San Lucas 21:34 - Kaqchiquel Bible

³⁴ Tichajij k'a ri ik'aslen. Man tibe iwánima chikij ri nimaq'ij; man kixq'aber y chuqa' man xaxe ri nik'atzin chiwe chuwech re ruwach'ulew ri nich'ob, y k'a toq xtina', xa jari' xoqaqa ri q'ij, richin chi yin xkinoqaqa.

နောက်ထပ်ဗားရှင်းများ

Kaqchikel Santo Domingo (Xenacoj)

³⁴ Pero rix tibꞌanaꞌ cuenta iwiꞌ, ma tibꞌa iwánima pa ruwiꞌ ri qꞌabꞌarik y ri apux achike ndukꞌen pe ri qꞌabꞌarik, nixta tichꞌujrisaj iwiꞌ chukanoxik ri ngekꞌatzin chiwa, ma kꞌateꞌ atoq xtinabꞌej, ja xuqaqa yan ri qꞌij riꞌ pa iwiꞌ.

Kaqchikel Santa Maria de Jesus

³⁴ Tibꞌanaꞌ cuenta-iviꞌ. Man tiꞌa ivánima chirij ri vaꞌen, man quixkꞌabꞌar, y man joꞌc ta oc ri nicꞌatzin chiva ri choch-ulief ri ntiꞌan pensar, y antok xtinaꞌ, xa ja xalka ri kꞌij chi inreꞌ nquinalka.

Kaqchikel Central Guatemala

³⁴ Y tichajij c'a ri ic'aslen. Man tibe ivánima chirij ri va'in; man quixk'aber; y chuka' man xaxe ri nic'atzin chive chuvech re ruvach'ulef ri nich'ob, y c'a tok xtina' xa jari' xoka' ri k'ij, richin chi yin xquinoka'.

Re C'ac'a Testamento pa Kach'abal

³⁴ Y tichajij re ic'aslen. Man tiba ivánma chij re va'in, man quixk'abar, y chuka' man xaxe re ndoc chiva chach re ruch'ulef jare' re ninojij nojel tiempo, y c'aja tak xtina' xte'ka re k'ij tak yen xquineka.

Kaqchikel Western Solola

³⁴ Y tichajij c'a ri ic'aslen. Ma xaxu (xaxe) ta wi chrij ri wa'in tibe wi ri iwánima, y tichajij ri ic'aslen chi ma quixk'aber ta; y chuka' ma xaxu (xaxe) ta wi ri nic'atzin chiwe chuwech re ruwach'ulef ri nich'ob, y xa c'a tek xtina', xa yari' xoka ri k'ij riche (rixin) chi riyin xquinoka.

San Lucas 21:34 ပူးပေါင်းရင်းမြစ်များ

Wuj Richin ri Rutikeribel 19:32

Wakami tiqabana' chire ri qatata' chi tuqumu' k'iy vino y qojk'oje' rik'in richin keri' xtik'oje' kan rijatzul qik'in, xcha' chire.

Wuj Richin ri Rutikeribel 19:35

Y kan keri' wi xkiben chupan ri aq'a' ri', xkiben chire ri kitata' chi xuqum k'iy vino, y ja chik ri chaq'laxel ri xk'oje' kan rik'in. Jak'a ri Lot kan man xuna' ta toq xk'oje' kan rik'in, ni toq xyakatej-el.

Wuj Richin ri Rutikeribel 27:14

K'ari' xbe rija' richin xeberuk'ama-pe y xuya' chire ri rute'. Ri Rebeca xuben ri q'utun achi'el ri niqa' chuwech ri Isaac.

Wuj Richin Bix Chire ri Dios 35:8

Roma ri' taya' k'a pe ri ruk'ayewal chaq k'ate' pa kiwi' rije'. Y ri pikbel ri xkiben, ja ta rije' ri xketzaq chupan. Y kan ta ja rije' ri xketzaq chupan ri jul ri xkiben.

Wuj Richin Etamabel-Tzij 21:4

Ri nuna-ri' chi kan k'o-wi ruq'ij, ri kan nunimirisaj-ri' y ronojel ri kich'obonik ri e banoy richin ri etzelal, ronojel re' kan mak-wi.

Wuj Richin Etamabel-Tzij 23:20

Rix, kan man k'a kixk'oje' kik'in ri winaqi' ri yalan yetijo vino; ni man kixk'oje' chuqa' kik'in ri winaqi' ri nik'o ruwi' ti'ij nikitej.

