San Lucas 5:24 - Kaqchiquel Bible

²⁴ Wakami k'a, richin chi niwetamaj chi yin ri xiqaqa-pe achi'el wineq chi'ikojol, kan k'o uchuq'a' pa nuq'a' richin ninkuy mak, titz'eta' k'a, xcha'. Jari' toq ri Jesús xubij chire ri sikirineq: Kayakatej, tak'uaj-el la awarabel y kabiyin chi'awachoch, xuche'ex roma ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Pero chin ndiwetamaj chi riyin ri aj chikaj ri xinuꞌalex chiꞌikajal kꞌo uchuqꞌaꞌ pa nuqꞌaꞌ chin nikuy kimak ri wineq chochꞌulew, wokami nibꞌij chare re achi reꞌ: Kayakatej, tatzꞌamaꞌ la awarabꞌel y kabꞌiyin chiꞌawachoch.

Kaqchikel Santa Maria de Jesus

²⁴ Vacame cꞌa, chi ntivatamaj chi ri Xtak-pa chicaj chi xalax chiꞌicajol can cꞌo poder riqꞌuin chi nuꞌon perdonar pecados, (jareꞌ antok ri Jesús xuꞌej cha ri ache paralítico): Chava atreꞌ niꞌej: Capalaj, tavucꞌuaj ri a-camilla y caꞌin chavachuoch, xchaꞌ cha.

Kaqchikel Central Guatemala

²⁴ Vacami c'a, richin chi rix nivetamaj chi yin ri xinalex chi'icojol can c'o uchuk'a' pa nuk'a' richin nincuy mac, titz'eta' c'a, xcha' rija'. Y jari' tok ri Jesús xubij chire ri achin siquirinek: Ninbij c'a chave: Cayacatej, tac'uaj-el la avarabel y cabiyin chi'avachoch, xuche'ex roma ri Jesús.

Re C'ac'a Testamento pa Kach'abal

²⁴ Y vocame, chin che yex nitamaj che yen re xinalax chi'icojol can c'o poder pa nuk'a' chin che nincuy mac, titz'eta' c'a, xcha' chique. Y jare' tak re Jesús xubij cha re ache siquirnak ru-cuerpo: Chava rat nimbij-va: Cayacataj y tac'uaj-a la a-camilla y cabiyin cha'vachoch.

Kaqchikel Western Solola

²⁴ Wacami c'a, riche (rixin) chi riyix niwetamaj chi riyin ri C'ajolaxel ri xinalex chicojol can c'o k'atbel tzij pa nuk'a' riche (rixin) chi ncuy mac, titz'eta' c'a. Y ri Jesús xubij chare ri achi siquirnek: Nbij c'a chawe: Cayacatej, tac'uaj el la awarabel y cabiyin chawachoch, xcha' chare.

San Lucas 5:24 ပူးပေါင်းရင်းမြစ်များ

Wuj Richin ri Isaías 53:11

Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.

Dn 7:13

Yin kan k'a nutzuliben na ronojel ri xk'utumej chinuwech, y chaq k'ate' k'a xintz'et jun chik banobel. Xintz'et k'a chi chupan ri sutz' chila' chikaj, peteneq k'a jun ri xo'alex achi'el jun wineq rubanik. Y xkiben chire richin xjel-apo chuwech ri k'aslik Dios.

San Mateo 16:13

Ri Jesús e rachibilan ri rutijoxela' xapon chunaqaj ri tinamit Cesarea richin Filipo. Chiri' rija' xuk'utuj k'a chike: ¿Achike nikich'ob ri winaqi' chirij ri xtiqaqa-pe achi'el wineq chiqakojol?, xcha'.

San Mateo 25:31

Y toq yin ri xiqaqa-pe achi'el wineq chi'ikojol xkipe chik k'a, kan rik'in chik k'a nuq'ij-nuk'ojlen; y chuqa' kan konojel k'a ri ángel xkepe wik'in. Y jari' k'a toq yin xkitz'uye' pa nutz'uyubal richin ri nuruwaq'ijaj.

San Mateo 26:64

Jak'a ri Jesús xubij chire: Ja', rat ri yabin. Y chuqa' kan ninbij-wi k'a chiwe chi re chiqawech-apo kan xkinitz'et-wi yin ri xiqaqa-pe achi'el wineq chi'ikojol, in tz'uyul pa rijkiq'a' ri Dios ri nitikir nuben ronojel. Y xkinitz'et toq xkiqaqa-pe pa sutz' ri chila' chikaj, xcha' ri Jesús.

San Mateo 28:18

Ri Jesús kan xjel k'a apo kik'in richin nitzijon, y xubij: Ronojel kan pa nuq'a' k'a yin jachon-wi, kan keri' chila' chikaj y keri' chuqa' wawe' chuwech re ruwach'ulew.

