San Lucas 17:29 - Kaqchiquel Bible

²⁹ Jak'a ri q'ij toq ri Lot xel-pe pa tinamit Sodoma, xqaqa k'a kan q'aq' y ri chuwilej-abej pa ruwi' ri tinamit. Kan achi'el k'a job xuben toq xqaqa-pe ri chikaj, y kan konojel winaqi' ri ek'o chiri' xeruk'is q'aq'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁹ pero ri qꞌij atoq ri Lot xel pe pa tinamit Sodoma, ri Dios xubꞌen chi xqaqa pe qꞌaqꞌ y azufre chikaj, y konojel wineq ri xekꞌojeꞌ kan pa tinamit xekꞌis pa qꞌaqꞌ.

Kaqchikel Santa Maria de Jesus

²⁹ Y ri kꞌij antok ri Lot y ri ru-familia xquiyaꞌ can ri tanamet Sodoma, xka-pa chicaj kꞌakꞌ y azufre paroꞌ ri tanamet. Can incheꞌl jobꞌ xuꞌon, y quinojiel ri vinak ri icꞌo chireꞌ xaꞌqꞌuis.

Kaqchikel Central Guatemala

²⁹ Y ri k'ij tok ri Lot y ri e aj pa rachoch xquiya' can ri tinamit Sodoma, xka' c'a can k'ak' y azufre pa ruvi' ri tinamit. Can achi'el c'a job xuben tok xka-pe ri chicaj, y can conojel vinek ri ec'o chiri' xeruq'uis k'ak'.

Re C'ac'a Testamento pa Kach'abal

²⁹ Y re k'ij tak re Lot y re ru-familia xquiya' can re tenemit Sodoma, xka c'a can k'ak' y azufre pa rue' re tenemit re'. Can ancha'l job xuban tak xka-pa chicaj, y can conojel vinak re jec'o chire' xe'ruq'uis re k'ak'.

Kaqchikel Western Solola

²⁹ Y ya c'a ri k'ij tek ri Lot y ri ye aj pa rachoch xe'el el pa tinamit Sodoma, xka c'a ca k'ak' y azufre pa ruwi' ri tinamit. Can achi'el c'a job xuben tek xka pe ri chicaj, y can quinojel ri winek yec'o chiri' xeq'uis ruma ri k'ak'.

San Lucas 17:29 ပူးပေါင်းရင်းမြစ်များ

Apocalipsis 11:8

Y ri kich'akul xkek'oje' kan ri pa nima-bey richin ri nimalej tinamit Jerusalem, ri akuchi xkamisex-wi ri ajaw ri banon chire chi achi'el chik Sodoma o Egipto.

Judas 1:7

Y keri' chuqa' xuben chike ri ojer taq winaqi' ri xek'oje' pa taq tinamit Sodoma y Gomorra y ri ek'o-apo chikinaqaj. Re winaqi' re' xemakun chi achi'a' chi ixoqi', kan xkikanola-ki' richin xemakun. Ri achi'a' man xekajo' ta ixoqi', xa kik'in chik achi'a' xek'oje-wi-qa. Roma ri' konojel ri winaqi' ri', ri Dios xeruya' pa q'aq' ri nik'at richin jantape'. Y re' richin nuk'ut chiqawech ri xtikik'uluwachij ri winaqi' ri nikik'uaj itzel k'aslen.

2 Pedro 2:6

Y chuqa' ri Dios kan man xukoch' ta ri kimak ri aj-Sodoma y Gomorra. Xa xubij chi k'o chi yek'is. Y kan keri' wi xbanatej. Rija' xeruk'is ri tinamit ri' rik'in q'aq', richin keri' tiketamaj ri winaqi' ri yek'oje' kan, chi wi man chojmilej k'aslen ta xtikik'uaj chuwech ri Dios, xtiqaqa chuqa' jun nimalej ruk'ayewal pa kiwi' rije'.

Wuj Richin ri Sofonías 2:9

Roma ri' yin Jehová, ri in k'iytisanel richin ronojel, ninya' nutzij chi ri ruwach'ulew Moab xtiberuk'uluwachij achi'el ri Sodoma, y ri Amón achi'el ri Gomorra. Xtibe'ok kan juyu' richin k'ix y ulew richin atz'an. Kan xtitole' k'a kan richin q'asen. Jak'a ri xkekolotej kan chike ri nutinamit yin, xtikichinaj kan ronojel ri k'o rejqalen, y xtok kan kichin rije' richin q'asen.

Wuj Richin ri Jeremías 50:40

Kan xenk'is k'a ri tinamit Sodoma y Gomorra y ri tinamit ri ek'o chikinaqaj. Y kan keri' chuqa' xtinben rik'in ri Babilonia. Y man jun chik k'a ri xtibek'oje' chik chiri'. Yin Jehová ri yibin.

Wuj Richin ri Isaías 13:19

Ri tinamit Babilonia janila rejqalen chikiwech ri ch'aqa' chik ruwach'ulew, achi'el jun jebelej abej ri janila rejqalen. Y ri tinamit ri' kan janila ruwa-ruq'ij chikiwech ri aj chiri'. Jak'a xa xtiwulex roma ri Dios, achi'el xuben ojer kan kik'in ri tinamit Sodoma y Gomorra.

Am 4:11

Xinya' jun ruk'ayewal pan iwi' achi'el xinben kik'in ri aj-Sodoma y ri aj-Gomorra. Rix kan ix achi'el jun si' k'atineq rutza'n ri elesan-el pa q'aq'. Man rik'in ri' man xtzolej ta pe ik'u'x wik'in. Yin Jehová ri yibin.

Os 11:8

Rix winaqi' aj-Israel, ¿achi'el ta k'a toq xkixinmalij kan? ¿Kan xkixinjech kami pa kiq'a' ri e etzelanel iwichin? ¿Kan xkitikir kami xtinben chiwe achi'el xinben chike ri tinamit Admá y ri Seboim? Ri wánima kan achike na k'a nuben, kan janila k'a ninjoyowaj iwech.

Wuj Richin ri Isaías 1:9

Wi ta yin Jehová k'iytisanel richin ronojel man ta xixinya' kan juba' chiwe rix, kan ix achi'el ta chik ri tinamit Sodoma y Gomorra.

San Lucas 17:28

achi'el chuqa' ri xk'uluwachitej pa ruq'ijul ri Lot. Toq ri winaqi' xa beneq kánima rik'in ri kiwa'in, rik'in ri achike yekiqumula', rik'in ri kiloq'oj, ri kik'ayij, ri kitikoj y ri paban taq jay.

San Lucas 17:30

Keri' chuqa' ri q'ij toq yin ri xiqaqa-pe achi'el wineq chi'ikojol xkinok'ulun chik qa re chuwach'ulew.

Apocalipsis 14:10

kan xtiqaqa-wi ruk'ayewal pa kiwi'. Kan xketzaq k'a achi'el yetzaq ri q'abarela', roma ri Dios kan xtuben chike chi tikiqumu' ri royowal rija'. Y konojel ri xkebanon keri', xtikitej poqon chupan ri q'aq' y ri chuwilej-abej chikiwech loq'olej taq ángel chuwech ri Karne'l.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.