San Lucas 23:39 - Kaqchiquel Bible

³⁹ Jun k'a chike ri e ka'i' eleq'oma' ri ek'o chuqa' chuwech cruz, itzel xch'on-apo chire ri Jesús, roma xubij: Rat ri nabij chi ja rat ri Cristo, takolo' k'a awi' rat, y qoj akolo' chuqa' roj, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁹ Y jun chikiwech ri kaꞌiꞌ achiꞌaꞌ itzel teq chikibꞌanik ri ekꞌo cho cruz, ndubꞌilaꞌ apu tzij chupalej ri Jesús y kereꞌ ndubꞌij: ¡Si ja rat ri taqon pe roma ri Dios chukolik ri rutinamit, takoloꞌ awiꞌ ayon chawech y qojakoloꞌ chuqaꞌ roj!

Kaqchikel Santa Maria de Jesus

³⁹ Y jun chiquivach ri icaꞌyeꞌ alakꞌomaꞌ ri icꞌo jeꞌ choch qui-cruz, can cꞌo tzij ri man otz ta ri ncaꞌruꞌej-apa y cava xuꞌej: Xa atreꞌ ri Cristo, tacalo-aviꞌ ayuon y kojacaloꞌ ojreꞌ jeꞌ, xchaꞌ cha.

Kaqchikel Central Guatemala

³⁹ Y jun c'a chique ri e ca'i' elek'oma' ri ec'o chuka' chuvech qui-cruz, itzel xch'on-apo chire ri Jesús, roma xubij: Rat ri nabij chi ja rat ri Cristo, tacolo' c'a avi' rat, y kojacolo' chuka' roj, xcha'.

Re C'ac'a Testamento pa Kach'abal

³⁹ Y jun chique re je ca'e' achi'a' re c'o quimac quibanon jec'o chuka' cho cruz, itzel xch'o-apo cha re Jesús, roma xubij: Rat re nabij che ja rat re Cristo, tacola-avi' rat, y kojacola' chuka' yoj.

Kaqchikel Western Solola

³⁹ Y jun c'a chique ri ye ca'i' alek'oma' ri yec'o chuka' chuwech quicruz, itzel xch'o apo chare ri Jesús, ruma xubij: Riyit ri nabij chi yit c'a riyit ri Cristo, tacolo' c'a awi' riyit, y kojacolo' chuka' riyoj, xcha'.

San Lucas 23:39 ပူးပေါင်းရင်းမြစ်များ

San Mateo 27:44

Y ri eleq'oma' ri e bajin chuwech cruz kachibilan ri Jesús, kan jari' k'a chuqa' nikiben, achi'el ri ch'aqa' chik.

Marcos 15:32

Kan rubin k'a chi ja rija' ri Cristo, ri qa-rey roj judío. Wi keri', kan tiqaqa k'a pe chuwech ri cruz, richin niqatz'et y niqanimaj, yecha'. Y ri eleq'oma' ri e bajin chuwech cruz kan k'o chuqa' ch'abel ri yekibila-apo chire ri Jesús.

San Lucas 23:35

Ri Jesús tzuliben k'a apo koma janila winaqi' y koma chuqa' ri achi'a' ri kan yeq'aton-wi-tzij. Y konojel k'a re winaqi' re' nikitze'ej-apo, y nikibila': Rija' e k'iy xerukol. Wakami tukolo' k'a ri' ruyon, wi kan qitzij chi ja rija' ri Cristo ri cha'on roma ri Dios, yecha'.

San Lucas 23:37

Y nikibila': Wi kan ja rat ri ki-rey ri judío, takolo' k'a awi' ayon, yecha' chire.

San Lucas 23:40

Jak'a ri jun chik eleq'om xubij chire ri rachibil: ¿Kan man naxibij ta awi' chuwech ri Dios chupan re ruk'ayewal re ojk'o-wi rik'in?