeꞌ, ¿cꞌo came rucꞌaxiel xtiyoꞌx chiva? Ruma quireꞌ jeꞌ mismo niquiꞌan ri man quiniman ta ri Dios.

Kaqchikel Central Guatemala

³³ Vi rix, xaxe ri vinek ri yebanon utzil chive, xaxe chique rije' niben-vi utzil chuka', man c'ayef ta. Can que chuka' ri' ri vinek janíla e itzel, niquiben utzil chique ri vinek ri yebanon utzil chique rije'.

Re C'ac'a Testamento pa Kach'abal

³³ Vo xa yex, xaxe chique re vinak re ye'bano utzil chiva, xaxe chique reje' niban-va utzil, riq'uin re quire' niban man otz-ta roma man jun rajkalen chach re Dios. Roma quire' chuka' niquiban re man quitaman-ta rach re Dios.

Kaqchikel Western Solola

³³ Y wi riyix, xaxu (xaxe) wi ri winek ri yebano utzil chiwe, xaxu (xaxe wi) chique riye' niben wi utzil, majun ri más ta chic rejkalen ri yixtajin chubanic. Ruma chi xa can queri' chuka' niquiben ri winek ri ma quiniman ta ri Dios, riye' niquiben utzil chique ri winek ri yebano utzil chique riye'.

San Lucas 6:33 ပူးပေါင်းရင်းမြစ်များ

Wuj Richin Etamabel-Tzij 22:16

Ri wineq ri kan k'o ri nutz'oq chuwi-kiq'a' ri xa man jun ok k'o kik'in, xaxe richin chi rija' nibeyomer, y rija' k'o chi nutoj chire jun wineq más beyom, rija' xa nik'oje' chuqa' kan pa meba'il.

Wuj Richin ri Isaías 32:8

Jak'a ri wineq ri utz, kan utz yeruch'obola', y rik'in utzilej rubanobal, kan xtinimirisex ri ruq'ij.

San Lucas 6:32

Wi rix xaxe ri winaqi' ri ye'ajowan iwichin ri ye'iwajo', ¿achike ruk'amon-pe chiwe ri'? Roma xabachike wineq nitikir nibanon keri'. Kan keri' chuqa' ri winaqi' ri janila e itzel yekajo' xaxe ri ye'ajowan kichin.

San Lucas 6:34

Wi rix k'o ta niya' pa qajik chire jun wineq, roma niwoyobej ri qajibel richin, ¿achike ruk'amon-pe chiwe ri'? Roma ri winaqi' janila e itzel k'o nikiya' pa qajik chikiwech rije', richin keri' k'o nikich'ek kan chirij.

1 Timoteo 6:18

Tabij chike chi kekibanala' k'iy utzil, y e beyoma' ta chubanik ri utzilej taq banobel kik'in ri ch'aqa' chik, y man tikik'ek'ej ri nikiya' chike ri beyomel ri k'o kik'in.