Wuj Richin ri Molojri'il 9:12

Y roj man qetaman ta achike xtuben ri qak'aslen chiqawech-apo. Xa achi'el ri ker ri nikiya-ki' pa ya'l y ri taq aj-xik' chikopi' toq nikiya-ki' pa pikbel. Xa kan keri' chuqa' niqaben roj. Toq man jun niqach'ob, kan jari' niqaqa ri ruk'ayewal ri k'aslen pa qawi'.

Wuj Richin ri Isaías 28:7

Chuqa' ek'o chik ch'aqa' ri yebe-kela' yebe-kela' nikiben, roma xeq'aber-qa rik'in vino y rik'in ya' ri niq'abarisan. Y rije' e sacerdote y e q'alajirisey ruch'abel ri Dios. Man yetikir ta yech'obon roma k'iy vino kiqumun. Chaq nikipajk'ij kaqen roma janila k'iy vino kiqumun, toq k'o ri nik'utumej chikiwech. Y e q'abarela' toq nikiq'et-tzij pa kiwi' ri winaqi'.

Os 4:11

Ri itzel banobel y ri vino kan nuben chi ri nutinamit nisach ruk'u'x y man nuna' ta ri achike yeruben.

Wuj Richin ri Chojmirisabelri'il 10:9

Rat y ri e ak'ajol man nitej k'a vino, ni man jun chik ri niq'abarisan toq k'a man jani yixok-apo chupan ri wachoch richin man yixken ta. Re' kan jun pixa' re ninya' chiwe ri xtik'atzin chike ri iwijatzul richin jantape'.

San Mateo 13:22

Y ri ija'tz ri xqaqa kan kojol taq q'ayis ri k'o ruk'ixal, kan nich'on-wi k'a chikij ch'aqa' chik winaqi' ri nikak'axaj ri ruch'abel ri Dios. Jak'a ri winaqi' ri' roma xa janila poqonal nikiq'axaj, xa nijiq' k'a ri ruch'abel ri Dios ri k'o kik'in. Y chuqa' roma janila nikich'ob rij ri kibeyomel, xa yejiq'. Y ri winaqi' ri' kan man jun bey k'a xtiwachin jebel ri ruch'abel ri Dios pa kik'aslen.

Marcos 13:9

Jak'a rix kan tichajij-iwi' jebel, roma xa kan ek'o ri xkejacho iwichin pa kiq'a' ri achi'a' ri pa komon yeq'aton-tzij. Chuqa' xkixch'ay ri pa taq jay richin molojri'il, akuchi nikak'axaj ri ruch'abel ri Dios. Xkixuk'uex k'a chikiwech q'atoy taq tzij y chikiwech rey, richin xkiniq'alajirisaj chikiwech.

Marcos 4:19

Jak'a ri winaqi' ri' roma xa janila poqonal nikiq'axaj, xa nijiq' k'a ri ruch'abel ri Dios ri k'o kik'in. Y chuqa' roma janila nikich'ob rij ri kibeyomel, y ri ch'aqa' chik ruwech rayinik ri yepe kik'in, xa nijiq'. Y ri winaqi' ri' kan man jun bey k'a xtiwachin jebel ri ruch'abel ri Dios pa kik'aslen.

San Lucas 10:41

Jak'a ri Jesús xubij chire: Marta, rat k'iy ri nach'ob, y sachineq ak'u'x roma k'iy k'o chi naben.

San Lucas 12:40

Roma ri' rix kan jantape' k'a kiniwoyobej-apo, roma toq man ja ta ri' nich'ob, jari' toq xkinoqaqa chik yin, ri xiqaqa-pe achi'el wineq chi'ikojol, xcha' ri Jesús.

San Lucas 17:3

Roma ri' rix tichajij k'a ri ik'aslen. Wi k'o jun iwach'alal nimakun chiwech, kan tibij chire. Wi ri nimakun nitzolin-pe ruk'u'x, tikuyu' rumak.

San Lucas 21:35

Y ri q'ij ri' xa xtoqaqa achi'el jun kolo' ri nirarin. Keri' rubanik toq xtoqaqa pa kiwi' konojel ri winaqi' ri ek'o chuwech re ruwach'ulew.

San Lucas 21:8

Y ri Jesús xubij chike: Kan jebel k'a tichajij-iwi' richin man jun xkixq'olo. Roma xa kan e k'iy-wi k'a ri xkebek'ulun-pe pa nubi' y xtikibila' chi ja rije' ri Cristo. Janila e k'iy ri xkeq'olotej pa kiq'a'. Jak'a rix man ke'inimaj, ni man ke'itzeqelibej.

