San Lucas 21:24 - Kaqchiquel Bible

²⁴ E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Y ekꞌo wineq ngekamisex rikꞌin espadas y ekꞌo eyutun ngeꞌukꞌuꞌex pa chꞌaqa chik rochꞌulew. Y ri tinamit Jerusalén ndok kan pa kiqꞌaꞌ wineq ma israelitas ta, y ndikꞌojeꞌ pa kiqꞌaꞌ hasta tikꞌis na ri tiempo yoꞌon chake rejeꞌ chin ndikibꞌen keriꞌ.

Kaqchikel Santa Maria de Jesus

²⁴ Iqꞌuiy cꞌa xcaꞌcon cha espada pa quikꞌaꞌ ri soldados. Y nicꞌaj chic vinak xcaꞌcꞌuax nicꞌaj chic naciones cuma ri soldados. Y ri tanamet Jerusalén xtixakꞌ can cuma vinak ri man israelitas ta, hasta cꞌa xtitzꞌakat-na ri tiempo ri yoꞌn chica.

Kaqchikel Central Guatemala

²⁴ E janíla c'a q'uiy vinek xquequen (xquecom) pa quik'a' ri achi'a' e richin oyoval. Y ri ch'aka' chic chique ri vinek xque'uc'uex-el coma ri achi'a' e richin oyoval. Xque'uc'uex c'a pa ch'aka' chic ruvach'ulef. Y re tinamit Jerusalem xtixek'-xtipalibex coma vinek ri xa man e israelitas ta. Pero man richin ta c'a jantape' queri' xtiquiben, roma ri k'ij ri yo'on chique xa xtic'o.

Re C'ac'a Testamento pa Kach'abal

²⁴ Camas c'a je q'uiy vinak xque'quimisas coma re soldados che espada. Y nic'aj chique re vinak xque'c'uax-a preso pa tak nic'aj chic naciones. Y re tenemit Jerusalén xtic'ue' pa quik'a' re juley chic naciones re man je israelitas-ta. Y tak xtel pa quik'a', ja tak xtapon re tiempo re yi'on chique.

Kaqchikel Western Solola

²⁴ Sibilaj ye q'uiy c'a winek ri xquecamisex tzan espada cuma ri achi'a' ye banoy tak ch'a'oj. Y ri nic'aj chic chique ri winek xque'uc'uex preso cuma ri achi'a' ye banoy ch'a'oj. Xque'uc'uex c'a pa nic'aj chic ruwach'ulef. Y re tinamit Jerusalem xtixak' c'a chi aken cuma winek ri xa ma ye israelitas ta, c'a ya tek xtitz'aket na ri tiempo ri xtic'oje' pa quik'a'.

San Lucas 21:24 ပူးပေါင်းရင်းမြစ်များ

Romanos 11:25

Wach'alal, yin ninwajo' chi rix iwetaman ta re k'a juba' tuq'alajirisaj ri Dios, richin man xa tina-iwi' iyon rix chi janila iq'ij. Y ri nuwinaq judío ri kowirineq ri kánima y man nikajo' ta nikinimaj ri Dios, keri' xkek'oje', k'a toq xkekolotej na ri man e judío ta.

Apocalipsis 11:2

Jak'a ri ruwa-jay ri richin ri wachoch man tawetaj, roma xa jachon chik pa kiq'a' ri winaqi' ri man ketaman ta nuwech y kawineq ka'i' ik' xtikixeq'-xtikipalibej ri loq'olej tinamit Jerusalem.

Wuj Richin ri Isaías 63:18

Xa kan juba' ok q'ij xek'oje' chupan ri awachoch ri qate-qatata', jak'a re wakami ri e etzelanel qichin xa xkixolq'otij.

Dn 12:7

K'ari' ri ukusayon tzieq ri banon rik'in lino, kan xutzeqej k'a chi e ka'i' ruq'a' chikaj y xuya' rutzij pa rubi' ri Dios ri jantape' k'es, chi ronojel re' kan xtibetane', k'a toq xtitz'aqet na ri oxi' juna' rik'in nik'aj, toq ri uchuq'a' ri k'o kik'in ri rutinamit ri Dios xtik'is jumul, k'ari' toq xtitane' ronojel re'.

