San Lucas 2:37 - Kaqchiquel Bible

³⁷ Rija' k'o chik jumuch' kaji' rujuna'; y chiri' k'a pa rachoch ri Dios nik'oje-wi q'ij-q'ij. Y chi paq'ij chi chaq'a' nich'on rik'in ri Dios y k'iy mul nimewayin.

နောက်ထပ်ဗားရှင်းများ

Kaqchikel Santo Domingo (Xenacoj)

³⁷ y ja 84 junaꞌ tok kan malkaꞌ, y jumul kꞌo apu pa rachoch ri Dios. Chi chaqꞌaꞌ chi paqꞌij ndubꞌen orar y ndubꞌen ayunar chin nduyaꞌ ruqꞌij ri Dios.

Kaqchikel Santa Maria de Jesus

³⁷ Y jajaꞌ malcaꞌn durante ochenta y cuatro junaꞌ, y can kꞌij-kꞌij nicꞌujieꞌ pa templo. Jajaꞌ nuꞌon ayuno y oración chi nuyaꞌ rukꞌij ri Dios, y quireꞌ nuꞌon chi pakꞌij chi chakꞌaꞌ.

Kaqchikel Central Guatemala

³⁷ Man riq'uin ri' man xc'ule' ta chic jun bey. C'o chic c'a ochenta y cuatro rujuna', y can nic'oje' c'a pa rachoch ri Dios k'ij-k'ij. Q'uiy c'a bey nuben chi man niva' ta, richin nuben orar. Nuya' c'a ruk'ij ri Dios chi pak'ij chi chak'a'.

Re C'ac'a Testamento pa Kach'abal

³⁷ y man chic xc'ule-ta. Ochenta y cuatro chic rujuna', y nojel tiempo nic'ue' pa rachoch re Dios, che pak'ij che chak'a' nuya' ruk'ij re Dios chin nuban orar y chuka' nuban ayuno.

Kaqchikel Western Solola

³⁷ Y ma xc'ule' ta chic. C'o chic c'a ochenta y cuatro rujuna', y can k'ij k'ij nic'oje' pa rachoch ri Dios. Q'uiy c'a mul can ma niwa' ta, riche (rixin) chi nuben orar. Nuya' c'a ruk'ij ri Dios chi pak'ij chi chak'a'.

San Lucas 2:37 ပူးပေါင်းရင်းမြစ်များ

1 Timoteo 5:5

Jak'a ri kan man jun nilin kichin, y k'o nik'atzin chike, rije' chi paq'ij chi chaq'a' kikuquban kik'u'x rik'in ri Dios, y yech'on rik'in.

Hechos 14:23

Xekicha' kan achi'a' uk'uey kichin ri molaj qach'alal. Keri' xkibanala' kan ri pa taq tinamit ri xeq'ax-wi. Xemewayin y xech'on rik'in ri Dios, y k'ari' xekijech kan pa ruq'a' ri Dios ri kiniman chik.

Wuj Richin Bix Chire ri Dios 23:6

Kan qitzij na wi chi ri awutzil y ri awajowabal, kan xtaya' k'a pa nuwi' ronojel q'ij chire ri nuk'aslen. Rokik xtaya' nuk'aslen, yin xkik'oje' jantape' pan awachoch.

Wuj Richin Bix Chire ri Dios 27:4

Yin kan k'o k'a jun ri nuk'utun chire ri Jehová; y kan jari' ri xtinkanoj; chi yin kan xkik'oje' ta chupan ri rachoch ronojel q'ij chire ri nuk'aslen, richin chi ninmey ri ruk'ojlemal y yich'on rik'in chupan ri rachoch.

Hechos 13:3

Toq xetane' richin xemewayin y xech'on rik'in ri Dios, jari' toq xkiya' kiq'a' pa kijolon ri Bernabé y ri Saulo, richin xebe chubanik ri samaj ri rubin kan ri Loq'olej Espíritu.

Hechos 26:7

Man xaxe ta k'a yin in oyobeyon re jun k'astajibel re', xa kan keri' chuqa' ri qawinaq judío. Roj ri kiy-kimam kan ri kablajuj ruk'ajol ri Israel niqanimaj chi ri kaminaqi' xkek'astej na pe, y roma ri', kan chi paq'ij chi chaq'a' niqasamajij ri Dios ri biyon kan keri'. Rey Agripa, yin jari' ri numak ri nikibij.

Wuj Richin Bix Chire ri Dios 22:2

Nu-Dios yin, ri paq'ij yich'on awik'in y kan man nak'uluba' ta pe ri nuch'abel. Chuqa' yich'on awik'in ri chaq'a' y man wilon ta uxlanen.

Apocalipsis 7:15

Roma ri' ek'o-apo rik'in ri Dios, chupan ri rachoch y chi paq'ij chi chaq'a' nikisamajij. Y ri Dios ri tz'uyul chupan ri rutz'uyubal xtik'ase' chikikojol y xkeruchajij re winaqi' re'.

Apocalipsis 3:12

Ri xkech'akon xtinben chike chi xke'ok achi'el jun pilar richin ri rachoch ri nu-Dios y chiri' xkek'oje-wi jantape'. Y chikij k'a rije' xtintz'ibaj ri rubi' ri nu-Dios y ri rubi' ri rutinamit rija', ri k'ak'a' Jerusalem ri niqaqa-pe chila' chikaj. Y chiri' chuqa' xtintz'ibaj ri k'ak'a' nubi' yin.

San Lucas 5:33

Jujun chike ri winaqi' xkik'utuj chire ri Jesús: Ri rutijoxela' ri Juan y ri kitijoxela' ri fariseo kan kicha'on k'a jun q'ij richin yemewayin. ¿Achike k'a roma toq ri atijoxela' rat man keri' ta nikiben?, xecha' chire.

Wuj Richin Bix Chire ri Dios 84:10

Kan más k'a rejqalen ri jun q'ij ri yik'oje' chupan ri awachoch, ke chuwech yik'oje' 1,000 q'ij juk'an chik. Más utz chi stape' xa chuchi-ok ri awachoch yipa'e-wi, ke chuwech yik'ase' pa rachoch jun wineq ri banoy etzelal.

Wuj Richin Bix Chire ri Dios 84:4

Jebel ruwa-kiq'ij ri ek'o pan awachoch, ri kan jantape' nikiya' aq'ij.

1 Sam 2:2

Man jun loq'olej k'o, achi'el rat Jehová: kan xaxe wi rat ri atk'o. Man jun chik achi'el rat, y man jun chik tobel niqil achi'el ri k'o awik'in rat.

Ex 38:8

Chuqa' xuben ri yakbel-ya' y jun ruch'okolibal, rik'in ri espejo ri banon rik'in ri q'enq'oj-pueq ri kichin ri ixoqi' ri yesamej chiri' chuchi' ri rachoch ri Dios.

Wuj Richin Bix Chire ri Dios 92:13

Rije' kan xkebe k'a pa jotol achi'el ri che' ri e tikil chuwa-rachoch ri Jehová, achi'el ri che' ri yesijan chuwa-jay chire ri rachoch.