San Lucas 21:25 - Kaqchiquel Bible

²⁵ K'iy k'a ri man jun bey e banatajineq y man jun bey e tz'eton, ri xkek'uluwachitej rik'in ri q'ij, ri ik' y ri ch'umila'. Ri winaqi' ri ek'o chuwech re ruwach'ulew man xtikil ta achike xtikiben; xa xtisach kik'u'x roma ri palou kan xtik'o ruwi' xtiq'ajan, roma xtibolqo't janila.

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Y ngetzꞌetetej etal chuwech ri qꞌij, chuwech ri raqen ikꞌ y chikiwech ri chꞌumilaꞌ, y chochꞌulew ri jalajaj kiwech wineq kixibꞌin kiꞌ y ma ndikil ta rubꞌeyal achike ndikibꞌen porque ri mar santienta ndiwujuj y santienta ndibꞌolqotilan,

Kaqchikel Santa Maria de Jesus

²⁵ Y qꞌuiy cꞌa señales xcaꞌbꞌanataj riqꞌuin ri kꞌij, ri icꞌ y ri estrellas (chꞌumil). Y ri vinak ri icꞌo choch-ulief man xtiquil ta chica xtiquiꞌan, xa xtisach quinoꞌj ruma ri mar más xtikꞌajan, y más xtibꞌalkoꞌt riqꞌuin ruchukꞌaꞌ.

Kaqchikel Central Guatemala

²⁵ Y q'uiy c'a ri man jun bey e banatajinek ta y man jun bey e tz'eton ta xquec'ulvachitej chupan ri k'ij, ri ic' y ri ch'umila'. Y ri vinek c'a ri ec'o chuvech re ruvach'ulef man xtiquil ta achique xtiquiben, xa xtisach quic'u'x roma ri nimalej ya' nibix mar chire, can xtic'o c'a ruvi' xtik'ajan, roma xtibolko't janíla.

Re C'ac'a Testamento pa Kach'abal

²⁵ Y q'uiy c'a señales re can man pak'ij che chak'a' je'banatajnak-ta y can man pak'ij che chak'a' je'tz'eton-ta riq'uin re k'ij, re ic' y re ch'umil. Y re vinak re jec'o chach re ruch'ulef can man xtiquivel-ta andex xtiquiban, xa xtisatz quic'o'x roma re mar camas-va xtik'ajan, roma camas xtubolk'otela-ri'.

Kaqchikel Western Solola

²⁵ Y q'uiy c'a ri majun bey ye banatajnek ta y majun bey ye tz'eton ta ri xquec'ulwachitej chuwech ri k'ij, ri ic' y ri ch'umila'. Y ri winek c'a ri yec'o chuwech re ruwach'ulef ma xtiquil ta chic achique xtiquiben, xa xtisach quic'u'x ruma chi ri mar, can xtik'ax c'a ruwi' xtik'ajan, ruma sibilaj xtibolko't ri ruwi' ya'.

San Lucas 21:25 ပူးပေါင်းရင်းမြစ်များ

Wuj Richin ri Isaías 13:10

Chupan ri q'ij ri', ri q'ij kan maneq ruchuq'a' toq k'ari' nel-pe. Ri ik' man xtisaqirisan ta chik. Y ri ch'umila' kan man xkeyik'lun ta chik.

Dn 12:1

Xtapon k'a ri ruq'ijul, y xtipe k'a ri ángel Miguel, ri chajinel richin ri atinamit. Ri q'ij ri' kan q'ij k'a richin q'axo'n, y kan man jun bey k'a banatajineq-pe keri', pa rutikeribel janipe' ek'o-pe ri winaqi', k'a toq xtapon ri q'ij ri'. Y chupan k'a ri q'ij ri' ri atinamit rat kan xkekolotej k'a chuwech ri tijoj-poqonal konojel ri tz'ibatel kibi' chupan ri wuj.

