San Lucas 23:33 - Kaqchiquel Bible

³³ Toq xe'apon k'a chupan ri jun juyu' rubini'an Baq Richin Jolomaj, xkibajij k'a ri Jesús chuwa ri ru-cruz, y keri' chuqa' ri e ka'i' eleq'oma'. Jun xpabex pa rijkiq'a', y ri jun chik pa rajxokon.

နောက်ထပ်ဗားရှင်းများ

Kaqchikel Santo Domingo (Xenacoj)

³³ Y atoq xebꞌeqaqa pa jun lugar ri ndibꞌix rubꞌaqil jolomaj chare, chiriꞌ xkibꞌajij ri Jesús cho cruz. Xekibꞌen crucificar chuqaꞌ ekaꞌiꞌ achiꞌaꞌ ri eꞌitzel chikibꞌanik, jun xyoꞌox pa rikiqꞌaꞌ y jun pa ruxakan ri Jesús.

Kaqchikel Santa Maria de Jesus

³³ Y antok xaꞌbꞌaka chupan ri lugar rubꞌinan Rujaluon Quiminak, xquibꞌajij ri Jesús choch cruz, y quireꞌ jeꞌ xquiꞌan chica ri icaꞌyeꞌ alakꞌomaꞌ. Jun xyoꞌx pa ru-derecha y ri jun chic pa ru-izquierda.

Kaqchikel Central Guatemala

³³ Y tok xe'apon c'a chupan ri jun juyu' rubini'an Calavera, xquibajij c'a ri Jesús chuva ri ru-cruz, y que chuka' ri' ri e ca'i' elek'oma'. Jun xpabex pa rajquik'a', y ri jun chic pa rajxocon (izquierda).

Re C'ac'a Testamento pa Kach'abal

³³ Y tak xe'bapon chupan re jun lugar rubini'an Calavera, xquibajij re Jesús cho cruz, y quire' chuka' xquiban chique re je ca'e' elek'oma'. Jun xbajex pa rajquik'a', y re jun chic xbajex pa ruxocon.

Kaqchikel Western Solola

³³ Y tek xe'apon c'a acuchi (achique) c'o wi ri jun juyu' ri nibix Rubakil Rujolon (Ruwi') Caminek chare, ri soldados xquibajij c'a ri Jesús chuwech ri cruz, y queri' chuka' xquiben chique ri ye ca'i' alek'oma'. Jun xc'oje' pa rajquik'a' ri Jesús, y ri jun chic pa rajxocon.

San Lucas 23:33 ပူးပေါင်းရင်းမြစ်များ

Wuj Richin Bix Chire ri Dios 22:16

Ri e banoy taq etzelal e yakatajineq chuwij, achi'el jun tzobaj tz'i' ri janila e k'a'el. Kan kisutin k'a wij richin nikiwech' ri nuq'a' y ri waqen.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

San Mateo 20:19

Y chuqa' xkinkijech-el pa kiq'a' winaqi' ri xa man e judío ta richin xkinkitze'ej, xkinkich'ey y k'ari' xkinkibajij chuwech jun cruz richin yiken. Jak'a pa rox q'ij xkik'astej-pe, xcha'.

San Mateo 26:2

Rix kan iwetaman-wi chi pa ka'i' apo q'ij niqanataj toq ri Jehová xuya' ri Solbelri'il. Chupan k'a ri q'ij ri' toq yin ri xiqaqa-pe achi'el wineq chi'ikojol kan xkijach-wi-el richin chi yibajix chuwech cruz richin chi xkiken, xcha' chike.

San Lucas 24:7

Rija' xubij k'a chiwe: Yin, ri xiqaqa-pe achi'el wineq chi'ikojol, kan k'o k'a chi xkijach pa kiq'a' ri aj-maki'. Xkikamisex chuwech-cruz. Y pa rox q'ij xkik'astej-pe, xubij ri Jesús, xecha' ri e ka'i' achi'el achi'a' ri'.

San Juan 18:32

Y kan jare' k'a nibanatej ri rubin chik ri Jesús pa ruwi' ri rukamik.

San Juan 3:14

Y ojer-ojer kan ri', ri Moisés xuya' ri ruwachibel kumetz pa ruwi' ri che' ri xutik. Y achi'el k'a xban chire ri ruwachibel ri kumetz ri', kan keri' chuqa' nik'atzin chi niban chire ri jun ri xqaqa-pe chiqakojol.

Hechos 13:29

chupan ri ruch'abel ri Dios, kan tz'ibatel k'a kan ronojel ri xtiban chire ri Jesús, y kan keri' xbanatej. Chirij ri' ek'o ri xebeqasan-pe chuwa ri cruz, y k'ari' xbekimuqu' kan.

Hechos 2:23

Jak'a ri Dios xuya' k'a q'ij chi xjach ri Jesús pan iq'a', roma kan keri' ri ruch'obon-pe. Rix xiya' pa kiq'a' aj-maki', y keri' ja rix xixkamisan chuwa ri cruz.

Hechos 5:30

Roma ri xbanon chire ri Jesús richin xk'astej-el, ja ri Dios, ri Dios qichin roj y kichin chuqa' ri qati't-qamama'. Jak'a rix xa xikamisaj ri achin ri' toq xibij chi tibajix chuwa ri cruz.

Gálatas 3:13

Jak'a ri Cristo xojrukol chuwech ri ruk'ayewal ri niqaqa pa qawi' roma man niqataqej ta ri nubij ri pixa'. Kan pa ruwi' rija' xqaqa-wi ri ruk'ayewal ri xa pa qawi' ta roj ruk'amon chi xqaqa-wi, roma ri ruch'abel ri Dios nubij chi kan itzel ruwa-ruq'ij ri wineq ri nitzeqebex chuwech jun che'.*f9*

Deut 21:23

ri ruch'akul man tik'oje' kan chiri' chijun aq'a'. Xa kan timuq kan chupan ri q'ij ri', roma chuwech ri Dios kan itzel ruwa-ruq'ij ri nitzeqebex chuwech jun che' y nik'oje' kan jun aq'a' chiri'. Wi keri' xtiben, kan man xtitz'ilobisaj ta k'a ri ruwach'ulew ri xtuya' ri Jehová ri qa-Dios chiwe, richin niwichinaj.

1 Pedro 2:24

Ja rija' ri xuk'uan ri qamak chuwech ri cruz richin xojrukol pa ruq'a' ri mak richin niqachop ta el jun k'aslen choj. Ja rija' ri xsokotej y xken richin nichojmir ri qak'aslen.