San Lucas 16:15 - Kaqchiquel Bible

¹⁵ Roma ri' ri Jesús xubij chike: Rix kan nibananej chikiwech ri winaqi' chi kan janila ix choj. Jak'a ri Dios retaman achike ri k'o pan iwánima. Ri k'o janila rejqalen chuwech re ruwach'ulew, ri Dios kan nrixowaj.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Y ri Jesús xubꞌij chake: Rix chikiwech ri wineq kin ndibꞌananej chi rix utzulej teq wineq, pero ri Dios retaman ri kꞌo pa iwánima. Porque ri kin utz pa kiwech ri wineq, pa ruwech ri Dios ma ke ta riꞌ, xa ndimulu rukꞌuꞌx rikꞌin.

Kaqchikel Santa Maria de Jesus

¹⁵ Y ri Jesús xuꞌej chica: Ixreꞌ can ntiꞌan chiquivach ri vinak chi can choj ri icꞌaslien, y otz nquixtzꞌiet, y nem jeꞌ bꞌanun chiva. Pero ri Dios rataꞌn chica ri cꞌo pan ivánima, y man otz ta nquixrutzꞌat.

Kaqchikel Central Guatemala

¹⁵ Y ri Jesús xubij chique: Rix can nibananej chiquivech ri vinek chi can janíla ix choj. Pero ri Dios retaman achique ri c'o pan ivánima, y man utz ta yixrutz'et. Y ri' stape' janipe' jebel yixtz'et y stape' chuka' janipe' ix nimirisan coma ri vinek.

Re C'ac'a Testamento pa Kach'abal

¹⁵ Y re Jesús xubij chique: Yex can nibananej chiquivach re vinak che camas yix choj y camas yix otz. Pero re Dios rutaman andex re c'o pa tak ivánma, y man otz-ta yixrutz'at. Y re' astapa' jenipa' jabal otz yixtz'et coma re vinak y astapa' can xtiquiya' ik'ij.

Kaqchikel Western Solola

¹⁵ Y ri Jesús xubij chique: Riyix can nibananej iwi' chiquiwech ri winek chi can sibilaj yix choj. Yac'a ri Dios xa can retaman wi achique ri c'o pan iwánima, y ma utz ta yixrutz'et. Y astape' can jabel c'a yixtz'et y astape' chuka' chi can janipe' na nimirisan ik'ij cuma ri winek.

San Lucas 16:15 ပူးပေါင်းရင်းမြစ်များ

1 Crón 29:17

Yin wetaman jebel chi rat natzu' ri qach'obonik, y kan yeqa' chawech ri winaqi' toq nikiben pa ruchojmilal. Yin kan rik'in ronojel wánima xinsuj ronojel re' chawe. Y ri atinamit rik'in ronojel ránima xusuj chawe ri xkik'en-pe. Roma ri' janila yikikot.

2 Crón 6:30

wi keri', rat kan xtawak'axaj k'a ri chila' chikaj ri akuchi atk'o-wi, xtakuy ta rumak ri atinamit. Kan xaxe k'a rat ri yatz'eton ri kánima konojel ri winaqi', y roma ri' kan xtaben k'a kik'in achi'el ri kibanobal chikijujunal.

Wuj Richin Bix Chire ri Dios 10:3

Kan nikikot k'a rik'in ri rurayibel ri ránima, nikikot chuqa' kik'in ri yebanon etzelal y kan yaretzelaj rat.

Wuj Richin Bix Chire ri Dios 49:13

Keri' xkek'is ri winaqi' ri xa kikuquban kik'u'x kik'in-qa rije'. Chuqa' keri' xkek'is ri winaqi' ri kikuquban kik'u'x rik'in ri kibeyomel.

Wuj Richin Bix Chire ri Dios 49:18

Stape' toq k'a k'es na, kan janila nuya-qa ruq'ij, y kan janila chuqa' niya'ox ruq'ij koma ri winaqi',

Wuj Richin Bix Chire ri Dios 7:9

Tik'is k'a wakami ri ketzelal ri aj-maki' y takolo' ri choj ruk'aslen, roma rat at jun Dios choj, y kan nanik'oj ri ránima y ri ruch'obonik ri wineq.

Wuj Richin Etamabel-Tzij 16:5

Konojel ri winaqi' ri nikinimirisaj-ki', kan itzel yerutz'et ri Jehová; y kan qitzij wi chi man xkek'oje' ta kan choj keri', xa kan xtikik'ul rutojbalil.

Wuj Richin Etamabel-Tzij 20:6

Kan ek'o-wi k'a achi'a' ri nikiq'alajirisaj chi rije' kan janila jebel kina'oj; jak'a jun wineq ri kan nuben-wi ri nubij, kan man jun xtilitej.