San Lucas 8:14

Ri ija'tz ri xqaqa kojol taq q'ayis ri k'o kik'ixal nich'on k'a chikij ch'aqa' chik winaqi' ri ye'ak'axan ri ruch'abel ri Dios. Jak'a toq q'axineq chik juba' q'ij, xa nijiq' ri ruch'abel ri Dios kik'in, roma xa ja ri nik'atzin chire ri kik'aslen wawe' chuwech re ruwach'ulew ri nikich'ob, roma chuqa' ri kibeyomel y chuqa' roma yekirayila'. Y man niwachin ta jebel ri kik'aslen.

1 Corintios 5:11

Ri xinwajo' xinbij chiwe chupan ri wuj ri', ja ri man tiwachibilaj jun achin o jun ixoq ri xa nikikanola-ki' richin yemakun, stape' nikibij chi kan e qach'alal. Y keri' chuqa' ri ye'ajowan chi ronojel kik'in ta rije' k'o-wi, ri k'a nikiya' na kiq'ij ch'aqa' chik dios, ri yeyoq'on, ri yeq'aber, y ri ye'eleq'. Re winaqi' re', ni man ruk'amon ta richin yixwa' kik'in.

1 Corintios 6:10

Keri' chuqa' ri yebanon eleq', ri ye'ajowan chi ronojel kik'in ta rije' k'o-wi, ri yeq'aber, ri yeyoq'on, y ri yekamisan.

Gálatas 5:20

nikiyala' kiq'ij dios ri xa man e qitzij ta; nikiben itz; ye'etzelan-ki'; yebanon oyowal; itzel nikina' chike ri ch'aqa' chik roma utz ek'o; chi'anin ye'oyower; nikajo' chi xaxe ta rije' k'o utz nikik'en kan chire ronojel; nikijachala-ki' roma ri kich'obonik; niqa' chikiwech ri tijonik ri xa man e qitzij ta;

Deut 29:19

Rik'in juba' toq iwak'axan chik ri ch'abel richin ri ya'on-tzij k'o jun chi'ikojol ri kan janila xtuna-ri' y xtubij-qa: Yin kan man jun xtink'uluwachij stape' xtinben ronojel ri niqa' chinuwech yin, xticha-qa; y jari' ri xtibanon chi xtipe wululen chiqij qonojel.

Filipenses 4:6

Man tisach ik'u'x roma xabachike; xa tiya' pa ruq'a' ri Dios ronojel y tik'utuj chire ri nik'atzin chiwe. Y chuqa' man timestaj yixmatioxin.

Hebreos 12:15

Titz'eta' jebel chi man jun ta ri man ta nuqi' ri rutzil ri Dios. Richin chi man jun tok achi'el jun q'ayis ri k'ey-k'ey ruxe', ri xa nuben ch'aoj y nusech kik'u'x e k'iy.

2 Pedro 3:10

Kan xtipe na wi ri q'ij ri rubin kan ri ajaw, y man jun etamayon jampe', achi'el nuben jun eleq'om toq nok pa jun jay. Y chupan ri q'ij ri', ri kaj kan xtik'is roma xtijinin pa q'aq'. Chuqa' re ruwach'ulew y ronojel ri k'o pa ruwi' xkek'at chuqa'.

2 Pedro 3:14

Roma ri' wach'alal ri iwoyoben ronojel re', titija' k'a iq'ij chi toq xtipe ri Jesús, ch'ajch'oj ta ri ik'aslen, man jun ta chuqa' imak yixorila-qa, y k'o ta chuqa' uxlanen pa taq iwánima.

Apocalipsis 3:3

Toqaqa chi'ik'u'x ri tijonik ri ik'ulun, titzeqelibej y titzolej-pe ik'u'x. Roma wi xa man xkixk'ase' ta; xkipe pan iwi' achi'el jun eleq'om y man xtinabej ta k'a achike ramaj toq xkinoqaqa.

1 Sam 25:36

K'ari' ri Abigail xtzolin-el y toq xapon chirachoch, ri Nabal najin chubanik jun nimaq'ij achi'el nikiben ri rey. Y roma ri ruq'abarik kan janila nikikot ri ránima y roma ri' chupan ri q'ij ri', ri Abigail man jun xubij chire k'a ja toq xseqer-q'anej ri ruka'n q'ij.