San Lucas 2:9 - Kaqchiquel Bible9 Jari' toq xuk'ut-ri' jun ángel chikiwech re yuq'unela' re', y ri ruk'ojlemal ri Dios kan xerusaqirisaj. Y rije' janila xkik'en rukiy. အခန်းကိုကြည့်ပါ။နောက်ထပ်ဗားရှင်းများKaqchikel Santo Domingo (Xenacoj)9 Y xukꞌut kꞌa riꞌ jun ángel chikiwech, y ri nimalej ruqꞌij ri Ajaw xyikꞌan pa ruwiꞌ ri apeꞌ ekꞌo, y ri yuqꞌunelaꞌ santienta xkixibꞌij kiꞌ. အခန်းကိုကြည့်ပါ။Kaqchikel Santa Maria de Jesus9 Jareꞌ antok xucꞌut-riꞌ chiquivach jun ángel ri patanak chicaj riqꞌuin ri Ajaf. Y ijejeꞌ altíra xquixiꞌij-quiꞌ ruma ri ángel, y ruma jeꞌ ri rusakil ri Ajaf ri xuꞌon pakꞌij quiqꞌuin. အခန်းကိုကြည့်ပါ။Kaqchikel Central Guatemala9 Can jari' tok xuc'ut-ri' jun ángel chiquivech re aj-yuk'a' re', jun ángel ri petenek chila' chicaj riq'uin ri Ajaf. Y rije' janíla xquixibij-qui' roma ri ángel, y roma chuka' ri rusakil ri Ajaf ri xsakirisan quichin. အခန်းကိုကြည့်ပါ။Re C'ac'a Testamento pa Kach'abal9 Jare' tak xuc'ut-ri' jun ángel chiquivach, pitinak chila' chicaj riq'uin re Ajaf. Y reje' camas xquixibij-qui' roma re ángel, y roma chuka' re namalaj sakil chin re Ajaf re xtzu'un pa quive'. အခန်းကိုကြည့်ပါ။Kaqchikel Western Solola9 Can yac'ari' tek xuc'ut ri' jun ángel chiquiwech ri aj yuk'a' ri', jun ángel ri petenak chila' chicaj riq'ui ri Ajaf. Y riye' sibilaj xquixibij qui' ruma ri ángel, y ruma chuka' ri sakil riche (rixin) ri Ajaf ri xsakirisan quiche (quixin). အခန်းကိုကြည့်ပါ။ |
Kan chi'anin xtikotz'ijan achi'el nuben ri lirio. Kan xtikikot k'a y chiri' xtak'axatej-wi bix richin kikoten. Ri Dios kan xtuben janila jebel ok chire achi'el ri juyu' Líbano. Kan janila k'a xtiwachin achi'el ri juyu' Carmelo y ri taq'aj richin Sarón. Konojel xtikitz'et ri ruk'ojlen ri Jehová, y ri runimirinen ri qa-Dios.
Nich'oboch'ot k'a pa ruwi' ri' toq jun ángel richin ri ajaw xuk'ut ri' chuwech pa ruwaran, y xubij chire: José, rat ri at riy-rumam kan ri rey David, man k'a taxibij-awi' chi yak'ule' rik'in ri María ri ak'utun richin nok awixjayil, roma ja ri Loq'olej Espíritu ri xqaqa pa ruwi' rija' y wakami peteneq alanik chirij.
Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.