San Lucas 2:49 - Kaqchiquel Bible

⁴⁹ Jari' toq rija' xubij chike: ¿Achike roma yinikanoj? Man iwetaman ta k'a chi yin k'o chi yik'oje' pa rachoch ri nata', xcha' chike.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁹ Ri Jesús xubꞌij chake: ¿Achike roma ngixel chꞌuꞌj chinukanoxik? ¿Ma iwetaman ta kꞌa chi ja ri ndirajoꞌ ri Nataꞌ Dios, ri ndikꞌatzin chi nibꞌen?

Kaqchikel Santa Maria de Jesus

⁴⁹ Y jajaꞌ xuꞌej chica: ¿Karruma nquinicanuj? ¿Man ivataꞌn ta cꞌa chi inreꞌ ja ri nrajoꞌ ri Nataꞌ Dios, jareꞌ ri nicꞌatzin chi niꞌan?

Kaqchikel Central Guatemala

⁴⁹ Y jari' tok rija' xubij chique: ¿Achique c'a roma tok janíla yinicanoj? Chinuvech yin, rix can jebel vi ivetaman chi ja ri nrajo' ri Nata' Dios jari' ri c'o chi ninben.

Re C'ac'a Testamento pa Kach'abal

⁴⁹ Y jare' tak reja' xubij chique: ¿Anchique roma xitz'am pena chin yinicanoj? Pa nutzij yen che yex itaman che ja re nrajo' re Nata' Dios jare' re tiene que nimban.

Kaqchikel Western Solola

⁴⁹ Y yac'ari' tek Riya' xubij chique: ¿Achique c'a ruma tek sibilaj yinicanoj? Chinuwech riyin, riyix can jabel wi iwetaman chi ya ri nrajo' ri Nata' Dios, yari' ri c'o chi nben.

San Lucas 2:49 ပူးပေါင်းရင်းမြစ်များ

Wuj Richin Bix Chire ri Dios 40:8

Yin kan niqa' chinuwech richin niben ri arayibel rat nu-Dios yin. Ri apixa' kan nuyakon k'a pa wánima.

Wuj Richin ri Malaquías 3:1

Rix kan nikanoj ri Jehová ri k'iytisanel richin ronojel, y rija' nuya' rutzijol chi xtuteq-pe jun taqonel, richin nujeq ri bey chuwech. Y xeri' ri Jehová xtipe chupan ri rachoch. Ri rutaqonel richin ri jikibel-tzij ri iwoyoben rix peteneq chik pa bey.

San Mateo 21:12

K'ari' ri Jesús xapon k'a pa rachoch ri Dios; y ri chiri' chuwa-jay xeberelesaj-pe ri k'ayinela' y ri loq'onela', xeroqotaj k'a pe konojel ri jaloy-ruwech méro, xerutek'mayila' k'a ri ki-mesa. Y keri' chuqa' xuben kan chike ri kich'akat ri k'ayil taq paloma.

San Lucas 2:48

Toq ri María y ri José xkitz'et, kan janila xkimey y jari' toq ri María xubij chire: ¿Achike roma toq xak'oje' kan y man jun xabij chiqe? Tatzu'; la atata' y yin janila at qakanon chik. Y kan niq'axo chik qánima roma man jun bey yatqil, xcha'.

San Juan 4:34

K'ari' ri Jesús xubij chike: Ri nuway yin ja ri ninben ri rurayibel ri taqayon-pe wichin y nink'is kan rubanik ronojel ri rusamaj ri ruchilaben-pe chuwe.

San Juan 5:17

Jak'a ri Jesús xubij chike: Ri nata' Dios kan k'a nisamej re q'ij re', y keri' chuqa' yin, k'o chi yisamej, xcha'.

San Juan 5:36

Jak'a kan k'o jun ri nich'on pa nuwi' ri más rejqalen chuwech ri Juan. Y re' ja ri nubanobal. Y kan ja ri Dios ri chilabeyon-pe chuwe richin ninben. Y re' nuq'alajirisaj chi ja ri nata' Dios ri taqayon-pe wichin.

San Juan 6:38

Roma yin, ri xiqaqa-pe chila' chikaj, man nusamaj ta k'a yin ri nuk'amon-pe. Yin xipe chubanik ri samaj ri kan rurayibel-wi ri taqayon-pe wichin.

San Juan 8:29

Ri nata' ri taqayon-pe wichin, kan k'o wik'in. Man k'a yiruya' ta kan nuyon, roma yin kan ninben-wi ri niqa' chuwech, xcha'.

San Juan 9:4

Rokik ri paq'ij, kan utz wi chi ninben ri rusamaj ri taqayon-pe wichin roma toq nok-pe ri aq'a', konojel man yetikir ta chik yesamej.