Dn 9:27

Chirij re' ri aj-raqen kan xtujikiba' k'a rutzij kik'in ri ruwinaq ri Dios chupan ri rutikeribel ri wuqu' chik juna'. Jak'a toq xq'ax yan oxi' juna' rik'in nik'aj, kan xtupaba' k'a rusujik ri kamelabel y ri jalajoj ruwech sipanik. Chirij k'ari', rija' xtiberubana' jun banobel ri kan nrixowaj ri Dios, keri' k'a xtuben k'a toq xtitz'aqet ri wuqu' juna' ri', toq ri Dios xtuya' ri rutojbalil-mak pa ruwi'.

Dn 8:13

Chirij ri' xinwak'axaj k'a chi jun ángel nich'on, y k'o chik k'a jun ángel ri xch'on-apo chire ri nich'on nabey, y xuk'utuj chire chi janipe' nitane' ri itzel banobel rik'in ri kamelabel ri jantape' yesuj, y ri yakatajinenri'il chirij ri rachoch ri Dios y ri rutinamit, ri xejach pa ruq'a' ri ti ko'ol uk'a' ri kan xerupalibej.

Wuj Richin ri Isaías 5:5

Wakami k'a xtinbenbij chiwe ri achike xtinbenbana' rik'in ri nutiko'n richin uva. Xa kan xtinwelesaj k'a ri qejoj chirij richin chi nik'is. Xtinwop k'a ri tz'aq ri rusutin-rij richin chi nipalibex kan.

Wuj Richin ri Isaías 66:19

Y re' jun retal chike rije'. Y k'ari' kan xkenteq jujun chike ri man xeken ta kik'in ri ch'aqa' chik winaqi' richin ri ruwach'ulew. Kan xkenteq k'a el pa ruwach'ulew Tarsis, Fut, Libia, Lidia, ri akuchi yetikir nikikusaj ri ch'ab; chiri' pa Tubal, Grecia y ri ch'aqa' chik ruwach'ulew ri ek'o nej chuchi' ri palou, ri man jun bey kak'axan ri nubi' yin, ni man jun bey kitz'eton ri nuk'ojlemal richin chi nikiq'alajirisaj ri ruwaq'ijaj ri k'o wik'in. Y ri taqonela' ri' xkebe richin xtikiq'alajirisaj ronojel re'.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

Wuj Richin ri K'uxla'anik 1:15

Ri qajaw kan xeruk'is k'a el ri aj-labal ri e qichin roj. Y xeroyoj k'a winaqi' chiqij richin chi yojkik'is. Xepe richin xekikamisaj kan ri k'ajola'. Ri Jehová kan xuben k'a chiqe achi'el toq nipitz' ri uva.

Wuj Richin ri Isaías 66:12

Yin Jehová ninjikiba' nutzij chi xtibanatej, roma kan xtinteq-pe uxlanibel-k'u'x pan iwi', y xtuben achi'el jun nimalej raqen-ya'. Chuqa' ri beyomel kichin ch'aqa' chik winaqi' xtoqaqa pa ruk'iyal, achi'el nibulbu'x jun raqen-ya'. Y rix kan jebel k'a xkixchajix y xkixtzuq roma ri Jerusalem.

Wuj Richin ri Rutikeribel 34:26

Rije' xkikamisaj k'a kan ri Hamor y xkikamisaj kan ri Siquem. Xekikamisaj k'a kan chi espada. K'ari' xbekelesaj-pe ri Dina pa rachoch ri Siquem y xebe.

Ex 17:13

Y keri' ri Josué y ri achi'a' ri e beneq rik'in, xekikamisaj k'a chi espada konojel ri e rijatzul ri Amalec.

San Lucas 21:25

K'iy k'a ri man jun bey e banatajineq y man jun bey e tz'eton, ri xkek'uluwachitej rik'in ri q'ij, ri ik' y ri ch'umila'. Ri winaqi' ri ek'o chuwech re ruwach'ulew man xtikil ta achike xtikiben; xa xtisach kik'u'x roma ri palou kan xtik'o ruwi' xtiq'ajan, roma xtibolqo't janila.

Hebreos 11:34

man xek'at ta toq xek'aq pa nimalej taq q'aq', xekolotej chuwech ri espada. Toq maneq chik kuchuq'a', ri Dios xuya' kuchuq'a'. Xech'akon chikij ch'aqa' chik tinamit ri xebanon labal kik'in.