San Lucas 19:27 - Kaqchiquel Bible

²⁷ Wakami, ninwajo' chi ye'ik'en-pe ri xe'ajowan chi man ta xinok kan rey. Y k'a ja re chinuwech yin ke'ikamisala-wi, xcha' ri rey. Keri' xubij ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

²⁷ Y keriꞌ chuqaꞌ ri itzel nginikitzꞌet, ri ma xkajoꞌ ta chi xinok rey pa kiwiꞌ, keꞌikꞌamaꞌ pe y tiqupij kiqul chinuwech. Keriꞌ xubꞌij ri rey, xchajeꞌ ri Jesús.

Kaqchikel Santa Maria de Jesus

²⁷ Vacame cꞌa, ri itziel ncaꞌtzꞌato vichin, ri man xcajoꞌ ta chi inreꞌ xinuoc rey: Quiꞌcꞌama-pa, y ticꞌama-el quijaluon chinoch, xchaꞌ ri rey.

Kaqchikel Central Guatemala

²⁷ Vacami c'a, ninvajo' yich'on chiquij ri ye'etzelan vichin, y ri xe'ajovan chi man ta xinoc can rey: Je que'ic'amala-pe, y c'a ja re chinuvech yin que'icamisala-vi, xcha' ri rey. Queri' xubij ri Jesús.

Re C'ac'a Testamento pa Kach'abal

²⁷ Vocame, ninjo' yinch'o chiquij re ye'tzelan vichin, y re man xe'jovan-ta che xinoc can Rey: Que'ic'ama-pa, y can chinoch yen que'quimisaj-va, xcha' re Rey. Ja ejemplo re' xubij re Jesús.

Kaqchikel Western Solola

²⁷ Wacami c'a, que'ic'ama' c'a pe ri ye'etzelan wuche (wixin), y ri ma xe'ajowan ta chi xinoc rey, y chinuwech riyin que'icamisaj wi, xcha' ri rey. Queri' xubij ri Jesús.

San Lucas 19:27 ပူးပေါင်းရင်းမြစ်များ

2 Sam 23:7

Xa kan rik'in k'a kum o jun chik ch'ich' ri xkek'uq-el. Chirij ri' xa xkeporox jumul akuchi e punul-wi kan, xcha'.

Wuj Richin Bix Chire ri Dios 109:20

Ja ta k'a rutojbalil re' ri xtuya' ri Jehová chike ri e etzelanel wichin, chike ri winaqi' ri yech'on itzel chuwij.

Wuj Richin Bix Chire ri Dios 2:9

Rat xke'awulaj achi'el xa ta rik'in jun ch'ich', xkek'is achi'el toq nipax jun bojo'y, xcha' chire.

Wuj Richin ri Isaías 66:14

Toq rix xtitz'et ronojel re', ri iwánima kan janila xtikikot. Ri iwuchuq'a' kan xtik'iy achi'el nijotayin chi'anin ri q'ayis. Yin kan xkixinwurtisaj rix, jak'a pa kiwi' ri e etzelanel wichin kan ja ri woyowalen ri xtiqaqa pa kiwi'.

Wuj Richin ri Isaías 66:6

¿Niwak'axaj rix ri niq'ajan ri peteneq pa tinamit? ¿Niwak'axaj achi'el kich'abel winaqi' ri pa rachoch ri Dios? Jari' ri ruch'abel ri Jehová. Jare' noruya' rutojbalil-mak pa kiwi' ri e etzelanel richin.

Wuj Richin ri Nahum 1:2

Ri Jehová kan jun Dios ri kan man niqa' ta chuwech chi niban itzel chike ri ruwinaq. Kan nuya' k'a rutojbalil-mak pa kiwi' rije'. Rija' kan nuya' k'a ruk'exel chike ri nikipaba-ki' chuwech. Kan noyower k'a kik'in ri e itzel taq winaqi'.

Wuj Richin ri Nahum 1:8

Jak'a ri e etzelanel richin kan xkeruk'is el, achi'el nuben jun nim raqen-ya' ri kan nibolqo't y nuk'uaj-el ronojel. Ri Jehová kan xkeruq'i' k'a ri e etzelanel richin chupan jun nimalej q'equ'm richin yeruk'is.

San Mateo 22:7

Jari' toq xapon rutzijol rik'in ri rey, y rija' xyakatej royowal, y xeruteq aj-labal chikij richin chi xek'is k'a ri e kamisanela' kichin ri e rusamajel, y chuqa' xuteq ruporoxik ri kitinamit.

San Lucas 19:14

Jak'a toq k'o chik k'a chupan ri ruwach'ulew ri k'o chi napon-wi richin niban-pe rey chire, ek'o k'a achi'a' ri e beneq pa kibi' konojel ri ruwinaq ri xe'apon k'a akuchi k'o-wi rija'. Y re achi'a' re' xbekibij: Roj man niqajo' ta chi re achin re' nuq'et-tzij pa qawi', xecha'.

San Lucas 20:16

Rija' xtipe k'a y xkerukamisaj ri qajoy taq ulew ri', y ri rulew xtuya' chik kan pa qajik chike ch'aqa' chik, xcha' ri Jesús. Toq ri winaqi' kak'axan chik qa ronojel re', xkibij: ¡Man ta jun bey xtibanatej keri'!, xecha'.

San Lucas 21:22

Roma toq xtapon k'a ri q'ij richin ri tijoj-poqonal, jari' k'a toq ri tinamit xtuk'ul rutojbalil ronojel ri e rubanalon, y kan xtibanatej k'a achi'el ri tz'ibatel kan chupan ri ruch'abel ri Dios.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

Hebreos 10:13

Y chila' k'o-wi, royoben ri q'ij richin yejach pa ruq'a', konojel ri ye'etzelan richin.

1 Sam 11:12

K'ari' ri achi'a' ri e tzeqelibeyon-el ri Saúl xkibij chire ri Samuel: ¿Akuchi ek'o-wi ri man xkinimaj ta chi ri Saúl nibeq'aton-tzij pa qawi'? Ke'ijacha-pe chiqe richin yeqakamisaj, xecha'.