Wuj Richin Etamabel-Tzij 21:2

Ronojel rubeyal k'aslen, kan e choj yeq'alajin chuwech ri wineq; jak'a ri Jehová nupej y nutzu', achike roma toq ri ránima ri wineq xurayij ri bey ri ruk'uan.

Wuj Richin ri Jeremías 17:10

Jak'a yin Jehová yitikir nintz'et ri ránima y kan wetaman jebel ronojel. Kan ninya' ri rutojbalil pa kiwi' chikijujunal achi'el ri kibanobal.

Wuj Richin ri Malaquías 3:15

Chuqa' nibij chi ri nima'q nikina-ki' kan yekikot, y ri kijachon-ki' chubanik ri etzelal kan ronojel utz nel chikiwech, y ri nikipaba-ki' chinuwech man jun nikik'uluwachij, ncha' ri Dios.

San Mateo 23:5

Rije' nikibanala' k'a ri utz, jak'a man richin ta chi utz nikiben chuwech ri Dios. Rije' xaxe richin chi ketz'et y kenimex koma ri winaqi'. Y tikitz'eta' k'a ri retal ri kik'uan chirij ri kiq'a' y ri nik'aj-kiwech, ri ek'o mokaj ruch'abel ri Dios chupan. Y chuqa' más nima'q raqen nikibanala' chire ri retz'aba'l ruchi' taq kitziaq retal chi kan kijachon-ki' pa ruq'a' ri Dios.

San Mateo 6:16

Toq rix yixmewayin richin yixch'on rik'in ri Dios, man k'a tiben achi'el nikiben ri winaqi' ri ka'i' kipalej; ri kan yebison ri yetzu'un; kan e jalatajineq k'a ri yetzu'un, xaxe richin tiq'alajin chikiwech ri winaqi' chi kan yemewayin. Kan qitzij ninbij chiwe chi ri yebanon keri' xa kan xkik'ul yan k'a ri rajel ruk'exel.

San Mateo 6:2

Toq rix nito' ri kan k'o nik'atzin chire, man k'a tiq'ajan ri trompeta richin niwelesaj rutzijol, achi'el nikiben ri winaqi' ka'i' kipalej ri kan nikelesaj rutzijol pa taq bey y pa taq jay richin molojri'il, akuchi nikak'axaj ri ruch'abel ri Dios, richin chi tetamex ri utz ri ye'ajin chubanik y kan tiya'ox kiq'ij. Kan qitzij wi ninbij chi ri winaqi' ri yebanon keri' xa kan xkik'ul yan ri rajel ruk'exel ri kibanobal.

San Mateo 6:5

Toq rix yixch'on rik'in ri Dios, man k'a tiben achi'el ri nikiben ri winaqi' ri ka'i' kipalej. Roma ri winaqi' ri' kan ja ri pa taq jay richin molojri'il, y ri akuchi nikik'ul-ki' ri bey, chiri' yepa'e-wi richin yech'on rik'in ri Dios, xaxe richin ketz'etetej koma ri winaqi'. Kan qitzij k'a ninbij chiwe chi ri winaqi' ri yebanon keri' xa kan xkik'ul yan k'a rajel ruk'exel ri kibanobal.

San Lucas 10:29

Jak'a re etamanel re' kan xrajo' chi tiq'alajin chi kan k'o-wi etamabel rik'in. Roma ri' xuben chi achi'el man q'axineq ta chuwech ri achike k'a ri' ri ruwinaq, ri ruk'amon chi nrajo' achi'el nrajo-qa-ri' rija'.

San Lucas 11:39

Y ri Jesús xubij chire: Rix fariseo jebel nich'ej ri ich'akul jak'a ri iwánima xa tz'il-tz'il, achi'el jun leq ri jebel ch'ajch'oj rij y ri rupan xa tz'il-tz'il, roma ri iwánima xa nojineq rik'in eleq', y rik'in etzelal.

San Lucas 18:11

Ri fariseo pa'el, ruyon nich'on rik'in ri Dios, y nubij k'a chupan ri ruch'owen: Dios, matiox ninya' chawe roma yin man in junan ta kik'in ri ch'aqa' chik winaqi'. Roma rije' xa e eleq'oma', e kanoy kichin ch'aqa' chik ixoqi', y man e choj ta chupan ri kik'aslen. Ni man in junan ta k'a chuqa' rik'in la jun achin moloy méro la'.

San Lucas 18:14

Kan qitzij ninbij chiwe, chi ri achin moloy méro xtzolin-el, y man jun rumak xk'ulun chuwech ri Dios. Jak'a ri fariseo man keri' ta xk'ulun chuwech ri Dios. Roma xabachike k'a ri nunimirisaj-ri', xtiban k'a chire chi xtiqasex ruq'ij. Jak'a ri ruqasan-ri', xtinimirisex ruq'ij, xcha' ri Jesús.

