San Lucas 6:29 - Kaqchiquel Bible

²⁹ Wi k'o k'a jun yixruch'ey chi ipalej, utz k'a chi niya' chik iwi' pa ruq'a' jun bey. Y wi k'o chuqa' jun wineq numej-el jun iq'u', xa tiya' chuqa' el jun chik itziaq chire.

နောက်ထပ်ဗားရှင်းများ

Kaqchikel Santo Domingo (Xenacoj)

²⁹ Si kꞌo jun ndutzꞌej ri aqꞌoꞌtz, tayaꞌ chi apu ri jun aqꞌoꞌtz chuwech, y si kꞌo jun ndumej e ri kꞌul aqꞌuꞌun, tayaꞌ qꞌij chare chi ndukꞌuaj chuqaꞌ ri atziaq más kꞌo reqalen.

Kaqchikel Santa Maria de Jesus

²⁹ Y xa cꞌo jun nuyaꞌ jutzꞌaj kꞌaꞌ cha ri akꞌoꞌtz, xa tayaꞌ chic apa ri jun chic lado choch. Y xa cꞌo jun numaj-el ri a-capa ri akꞌuꞌn, xa tayaꞌ chic can jun atziak cha.

Kaqchikel Central Guatemala

²⁹ Y vi c'o c'a jun yixch'ayon, man c'a tiya' ruq'uexel chire. Utz c'a chi niya' chic ivi' pa ruk'a' jun bey. Y vi c'o c'a chuka' jun vinek numej-el jun ak'u', man c'a tabisoj naya' chuka' el jun chic atziak chire.

Re C'ac'a Testamento pa Kach'abal

²⁹ Y vo xa c'o jun nich'ayo avichin, man taya' ruq'uixel cha, xa taya-avi' chin yach'ay chic jun bey. Y vo xa c'o jun vinak numoj-a jun atziak, man tapokonaj re atziak xmoj-a chavach, xa taya' chic-a re ak'u' cha.

Kaqchikel Western Solola

²⁹ Y wi c'o c'a jun xupak'ij juc'an apalej chi k'a', xa taya' chic apo ri juc'an apalej chuwech. Y wi c'o c'a chuka' jun winek numej el achaqueta, can man c'a tapokonaj ta naya' el chuka' ri jun chic atziak chare.

San Lucas 6:29 ပူးပေါင်းရင်းမြစ်များ

2 Sam 19:30

Jak'a ri Mefi-bóset xubij: Ronojel ri ulew xa tok k'a kan richin ri Sibá, roma ri más rejqalen chuwe yin, chi rat wajaw xatzolin chik pe rik'in uxlanibel-k'u'x pan awachoch, xcha'.

2 Crón 18:23

K'ari' xjel-apo ri Sedequías ruk'ajol ri Quenaaná rik'in ri Micaías y xuya' jun q'a' chupalej, y xubij chire: ¿Achi'el toq xel-el ri espíritu richin ri Jehová wik'in yin, y xa awik'in chik rat nich'on-wi?, xcha'.

Wuj Richin ri Isaías 50:6

Kan xinya' k'a ri ruche'el-wij chikiwech ri yech'ayon wichin, y chuqa' kan xinya' ri nupalej chikiwech ri xe'elesan ri rusumal-nuchi'. Kan man xinwewaj ta nupalej chikiwech ri janila xinkiyoq' y ri xinkichubaj.

Wuj Richin ri K'uxla'anik 3:30

Wi ta niya'ox jun q'a' chiqapalej, kan tiqaya' q'ij richin niya'ox jun chik, y tiqakoch'o' ronojel ri yebix chiqij.

Wuj Richin ri Miqueas 5:1

Kixyakatej k'a rix aj-labal aj-Jerusalem, roma sutin chik iwij koma ri e etzelanel iwichin. Re winaqi' re' kan xtikijich'aj rupalej ri i-rey rik'in jun xik'a'y.

San Mateo 26:67

Xkichubala' k'a kan rupalej ri Jesús, y xkich'ey rik'in k'olon-q'a'. Chuqa' xkitz'apej ruwech y xkipaq'ila' ri rupalej.

San Lucas 22:64

K'ari' xkitz'apej runaq'-ruwech, xkipaq'ila' chupalej y nikik'utula' k'a chire: ¿Achike ri xach'ayo? Tabij na k'a chiqe, yecha' chire.

San Lucas 6:30

Xabachike k'a wineq ri k'o nuk'utuj chiwe, tiya' chire ri nrajo'. Y wi k'o jun wineq ri k'o numej-el chiwe, man jun bey tich'ojij chire.

San Juan 18:22

Toq ri Jesús rubin chik qa re ch'abel re', jun chike ri chajinela' ri kan k'o-apo ri chiri' chunaqaj ri Jesús xuya' jun q'a' chire, y xubij: ¿Achike roma kere' xach'on-apo chire la nimalej sacerdote?, xcha'.

Hechos 23:2

Roma ri' ri Ananías, ri nimalej sacerdote, xubij k'a chike ri ek'o-apo chunaqaj ri Pablo, chi tikiya' jun q'a' chiruchi'.

1 Corintios 4:11

Roj kan qaq'axan k'a pe wayjal, chaqi'j-chi'ij; maneq qatziaq, yojch'ay, y maneq qachoch.

1 Corintios 6:7

Kan man utz ta k'a ibanon rix chi k'o ch'ojikil chi'ikojol. ¿Man más ta kami utz chi man jun ta niben rix toq k'o ri nibix y k'o ri niban chiwe? ¿Man más ta kami utz chi rix niya' q'ij chi k'o ri nelesex kan chiwe, ke chuwech nichop oyowal chirij?

2 Corintios 11:20

Rix kan jebel k'a e itz'eton ri yebanon chiwe chi yixk'oje' chuxe' kitzij. Kan utz ina'on chi ye'ilon chiwij, chi kan ix kiq'olon y man jun iq'ij chikiwech. Chuqa' kan utz ina'on chi nikiya' q'a' chi'ipalej.

Hebreos 10:34

Xijoyowala' kiwech ri ek'o pa cárcel. Y toq xelesex kan ronojel ri ek'o iwik'in man xipoqonaj ta xiya-el. Xa kan rik'in kikoten xiya-el roma iwetaman chi chila' chikaj k'o ri kan iwichin rix, y ri' más utz chuwech ri beyomel richin re ruwach'ulew, roma re' kan richin jantape'.