San Lucas 5:36 - Kaqchiquel Bible

³⁶ Chuqa' ri Jesús xukusaj re jun k'ambel-tzij re' chikiwech: Man jun wineq nelesan jun k'ojobel chire jun tzieq k'ak'a' richin nuk'ojoj jun tzieq ri xa ri'j chik. Roma wi keri', xa nuben chire ri tzieq k'ak'a' chi man jun chik rejqalen y ri k'ojobel k'ak'a' xa man nuk'en ta ri' rik'in ri tzieq ri xa ri'j chik.

နောက်ထပ်ဗားရှင်းများ

Kaqchikel Santo Domingo (Xenacoj)

³⁶ Ri Jesús xubꞌij chuqaꞌ re parábola reꞌ chake: Ma jun wineq nduqꞌet qa jun kꞌakꞌakꞌ tzieq chin ndirelesaj e jun kꞌojobꞌel y ndukꞌojoj apu rikꞌin jun tzieq tziaꞌq chik. Porque si keriꞌ xtubꞌen, xa kin ndukꞌis ruqꞌij ri kꞌakꞌakꞌ tzieq xuqꞌet, y chuqaꞌ ri kꞌojobꞌel relesan rikꞌin, ma ndukꞌulumaj ta ri tzieq tziaꞌq.

Kaqchikel Santa Maria de Jesus

³⁶ Ri Jesús xucusaj jeꞌ jun parábola (cꞌambꞌal-tzij) chiquivach: Man jun nralasaj-el jun cꞌojobꞌal cha jun tziak cꞌacꞌacꞌ chi nucꞌojobꞌiej jun tziak ri xa tziaꞌk chic; ruma xa nuꞌon quireꞌ, man otz ta nuꞌon cha ri tziak cꞌacꞌacꞌ ruma nurakꞌachꞌij. Y quireꞌ jeꞌ jun tziak cꞌacꞌacꞌ man otz ta nuꞌon riqꞌuin jun ri xa tziaꞌk chic.

Kaqchikel Central Guatemala

³⁶ Chuka' ri Jesús xrucusaj re jun c'ambel-tzij re' chiquivech: Man jun vinek nelesan jun c'ojobel chire jun tziek c'ac'a', y c'ari' nucusaj ta richin nuc'ojoj jun tziek ri xa ri'j chic. Roma vi c'o jun ri nibanon queri', c'ayef. Roma can nuretz-ka ri tziek c'ac'a' richin nrelesaj jun c'ojobel, y re c'ojobel re' xa man nuq'uen ta ri jun rutziak ri xa ri'j chic.

Re C'ac'a Testamento pa Kach'abal

³⁶ Chuka' re Jesús xucusaj re jun ejemplo re' chiquivach: Man jun vinak nicusan jun tziak c'ac'a, chin nuc'ajoj jun tziak re tzia'k chic. Roma vo xa c'o jun re nibano quire', c'ayef. Roma tiene que nuratz re tziak c'ac'a chin nulisaj jun c'ojobal, y re c'ojobal re' xa man nuc'am-ta re jun tziak re tzia'k chic.

Kaqchikel Western Solola

³⁶ Ri Jesús xucusaj chuka' re jun c'ambel tzij re' chiquiwech: Majun chuka' winek nibano chi nucusaj ta jun c'ojobel c'ac'ac' riche (rixin) chi nuc'ojoj jun tziek ri xa ri'j chic. Ruma wi c'o jun ri nibano queri', ma utz ta. Ruma can nuretz (nutzer) ka ri tziek c'ac'ac' riche (rixin) chi nrelesaj jun c'ojobel chare, y ri c'ojobel ri' xa ma numej ta ri' riq'ui jun rutziak ri xa ri'j chic.

San Lucas 5:36 ပူးပေါင်းရင်းမြစ်များ

Wuj Richin ri Chojmirisabelri'il 19:19

Kan ke'iyaka' k'a pa taq iwánima ri pixa' ri nuya'on chiwe. Man tiya' q'ij chike ri iwawej richin ye'etz'an kik'in ch'aqa' chik kiwech chikopi' richin ye'alex. Toq niben tiko'n man k'a titik-qa jalajoj ruwech ija'tz chupan jun ulew. Chuqa' man k'a tikusaj tzieq ri banon rik'in jalajoj ruwech betz'.

San Lucas 5:35

Jak'a kan xtapon na wi ri q'ij toq ri achijlonel xtelesex-el. Jari' k'a toq xkemewayin, xcha'.

San Lucas 5:37

Keri' chuqa' man jun niya'on k'ak'a' vino chupan jun tz'um k'ojelibel ri xa tziaq chik. Roma wi keri', ri k'ak'a' vino xa nuben chi nibojbo' ri tz'um y nik'is-el ri vino chupan. Keri' ri vino y ri tz'um xa man jun chik nik'atzin-wi.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

Deut 22:11

Toq nikem itziaq man tikusaj juba' lana y juba' betz' lino chire.