San Lucas 21:21 - Kaqchiquel Bible

²¹ Roma ri', wi rix ixk'o pa ruwach'ulew Judea, kixanimej k'a el y tibewewaj-iwi' ri pa taq juyu'. Wi pa Jerusalem ixk'o-wi, kixanimej k'a-el. Wi pa taq juyu' ixk'o-wi, man chik k'a kixok-apo pa Jerusalem.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Atoq keriꞌ nditzꞌet, ri ekꞌo pa rochꞌulew Judea, keꞌanimej pa teq juyuꞌ, ri ekꞌo pa tinamit Jerusalén, tikitzꞌamaꞌ bꞌey chin ngebꞌa nej, y ri ekꞌo pa qꞌas, ma keꞌok pa tinamit Jerusalén.

Kaqchikel Santa Maria de Jesus

²¹ Entonces ri icꞌo Judea, caꞌnumaj-el pa tak juyuꞌ. Ri icꞌo pa tanamet Jerusalén, caꞌiel-pa chupan. Y ri icꞌo pa tak juyuꞌ, man chic cꞌa caꞌuoc-oc chupan ri Jerusalén.

Kaqchikel Central Guatemala

²¹ Romari', vi rix ixc'o pa Judea, quixanmej c'a el y te'ivevaj-ivi' ri pa tak juyu'. Y vi pa tinamit Jerusalem ixc'o-vi, quixanmej c'a pe chupan. Y vi pa tak juyu' ixc'o-vi, man chic c'a quixtzolin-apo ri pa tinamit.

Re C'ac'a Testamento pa Kach'abal

²¹ Mare', vo xa yex yixc'o pa Judea, quixnumaj-a y te'ivovaj-ivi' pa tak c'achelaj. Y vo xa pa tenemit Jerusalén yixc'o-va, quixel-a y quixnumaj. Y vo xa pa k'ayis c'o-va ivachoch, man chic quixba-apo pa tenemit.

Kaqchikel Western Solola

²¹ Rumari', riyix ri yixc'o pa ruwach'ulef Judea, quixanmej c'a el y je'iwewaj iwi' ri pa tak juyu'. Y wi pa tinamit Jerusalem yixc'o wi, quixanmej c'a pe chupan. Y wi pa tak juyu' yixc'o wi, man chic c'a quixtzolin ta apo ri pa tinamit.

San Lucas 21:21 ပူးပေါင်းရင်းမြစ်များ

Wuj Richin ri Jeremías 6:1

Chuqa' ri Dios nubij: Rix winaqi' aj-Benjamín kan tikanoj k'a akuchi nito-wi-el-iwi'. Kixanimej-el re wawe' pa tinamit Jerusalem. Tibexupuj ri trompeta chiri' pa tinamit Tecoa richin niya' rutzijol y tiya-q'anej jun retal rik'in jun sib, chiri' pa tinamit Bet-haquérem, roma peteneq jun wululen, jun nimalej ruk'ayewal ri peteneq kela' pa xaman.

Apocalipsis 18:4

K'ari' xinwak'axaj k'a chi k'o jun chik ri nich'on-pe chila' chikaj y nubij: Rix ri kan ix wichin chik yin, kixel k'a pe ri pa tinamit Babilonia, man xa kixqaqa chuqa' pa mak y yixilon chuqa' rix rik'in ri ruk'ayewal ri xtiqaqa pa kiwi' ri winaqi' aj chiri'.

Marcos 13:15

Ri k'o q'anej pa ruk'isibel wiq chire ri rachoch, man tiqaqa-pe richin nok apo pa rachoch richin chi k'o na niberuk'ama-pe.

San Mateo 24:16

Toq xtibanatej ri', ri winaqi' ri ek'o pa Judea xa kan ke'animej k'a el y xtibekewaj-ki' pa taq juyu'.

Wuj Richin ri Jeremías 35:11

Jak'a toq ri rey Nabucodonosor xjote-el richin niberubana' oyowal chiqij, jari' toq xqaya' chiqawech chi xojpe pa tinamit Jerusalem richin chi xojanimej chikiwech ri aj-labal aj-Babilonia y ri aj-Siria. Roma ri' ojk'o wawe', xecha'.

Wuj Richin Etamabel-Tzij 22:3

Ri wineq ri kan nowineq kan chi'anin nutzu' toq k'o ruk'ayewal peteneq y nrewaj-ri' chuwech; jak'a ri wineq ri xa maneq ok retamabal, man jun ri nutzu' y roma ri' choj niberuliba-ri' pa ruk'ayewal.

Wuj Richin ri Q'axanri'il 16:26

K'ari' rija' xuya' chik rutzijol chike ri winaqi', chirij ri xtibanatej y xubij k'a chike: Tijech'ej-el-iwi' chire ri kachoch ri itzel taq winaqi' ri' y man jun tichop ri xa kichin rije', richin keri' man yixken ta chuqa' rix junan kik'in rije', roma ri kimak, xcha'.

Wuj Richin ri Rutikeribel 19:26

Jak'a ri rixjayil ri Lot, xa kanajineq k'a kan y xpe rayibel rik'in richin xtzu'un chik kan chirij, y xa chiri' xk'oje-wi kan jumul, xok kan atz'an y xpa'e' kan achi'el jun wachibel.

Wuj Richin ri Rutikeribel 19:17

Y toq ek'o k'a chiri' chuchi' ri tinamit, jun chike ri ángel xubij chire ri Lot: Junanin ri' takolo-el ri ak'aslen. Man katzu'un kan chawij, ni man kapa'e' kan chupan la ruwa-taq'aj. Xa choj kabiyin la chuwa taq juyu' wi nawajo' nakol ri ak'aslen, roma rik'in juba' yaken, xcha'.

Wuj Richin ri Jeremías 37:12

Y jari' toq yin xinel-pe chiri' pa Jerusalem richin yibe pa nuruwach'ulew chiri' pa Benjamín, richin ninbenk'ulu' kan juba' wulew.

San Mateo 2:1

Ri Jesús xalex k'a ri pa tinamit rubini'an Belén, ri k'o pa Judea, pa ruq'ijul ri Herodes ri Nim,*f3* ri rey pa ruwi' ri ruwach'ulew ri'. Y toq q'axineq chik juba' q'ij, jari' toq ka'i-oxi' achi'a' etamanela' chikij ri ch'umila', e peteneq pa relebel-q'ij xe'oqaqa pa Jerusalem.