Wuj Richin ri Isaías 24:23

Ri q'ij y ri ik' man xkesaqirisan ta chik, achi'el xa ta tz'apel ri kipalej roma k'ixbilal. Jak'a ri Jehová k'iytisanel richin ronojel xtik'oje' pa juyu' Sión, y ri chiri' pa Jerusalem xtiq'aton-wi-tzij. Y kan xtiq'alajin ri ruq'ij-ruk'ojlen chikiwech ri aj-raqen ri ek'o chiri'.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

Hechos 2:19

chupan ri kaj xtinben chi xkebanatej ri man jun bey e tz'eton ta, y keri' chuqa', ri chuwech ri ruwach'ulew xkenben retal ri man jun bey e tz'eton. Xtinben chi xtitz'etetej kik', q'aq' y sib ri kan achi'el chik nima'q taq sutz'.

Wuj Richin ri Isaías 51:15

Roma kan ja yin Jehová ri i-Dios, ri kan nisilon richin ri palou, y kan ninben chike chi yeq'ajan. Ja yin, Jehová k'iytisanel richin ronojel, jari' ri nubi'.

Marcos 13:26

Jari' k'a toq xkinkitz'et chik yin ri xiqaqa-pe achi'el wineq chi'ikojol, chi yiqaqa-pe pa sutz', rik'in chik nimalej uchuq'a' y nuq'ij-nuk'ojlen.

Marcos 13:24

Toq e q'axineq chik k'a ronojel ri tijoj-poqonal ri', kan xtibanatej-wi k'a chi ri q'ij xtiq'equmatej, y ri ik' chuqa' man xtisaqirisan ta chik.

San Mateo 24:29

Kan e q'axineq chik k'a ronojel ri tijoj-poqonal ri q'ij ri', kan xtibanatej-wi k'a chi ri q'ij xtiq'equmatej, y ri ik' chuqa' man xtisaqirisan ta chik. Ri ch'umila' xketzaq k'a el ri akuchi ek'o-wi. Kan ronojel k'a ri nimalej taq uchuq'a' ri e richin ri chikaj xkesilon roma ri ruchuq'a' ri Dios.

Wuj Richin Bix Chire ri Dios 46:3

Stape' ri palou niwajin y nibolqo't ri ruwi', ó kan yesilon ta ri juyu', roma ri royowal ri ya', roj kan man xtiqaxibij ta qi'.

Marcos 15:33

Toq xnik'ajer q'ij, jari' k'a toq xq'equmer ri ruwach'ulew. Y ri q'equ'm ri' xk'is k'a el k'a toq xnik'ajer-el ri tiqaq'ij.

Wuj Richin ri Jeremías 4:23

Xintzu' k'a ri ruwach'ulew y xintz'et chi maneq chi ruchojmilal y man jun chik k'o chuwech. Xitzu'un k'a chikaj y man jun k'a saqil k'o.

Wuj Richin ri Isaías 5:30

Chupan k'a ri q'ij ri' rije' kan xkewajin k'a pe chiwij, achi'el niwajin ri palou. Ri qaruwach'ulew kan xtitz'etetej k'a chi kan achi'el xa ta pisil chupan jun nimalej q'equ'm richin q'axo'n, y ri saqil kan xtok q'equ'm.

San Mateo 27:45

Toq xnik'ajer pe ri jun q'ij ri', jari' xq'equmer chijun ruwach'ulew. Y ri q'equ'm ri' xk'is k'a el k'a toq xnik'ajer-el ri tiqaq'ij.

Wuj Richin ri Miqueas 7:4

Ri más juba' utz chikikojol rije' xa achi'el ri k'ix. Ri más juba' choj chike rije' xa achi'el jun cholaj k'ix. Roma ri' ri q'ij richin rutojbalil ri imak naqaj chik k'o-wi. Ri q'ij ri' kan bin-pe chiwe koma ri e ya'ol rutzijol. Toq xtapon, kan xtisach k'a ik'u'x chi'iwonojel.

Wuj Richin ri Isaías 17:12

Janila chi winaqi' richin ri ch'aqa' chik ruwach'ulew ri yeq'ajan, achi'el kich'abel ri ya' toq yebolqo't pa ruwi' ri palou. Keri' ri raqoj-chi'ij richin ri ruwach'ulew kan janila kow nak'axatej, achi'el ri raqen-ya' toq niwajin.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

San Lucas 21:26

Ri winaqi' kan xkemayamo-qa roma xibinri'il roma xtikich'ob rij ronojel ri xtipe pa ruwi' re ruwach'ulew. Roma ronojel ri nimalej taq uchuq'a' ri e richin ri chikaj xkesilon roma ri ruchuq'a' ri Dios.