San Lucas 23:30 - Kaqchiquel Bible

³⁰ Roma jari' toq xtibanatej chi ri winaqi' kan xkech'owiyaj chike ri nima'q taq juyu' y xtikibila': Kixtzaq-pe chiqij. Y chike ri kokoj taq juyu' xtikibila' k'a: Qojiwewaj, xkecha'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁰ Chupan teq ri qꞌij riꞌ, ri wineq ndikibꞌilaꞌ chake ri nimaꞌq juyuꞌ: Qojimuquꞌ, y chake ri chꞌuteq juyuꞌ: Qojiwewaj.

Kaqchikel Santa Maria de Jesus

³⁰ Entonces ri vinak xtiquiꞌej chica ri juyuꞌ: Quixtzak-pa chikij. Y chica ri chꞌitak juyuꞌ xtiquiꞌej: Kojivavaj, xcaꞌchaꞌ.

Kaqchikel Central Guatemala

³⁰ Roma jari' tok xtibanatej chi ri vinek can xquech'oviyaj chique ri nima'k tak juyu' y xtiquibila': Quixtzak-pe chikij. Chuka' xquech'oviyaj chique ri cocoj tak juyu' y xtiquibila' c'a: Kojivevaj, xquecha'.

Re C'ac'a Testamento pa Kach'abal

³⁰ Jare' tak xtibanataj che re vinak can xque'ch'o-va chique re nima'k tak lomas y xtiquibila': Quixtzak-pa chakij. Chuka' xque'ch'o chique re cocoj tak lomas y xtiquibila': Kojivovaj, xque'cha'.

Kaqchikel Western Solola

³⁰ Y xtibanatej chuka' chi ri winek xtiquibij chique ri nima'k tak juyu': Quixtzak pe chikij. Chuka' xtiquibij chique ri cocoj tak juyu': Kojiwewaj, xquecha'.

San Lucas 23:30 ပူးပေါင်းရင်းမြစ်များ

Wuj Richin ri Isaías 2:19

Toq ri Jehová xtiyakatej richin nusiloj ri ruwach'ulew, ri winaqi' xtikewaj-ki' chuxe' nima'q taq abej, y chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Wuj Richin ri Isaías 2:20

Chupan k'a ri q'ij ri', ri winaqi' xtikik'uaj-el ri wachibel ri e kibanalon rik'in q'anapueq y saqipueq, ri e kibanalon richin xekiya' kiq'ij, y xtikik'aqala-el k'a akuchi ek'o-wi ri ch'oy y ri sotz'.

Os 10:8

Ri porobel ri ek'o pa ruwi' taq juyu' richin Aven ri akuchi xemakun-wi ri israelita, xa kan xkewulex k'a el. Ri akuchi xek'oje-wi ri porobel, xa xkebek'iy-pe jalajoj ruwech k'ix. Roma ronojel ri' ri winaqi' xtikibij k'a chire ri juyu' ¡qojawewaj! Y chike ri tanateq juyu' xtikibij: ¡Kixtzaq-pe chiqij!, xkecha'.

San Lucas 23:31

Roma wi chuwe yin ri achi'el jun che' rex, kan niban chi k'o chi nink'owisaj tijoj-poqonal, ¿achike ta k'a ri man ta xtiban chike ri e achi'el chaqi'j taq che'?, xcha' ri Jesús.

Apocalipsis 6:16

Y konojel re winaqi' re' yech'on chike ri juyu' y ri abej, y nikibila' k'a: Kixtzaq-pe chiqij y qojiwewaj chuwech la tz'uyul chupan la tz'uyubel richin q'atbel-tzij. Y qojiwewaj chuwech ri royowal ri Karne'l.

Apocalipsis 9:6

Y ri q'ij ri' ri winaqi' xtikikanola' ri kikamik y man xtikil ta, roma ri kamik xa xtrewaj-el-ri' chikiwech.