San Lucas 15:21 - Kaqchiquel Bible

²¹ Ri ala' kan jari' xubij chire ri rutata': Táta, ximakun chuwech ri Dios, y kan ximakun chuqa' chawech rat. Man chik k'a ruk'amon ta chi nabij ak'ajol chuwe, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Y ri kꞌajol kereꞌ xubꞌij chare ri rutataꞌ: Táta, riyin xinbꞌen mak chuwech ri Dios y chawech rat, romariꞌ ma rukꞌulun ta ndibꞌix chi riyin akꞌajol.

Kaqchikel Santa Maria de Jesus

²¹ Y ri alaꞌ xuꞌej cha ri rutataꞌ: Táta, xinꞌan pecar choch ri Dios y xinꞌan nuchꞌoꞌj chavach atreꞌ. Man otz ta chic naꞌej acꞌajuol chuva.

Kaqchikel Central Guatemala

²¹ Y ri ala' can jac'ari' xubij chire ri rutata': Táta, ximacun chuvech ri Dios, y can ximacun chuka' chavech rat. Man chic c'a ruc'amon ta chi nabij ac'ajol chuve.

Re C'ac'a Testamento pa Kach'abal

²¹ Y re c'ajol-ala' can jare' xubij cha re rutota': Papá, ximacun chach re Dios, y can ximacun chuka' chavach rat. Man chic c'a ruc'amon-ta che nabij ac'ajol chua.

Kaqchikel Western Solola

²¹ Y ri c'ajol can yac'ari' xubij chare ri rutata': Táta, ximacun chuwech ri Dios, y can ximacun chuka' chawech riyit. Man c'a ruc'amon ta chic chi nabij ac'ajol chuwe.

San Lucas 15:21 ပူးပေါင်းရင်းမြစ်များ

Wuj Richin Bix Chire ri Dios 51:4

Kan chawech k'a rat, kan xaxe k'a chawech rat ximakun. Kan xinben k'a ri man niqa' ta chawech rat. Roma ri' kan choj ri aq'atbel-tzij ri xaya' pa nuwi'. Kan roma k'a ri numak toq naya' ruk'ayewal pa nuwi'.

Wuj Richin ri Jeremías 3:13

Toqaqa k'a chi'ik'u'x chi kan ix makuwineq y kan ix yakatajineq chuwij yin ri in iwajaw, ri i-Dios. Kan chi'anin xe'itzeqelibej ch'aqa' chik dios chiri' chuxe' taq che' ri kan janila kixaq y kan man xinimaj ta nutzij. Ja yin Jehová ri yibin.

1 Corintios 8:12

Y roma rix ye'isok y ye'itzeq ri qach'alal, xa kan nisok chuqa' ri Cristo.

Romanos 2:4

Rix iwetaman chi ri Dios yalan utz iwik'in y nikoch'on. Chuqa' iwetaman chi rija' keri' rubanon-pe iwik'in rix roma nrajo' chi niya' kan ri itzel taq banobel, man rik'in ri' xa man niwajo' ta nitzolej pe ik'u'x.

Wuj Richin Bix Chire ri Dios 143:2

Man yinaya' pa latz', yin ri in asamajel; roma man jun ri ruyon ta xtuben-qa chi man aj-mak ta chawech rat.

Ez 16:63

Y chupan k'a ri q'ij ri' yin kan utz chik xkatintz'et rat Jerusalem. Y kan xtoqaqa chi'ak'u'x ri xaben y xtik'oje' ak'ix. Y kan man jun bey chik xtikijeq pa kichi' chawij. Ja yin Jehová ri yibin, xcha'.

Wuj Richin ri Achin Job 33:27

K'ari' rija' xtapon kik'in ri ch'aqa' chik winaqi' y xtubij chike: Yin kan man pa ruchojmilal ta xinben, xa xinyoj rubanik ri choj, jak'a ri Dios man xuya' ta ruk'ayewal pa nuwi', achi'el ri ruk'amon.

San Lucas 15:20

Roma ri' kan xuchop na wi el bey k'a chirachoch ri rutata'. K'a nej na k'a k'o-wi ri ala' chire ri rachoch, toq ri tata'aj xutz'et, y janila k'a xujoyowaj ruwech. Roma ri' junanin xbe chuk'ulik, xuq'etej y xutz'ubaj.

San Lucas 15:22

Jak'a ri tata'aj xubij k'a chike ri rusamajela': Tiwelesaj-pe ri tzieq más jebel y tiwiqa' ri nuk'ajol. Tiya' jun lipq'a' chire retal chi rija' kan nuk'ajol, y tiya' chuqa' ruxajab.