San Lucas 21:36 - Kaqchiquel Bible

³⁶ Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

³⁶ Roma kꞌa riꞌ, tichajij ri ikꞌaslen, y tikꞌutuj chare ri Dios chi nduyaꞌ uchuqꞌaꞌ chiwa chin ngixqꞌax chupan nojel ri kꞌayew nubꞌiꞌin pe chiwa ri nduqaqa yan pa ruwiꞌ ri rochꞌulew. Tikꞌutuj chuqaꞌ chi ma ngixkꞌix ta ngixbꞌeqaqa chinuwech riyin ri aj chikaj ri xinuꞌalex chiꞌikajal, xchajeꞌ ri Jesús.

Kaqchikel Santa Maria de Jesus

³⁶ Rumareꞌ tibꞌanaꞌ cuenta-iviꞌ y siempre tibꞌanaꞌ orar, chi nquixcolotaj choch nojiel ri sufrimiento ri xtipa paroꞌ ri roch-ulief, y chi quireꞌ otz ri icꞌaslien nquixalka choch ri Xtak-pa chicaj chi xalax chiꞌicajol, xchaꞌ ri Jesús chica ri ru-discípulos.

Kaqchikel Central Guatemala

³⁶ Roma c'a ri' can tichajij-apo jebel ri ic'aslen. Y tibana' chuka' orar jantape', richin yixcolotej chuvech ronojel ri tijoj-pokonal ri xtipe pa ruvi' re ruvach'ulef, y richin chuka' utz yixapon c'a chinuvech yin ri xinalex chi'icojol, xcha' ri Jesús chique ri rutijoxela'.

Re C'ac'a Testamento pa Kach'abal

³⁶ Mare' can tichajij jabal re ic'aslen. Y tibana' chuka' orar nojel tiempo, chin yix chach ronojel re tijoj-pokonal re xtipa chach re ruch'ulef, y chin che otz re ic'aslen tak xquixapon chinoch yen re xinalax chi'icojol, xcha' re Jesús chique re ru-discípulos.

Kaqchikel Western Solola

³⁶ Rumac'ari' can quiniwoyobej apo chi pak'ij chi chak'a' y ma quixwer ta ka. Y chuka' can tibana' orar, riche (rixin) chi yixcolotej chuwech ronojel ri tijoj pokonal ri xtipe pa ruwi' re ruwach'ulef, y riche (rixin) chuka' chi utz yixapon c'a chinuwech riyin ri C'ajolaxel ri xinalex chicojol, xcha' ri Jesús chique ri ye rudiscípulos.

San Lucas 21:36 ပူးပေါင်းရင်းမြစ်များ

Wuj Richin ri Achin Job 27:10

Ri kan maneq Dios chuwech man jun bey xtikikot rik'in ri Dios, xa kan man jun bey nuk'utuj ta ruto'onik ri Dios pa ruwi'.

Wuj Richin Bix Chire ri Dios 1:5

Roma ri' rije' kan man xkekolotej ta k'a chuwech ri ruq'atoj-tzij ri Dios. Ni man xkek'oje' ta chikikojol ri choj kik'aslen.

Wuj Richin ri Jeremías 35:19

roma ri', ri Jehová ri k'iytisanel richin ronojel xubij chi kan jantape' xtik'oje' jun ruwinaq ri Jonadab chinuwech yin, ronojel q'ij, xicha' chike.

Wuj Richin ri Malaquías 3:2

Ri q'ij toq xtipe ri Jehová, kan xtuben achi'el ri q'aq' ri nujosq'ij ri ch'ich' y achi'el chuqa' nich'ajch'ojirisan ri xabon. Ri q'ij ri' kan man jun xtitikir xtikoch'o.

San Mateo 24:42

Roma ri' kan kiniwoyobej-apo, roma xa man xtiwetamaj ta jampe' toq xkinoqaqa yin, ri iwajaw.

San Mateo 24:43

Roma rix kan iwetaman-wi k'a, chi wi ta ri rajaw jun jay nretamaj jampe' napon ri eleq'om pa rachoch, ri rajaw ri jay ri' nik'ase' ta chuchajixik ri rachoch, y man ta nuya' q'ij chire richin nujeq-apo ri rachoch richin neleq'-el.

San Mateo 24:44

Xa roma ri' toq rix ruk'amon chi kan jantape' kiniwoyobej-apo, roma rik'in juba' man ja ta ri' yixtajin chuch'obik, toq xkinoqaqa yin ri xiqaqa-pe achi'el wineq chi'ikojol.

San Mateo 25:13

Roma ri' rix kan man kixmestan, kan kiniwoyobej-apo, roma xa man iwetaman ta achike q'ij, y achike hora toq yin ri xiqaqa-pe achi'el wineq chi'ikojol xkipe chik jun bey.

San Mateo 26:41

Man k'a kixwer-qa, xkich'on rik'in ri Dios richin chi toq yixtejtobex, man kixtzaq pa mak. Kan wetaman-wi chi ri rurayibel ri iwánima ja ri niben ri nrajo' ri Dios. Jak'a iyon xa kan man yixtikir ta, xcha' chike.

San Mateo 8:20

Jak'a ri Jesús xubij k'a chire: Ri utiwa' kan k'o-wi kijul akuchi yek'oje-wi; y keri' chuqa' ri aj-xik' taq chikopi', kan k'o chuqa' kisok. Jak'a yin, ri xiqaqa-pe achi'el wineq chi'ikojol, kan man jun k'a akuchi ta yinuxlan-wi juba', xcha' chire.

