San Lucas 20:38 - Kaqchiquel Bible

³⁸ Roma ri Dios man jun ta Dios kichin kaminaqi', roma rija' kan ki-Dios-wi ri e k'es; chuwech rija' konojel rije' e k'es, xcha' ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

³⁸ Y rijaꞌ ki-Dios ri kꞌo kikꞌaslen, y ma ki-Dios ta ri maneq kikꞌaslen, porque pa ruwech ri Dios konojel kꞌo kikꞌaslen, xchajeꞌ ri Jesús.

Kaqchikel Santa Maria de Jesus

³⁸ Ruma ri Dios man Qui-Dios ta quiminakiꞌ, xa Qui-Dios ri icꞌas. Mareꞌ choch ri Dios ijejeꞌ can icꞌas.

Kaqchikel Central Guatemala

³⁸ Y vi ta rije' e caminaki' richin jantape', y xa man ta yec'astej chic pe jun bey, ri Dios man ta qui-Dios rije', roma ri Dios can qui-Dios vi ri c'o quic'aslen y man quichin ta ri caminaki'. Roma chuvech ri Dios rije' can e q'ues vi, xcha' ri Jesús.

Re C'ac'a Testamento pa Kach'abal

³⁸ Y xe-ta reje' xe'com-ta jumul y man-ta ye'c'astaj chic jun bey, re Dios man-ta qui-Dios reje', roma re Dios can qui-Dios-va re c'o quic'aslen y man quichin-ta re anama'i'. Roma chach re Dios reje' can je c'as-va, xcha' re Jesús.

Kaqchikel Western Solola

³⁸ Ruma ri Dios ma Dios ta quiche (quixin) caminaki', xa can Dios quiche (quixin) ri can c'o quic'aslen. Rumac'ari' chuwech ri Dios riye' can ye q'ues wi.

San Lucas 20:38 ပူးပေါင်းရင်းမြစ်များ

San Juan 14:19

Jak'a ri winaqi' ri k'a kikuquban na kik'u'x rik'in re ruwach'ulew, xa juba' chik k'a ok re xkinkitz'et. Jak'a rix kan xkinitz'et-wi. Y roma kan k'o-wi nuk'aslen, rix chuqa' xtik'oje' ik'aslen kere'.

2 Corintios 13:4

Ri Cristo xuya' ri' chuwech ri cruz, achi'el xa ta maneq ruchuq'a', jak'a wakami k'es roma ri nimalej ruchuq'a' ri Dios. Y keri' roj, kan maneq-wi quchuq'a' achi'el ri Cristo toq xken. Jak'a chuqa' kan xqojk'ase' rik'in ri Cristo, roma ri ruchuq'a' ri Dios richin xkixqasamajij rix.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

Apocalipsis 22:1

Y k'ari' ri ángel ri uk'uayon wichin xuk'ut jun ch'ajch'ojilej raqen-ya' chinuwech ri niya'on k'aslen. Ri raqen-ya' ri', chay-chay nitzu'un y nalex-pe ri akuchi k'o-wi ri rutz'uyubal ri Dios y ri Karne'l.

Hebreos 11:16

Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

San Juan 6:57

Roma kan ja ri nata' ri taqayon-pe wichin ri nuya' nuk'aslen. Yin chuqa' k'o ri k'aslen ri' wik'in. Y kan keri' k'a chuqa' ri xkinkik'ul yin, kan xkek'ase-wi woma yin.

San Mateo 22:32

Roma nubij: Jak'a yin ri in Dios ri xkiya' ruq'ij ri Abraham, ri Isaac y ri Jacob, nicha'. Y kan qetaman chuqa' chi ri Dios xaxe ki-Dios ri k'o kik'aslen, y xa man kichin ta ri kaminaqi', xcha' ri Jesús.

Marcos 12:27

Y kan qetaman chuqa' chi ri Dios xaxe ki-Dios ri k'o kik'aslen, y xa man kichin ta ri kaminaqi'. Rix man q'axineq ta chiwech, xcha' ri Jesús chike.

San Lucas 20:39

Ek'o k'a chike ri etamanela' chirij ri pixa' ri xkibij chire ri Jesús: Tijonel, kan qitzij wi ri xabij, xecha'.