San Lucas 18:21

Y ri achin kan jari' xubij chire: Tijonel, yin k'a in ko'ol toq nubanon-pe ronojel ri', xcha'.

San Lucas 18:9

Ri Jesús xuya' chik k'a jun k'ambel-tzij chikiwech ri winaqi', roma ek'o chike rije' ri nikich'ob chi janila e choj, y yeketzelaj ri ch'aqa' chik. Y rija' xubij:

San Lucas 20:20

Ri aj-raqen kichin ri sacerdote y ri etamanela' ri' xekiteq k'a pe ch'aqa' chik achi'a' nachanela' ri kan choj kik'aslen niq'alajin, jak'a xa man keri' ta. Rije' xa nikajo' k'a nikiya' ta pa k'ayew ri Jesús, y nitzaq ta pa kiq'a' rik'in ri ch'abel ri nubij. Richin chi nikijech pa ruq'a' ri q'atbel-tzij aj-Roma.

San Lucas 20:47

Y re achi'a' re' yekimajla' kan ri kachoch ri malkani' taq ixoqi'. Y xaxe richin kenimex chi rije' e utz taq winaqi', kan yeyaloj richin yech'on rik'in ri Dios. Jak'a rije' kan xtiqaqa-wi rutojbalil-mak pa kiwi', roma ri kimak janila, xcha' ri Jesús.

San Juan 2:25

Y man nik'atzin ta k'a chire chi k'o ta jun ri nibin chire achike rubanik ri kik'aslen chikijujunal, roma rija' kan retaman-wi achike k'a ri k'o pa taq kánima.

San Juan 21:17

Y pa rox bey, ri Jesús xubij chik chire: Rat Simón ri ruk'ajol ri Juan, ¿kan yinawajo'?, xcha'. Ri Pedro kan q'alaj wi k'a chi xpe bis pa ránima, roma ja yan ri' ri rox bey ri xk'utux chire roma ri Jesús. K'ari' ri Pedro xubij: Wajaw, rat kan ronojel k'a awetaman. Kan awetaman k'a chi yatinwajo', xcha'. Y ri Jesús xubij chik chire: Kan ke'ayuq'uj y ke'achajij k'a ri nukarne'l.

Hechos 1:18

Rik'in ri méro ri xuk'ul toq xujech ri Jesús, rik'in ri' xuloq' jun ulew y chiri' xtzaq-wi; rija' xkubuku' ri rupan y xel ronojel ri rixkolob.

Hechos 1:24

Xech'on k'a rik'in ri Dios y xkibij: Ajaw, rat ri natz'et ri qánima qonojel, tak'utu' k'a chiqawech achike k'a chike re ka'i' achi'a' re' ri acha'on,

Hechos 15:8

Ri Dios nutzu' ri k'o pa qánima qonojel roj winaqi', judío y man judío ta. Y richin xuq'alajirisaj chi yeruk'ul ri winaqi' man e judío ta, xuya-pe ri Loq'olej Espíritu pa kiwi', junan k'a ri xuben ri Dios chiqe roj judío.

Romanos 3:20

Man jun wineq roma kan rubanon ri nubij ri pixa', roma ta ri' nitz'etetej roma ri Dios chi man jun rumak. Man keri' ta. Ri pixa' xaxe nuk'ut chiqawech chi kan oj aj-maki'.

Romanos 8:27

Ri Dios kan nutz'et ri k'o pa taq qánima, y roma ri' retaman ri nuch'ob ri Loq'olej Espíritu. Ri Loq'olej Espíritu kan retaman-wi ri rurayibel ri Dios, y jari' ri nuk'utuj pa qawi' roj ri oj ralk'ual ri Dios.

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

1 Pedro 3:4

Xa titija' iq'ij richin ja ta ri iwánima jebel wiqil chuwech ri Dios. Tiwiqa-iwi' rik'in ch'uch'ujil y qasanri'il, roma re wiqobel re' man xtik'is ta, y jare' ri más rejqalen chuwech ri Dios.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

Apocalipsis 2:23

Y konojel ri ral xkenkamisaj, richin chi tiketamaj konojel ri molaj nimanela', chi yin wetaman ri achike ri nikich'ob y wetaman chuqa' ri k'o pa taq kánima konojel. Y kan achi'el k'a ri ibanobal chi'ijujunal, kan keri' k'a chuqa' ri ruk'exel ri xtik'ul.

1 Sam 16:7

Jak'a ri Jehová xubij chire ri Samuel: Man tatzu' ri rubanik, ni man tatzu' ri rupalen, roma yin man ja ta la' nucha'on richin nok kan rey. Ri wineq ja ri rubanik ri nutzu', jak'a yin kan ja ri ránima y ri ruch'obonik ri nintz'et, xcha'.