San Mateo 4:24

Ri rutzijol ri Jesús xapon k'a pa ronojel tinamit richin ri ruwach'ulew Siria. Y kan xek'amalox-pe chuwech, yawa'i' ri man junan ta ruwech yabil nok chike. Ek'o ri kan q'axo'n richin ri ch'akulaj kik'uan, ek'o ri xa itzel taq espíritu ri e okineq kik'in. Ek'o k'a ri e ch'uja' y ek'o k'a chuqa' ri e sikirineq. Y kan konojel k'a re yawa'i' re' xeruk'achojirisaj-el.

San Mateo 9:6

Wakami k'a, richin chi rix niwetamaj chi yin, ri xiqaqa-pe achi'el wineq chi'ikojol, kan k'o uchuq'a' pa nuq'a' richin ninkuy mak, titz'eta' k'a, xcha'. Y jari' toq ri Jesús xubij chire ri sikirineq: Kayakatej, tak'uaj-el la awarabel y kabiyin chi'awachoch, xcha' chire.

San Lucas 5:13

Ri Jesús kan jari' xuya-apo ri ruq'a' y xuchop-apo ri achin ri' y xubij chire: Ninwajo' chi yak'achoj. Tik'is k'a el re yabil re' chawij, xcha' chire. Y kan jari' xch'ajch'ojir kan chire ri yabil.

San Lucas 5:18

Xbanatej k'a chi ka'i-oxi' achi'a' kik'uan-apo chuwech ruwarabel jun achin sikirineq. Rije' xkajo' k'a xe'ok-apo pa jay k'a akuchi k'o-wi ri Jesús, richin nikiya' ri yawa' chuwech.

San Lucas 5:23

Roma wi yin yitikir ninben chire re jun sikirineq richin nibiyin-el, ¿man yitikir ta kami chuqa' ninbij chire chi ninkuy rumak?

San Lucas 7:14

Ri Jesús xuchop-apo ri tz'alem akuchi uk'uan-wi-el ri kamineq, y ri e uk'uayon-el richin xepa'e-qa. Rija' xubij k'a chire ri kamineq: Chawe rat ninbij-wi. Kayakatej, xcha'.

San Lucas 8:54

Jari' toq ri Jesús xuchop ruq'a' ri ti xten, y xubij k'a: Ti xten, kayakatej, xcha'.

San Juan 11:43

Toq ri Jesús rubin chik k'a qa re ch'abel re', kan rik'in k'a uchuq'a' xch'on y xubij: Lázaro, katel-pe chiri', xcha'.

San Juan 17:2

Roma kan ajachon-wi-pe uchuq'a' pa nuq'a' richin kan yik'oje-wi pa kiwi' konojel winaqi'. Y ri uchuq'a' ri' nik'atzin k'a chi yin ninya' ri k'aslen ri man k'isel ta chike konojel ri kan e aya'on chik chuwe.

San Juan 3:13

Man jun k'a ri apowineq ta ri chila' chikaj, xa kan xaxe k'a ri jun qajineq-pe. Kan xaxe ri jun ri xqaqa-pe achi'el wineq chiqakojol, ri chila' chikaj rik'in ri Dios k'o-wi rachoch.

San Juan 5:27

Chuqa' ruya'on pa nuq'a' chi ninq'et-tzij, roma ja yin ri k'o chi xkiqaqa-pe achi'el wineq chi'ikojol richin ninq'et-tzij.

Hechos 14:10

Roma ri' ri Pablo kan rik'in ruchuq'a' xch'on chire ri achin, y xubij chire: Kapa'e' k'a el choj, xcha'. Ri achin kan jari' jutzok' xuya', xpa'e-el y xuchop nibiyin-el.

Hechos 5:31

Y ri Dios chuqa' xunimirisaj k'a ruq'ij ri Jesús, rik'in ri xutz'uyuba-apo pa rijkiq'a', y xuben chire chi ja rija' ri nuk'uan qichin y ri nikolon qichin chuqa'. Xuben ronojel re' richin nitzolin qak'u'x rik'in ri Dios roj ri oj judío, y nikuyutej qamak.

Hechos 9:34

Roma ri' ri Pedro xubij chire: Ja k'a ri Jesucristo ri yak'achojirisan. Kayakatej k'a, y tachojmirisaj la awarabel, xcha' ri Pedro chire. Y ri Eneas kan jari' xpa'e-el.

Hechos 9:40

Jari' toq ri Pedro xubij k'a chike konojel ri ek'o rik'in, chi ke'el-el juba'. Rija' xxuke-qa, y xch'on rik'in ri Dios. Xutzu-apo ri kamineq, y xubij: Tabitá, kayakatej, xcha'. Y ri ixoq ri' kan jari' xbetzu'un-pe, y toq xutz'et ri Pedro, xyakatej-q'anej.

Apocalipsis 1:13

Y pa kinik'ajal ri wuqu' kandelero ri' pa'el jun achi'el wineq, rukusan jun rutziaq ri napon k'a chiraqen-qa. Y rukusan chuqa' jun ximibel banon rik'in q'anapueq, y re ximibel re' q'axineq chuwa-ruk'u'x.