Marcos 13:33

Rix kan jantape' tiwoyobej ri ruq'ijul ri nupetebal, roma xa man iwetaman ta jampe' xtapon ri q'ij ri'.

Marcos 13:37

Kan achi'el k'a ri ninbij chiwe rix chi kiniwoyobej-apo, kan keri' chuqa' ninbij chike konojel, kan kiniwoyobej k'a, xcha' ri Jesús.

San Lucas 1:19

Ri ángel xubij: Ja yin ri in Gabriel, ri kan ink'o-apo rik'in ri Dios. Roma ri' xiruteq-pe awik'in richin nonbij kan chawe re jun utzilej rutzijol re' ri nuk'en-pe kikoten chawe.

San Lucas 18:1

K'ari' ri Jesús xutzijoj k'a jun k'ambel-tzij chike ri rutijoxela', richin chi nuk'ut chikiwech chi kan nik'atzin-wi chi jantape' yech'on rik'in ri Dios, y man keq'itej chubanik.

San Lucas 20:35

Jak'a ri ya'on q'ij chike richin ye'ok pa rajawaren ri Dios, y ri xkek'astej-el chikikojol ri kaminaqi', man xkek'ule' ta chik, ni man xkeyatej ta chuqa' el kimi'al-kik'ajol richin yek'ule'.

San Lucas 21:35

Y ri q'ij ri' xa xtoqaqa achi'el jun kolo' ri nirarin. Keri' rubanik toq xtoqaqa pa kiwi' konojel ri winaqi' ri ek'o chuwech re ruwach'ulew.

Hechos 10:2

Ri Cornelio y ri e aj pa rachoch e ya'ol k'a ruq'ij ri Dios, y nikixibij k'a ki' yemakun chuwech. Y rija' kan jantape' k'a nich'on rik'in ri Dios, y kan k'iy k'a yerutola-wi ri winaqi' ri man jun k'o kik'in.

1 Corintios 16:13

Wach'alal, tichajij k'a ri ik'aslen y chuqa' kan ta kuqul ik'u'x rik'in ri Dios. Man titzolij-iwi' chiwij, xa tik'oje' iwuchuq'a' y kow kixk'oje'.

2 Corintios 4:14

Qetaman chi ri xk'ason-el richin ri ajaw Jesús chikikojol ri kaminaqi', ja chuqa' ri' ri xqojk'ason-el roj. Roma roj jun qabanon rik'in ri ajaw. Y roj qachibilan-qi' iwik'in rix xqojberuya' chila' chikaj.

Colosenses 4:2

Kan beneq k'a ruwech kixch'on rik'in ri Dios, jantape' ta k'a ixk'es y jantape' tik'oje' matioxinik iwik'in.

1 Tesalonicenses 5:17

Jantape' kixch'on rik'in ri Dios.

2 Timoteo 4:5

Jak'a rat tach'obo' jebel ronojel ri naben. Takoch'o' ri tijoj-poqonal ri nipe chawij. Man katane' chutzijoxik ri utzilej ch'abel richin kolotajik. Tabana' ronojel ri samaj ri ya'on chawe roma ri Dios.

1 Pedro 4:7

Y kan chi'anin k'a chuqa' xtapon ri ruk'isibel taq q'ij. Roma ri' rix kan tina' k'a jebel ri achike ye'ibanala' y jantape' kixch'on rik'in ri Dios.

1 Pedro 5:8

Kan tina' k'a jebel ri achike niben y jantape' kixk'ase', roma ri Itzel-Wineq, kan nisutiyaj-pe chiwij richin yixruk'is, achi'el nuben jun koj toq nukanoj ruway.

1 Juan 2:28

Y wakami rix walk'ual, kan jun k'a tibana' rik'in ri Jesucristo, richin chi man xtixibij ta iwi' chuwech toq xtapon ri q'ij toq xtipe chik jun bey y man xkixk'ix ta chuwech toq xtapon ri q'ij ri'.

Judas 1:24

Kan xaxe chire ri Dios ri qakolonel, ri nitikir yojruchajij richin man yojtzaq ta pa mak y nitikir nuben chiqe chi yojapon chila' chikaj rik'in ch'ajch'ojil y man jun qamak chuwech ri nimalej rajawaren,

Apocalipsis 11:4

Y xbix k'a chuwe chi ri e ka'i' samajela' ri', ja ri ka'i' che' oliwo y ri ka'i' kandelero ri ek'o-apo chuwech ri Dios ri xbanon ri ruwach'ulew.*f3*

Apocalipsis 6:17

Roma jare' xoqaqa ri nimalej q'ij richin niqaqa ri royowal pa qawi' y kan man jun k'a xtitikir xtikoch'on, yecha'.

Apocalipsis 7:9

Chirij ri' yin xintz'et k'a chi e janila winaqi' ri kan man e ajlatel ta, richin jalajoj ruwach'ulew, ijatzul, tinamit y ch'abel. Konojel re winaqi' re' e pa'el-apo chuwech ri tz'uyubel richin ri Dios y chuwech apo ri Karne'l. E kikusalon k'a seq ta tzieq y e kik'ualon ruq'a' palma richin nikik'ut ri kikoten.

Apocalipsis 8:2

Y k'ari' xentz'et k'a ri e wuqu' ángel e pa'el-apo chuwech ri Dios y xjach jujun trompeta chike.