San Lucas 23:28 - Kaqchiquel Bible

²⁸ Ri Jesús xerutzu' k'a, y xubij chike: Ixoqi' aj-Jerusalem, man k'a kiniwoq'ej yin. Xa tiwoq'ej-iwi' rix, y tiwoq'ej chuqa' kiwech ri iwal.

နောက်ထပ်ဗားရှင်းများ

Kaqchikel Santo Domingo (Xenacoj)

²⁸ Pero ri Jesús xerutzutzaꞌ pe y xubꞌij chake: Rix ixoqiꞌ aj Jerusalén, ma kixoqꞌ woma yin, kixoqꞌ iwoma rix y koma chuqaꞌ ri iwal.

Kaqchikel Santa Maria de Jesus

²⁸ Pero ri Jesús xtzuꞌn can chirij, y xuꞌej chica: Ixreꞌ ixokiꞌ aj-Jerusalén, man quixuokꞌ chuvij inreꞌ. Xa tivokꞌiej-ka-iviꞌ ixreꞌ, y quixuokꞌ chiquij ri ival.

Kaqchikel Central Guatemala

²⁸ Y ri Jesús xerutzu' c'a, y xubij chique: Ixoki' aj-Jerusalem, man c'a quinivok'ej yin. Xa tivok'ej-ivi' rix, y tivok'ej chuka' quivech ri ac'uala' ec'o iviq'uin.

Re C'ac'a Testamento pa Kach'abal

²⁸ Y re Jesús xe'rutzu' re ye'ok', y xubij chique: Yex ixoki' aj-Jerusalén, man quixok' chuij. Xa quixok' chivij yex mismo, y quixok' chiquij re ac'ola' jec'o iviq'uin.

Kaqchikel Western Solola

²⁸ Y ri Jesús xerutzu' c'a, y xubij chique: Ixoki' aj Jerusalem, man c'a quiniwok'ej ta riyin. Xa tiwok'ej ka iwi' riyix, y que'iwok'ej chuka' ri ye iwal.

San Lucas 23:28 ပူးပေါင်းရင်းမြစ်များ

Wuj Richin ri Nimalej Bix 1:5

Kiniwak'axaj rix, xtani', richin Jerusalem. Yin kan janila in k'atineq roma ri q'ij; man rik'in ri' in jebejoj ok. In q'eq achi'el ri taq jay e banon rik'in tzieq ri ek'o pa tz'iran ruwach'ulew Quedar.*f1* In jebel ok achi'el ri tzieq tasbel rupan ri rachoch ri rey Salomón.

Wuj Richin ri Nimalej Bix 2:7

Jak'a rix xtani' ri ixk'o pa Jerusalem, tiya' itzij pa kibi' ri masat y ri tzuntzun ri ek'o pa k'echelaj, chi man tik'asoj chi'anin ri ajowabel, k'a ja toq xtapon na ri ruq'ijul.

Wuj Richin ri Nimalej Bix 3:10

Ri pa taq ruxikin, xuya' saqipueq chirij, ri ruraq'alibal ri ch'aket ri' xuya' q'anapueq chirij, y pa ruwi' ri akuchi nitz'uye-wi, xuya' tzieq kaqkoj. Ri pa taq ka'i' ruxikin, ri chuwech y ri chirij, xwiq koma ixoqi' aj-Jerusalem. Y kan xkiben rik'in janila ajowabel.

Wuj Richin ri Nimalej Bix 3:5

Jak'a rix, xtani' ri ixk'o pa Jerusalem, tiya' itzij pa kibi' ri masat y ri tzuntzun ri ek'o pa k'echelaj, chi man tik'asoj chi'anin ri ajowabel, k'a ja toq xtapon na ri ruq'ijul.

Wuj Richin ri Nimalej Bix 5:16

Ri pa ruchi' kan jebel ki'. Kan ronojel chire rija' kan janila utz. Queri' k'a ri wajowanel yin; kan keri' k'a ri nuk'aslen yin, y roma ri' nintzijoj chiwe rix, ixoqi' aj-Jerusalem.

Wuj Richin ri Nimalej Bix 5:8

Rix xtani' richin Jerusalem wi nitz'et ri wajowanel ke taq ri', tibana' utzil tibij chire chi yin ninwajo' chi k'o yan ta pe wik'in.

Wuj Richin ri Nimalej Bix 8:4

Jak'a rix, xtani' ri ixk'o pa Jerusalem, tiya' itzij chi man tik'asoj chi'anin ri ajowabel, k'a ja toq xtapon na ri ruq'ijul.

San Lucas 23:27

Kan janila k'a winaqi' ri e beneq chirij. Janila k'a chuqa' ixoqi' ri ye'oq'en ruwech ri Jesús, y nikibisoj janila.

San Lucas 23:29

Roma kan ek'o k'a q'ij xke'oqaqa toq k'ayew ri xtibanatej. Roma ri' xtibitej chi jebel ruwa-ruq'ij ri ixoq ri man xalan ta, ni man jun bey xroyobej ta jun ak'ual, y man xuya' ta chuqa' rutz'um jun ak'ual.

Apocalipsis 1:7

Roma ri Cristo kan xtipe na wi pa sutz' y qonojel xqojtz'eton richin, chuqa' ri winaqi' ri xeya'on richin pa kamik kan xtikitz'et. Kan konojel winaqi' ri ek'o chijun ruwach'ulew xke'oq' toq xtikitz'et rija'. Ja', kan keri' wi xtibanatej.