San Lucas 15:17 - Kaqchiquel Bible

¹⁷ Y re ala' re', k'ari' xtzolin-pe ruk'u'x, y xuch'ob-qa: Konojel ri e rusamajela' ri nata' man nikitej ta wayjal, roma k'o k'iy kiway. Jak'a yin yiken yan qa roma wayjal wawe'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Re kꞌajol reꞌ xtzolij kꞌa pe runoꞌoj pa seq y xubꞌij: Chirachoch ri nataꞌ riꞌ… kꞌiy samajelaꞌ ekꞌo y kꞌiy achike ndikikꞌux, jakꞌa riyin ngiken chi ruchꞌumunik nupan chireꞌ.

Kaqchikel Santa Maria de Jesus

¹⁷ Y ri alaꞌ reꞌ cꞌajareꞌ xalka paroꞌ, y xuꞌej-ka: ¡Ri iru-muosa ri nataꞌ cꞌo qꞌuiy qui-simíta; y inreꞌ vaveꞌ nquicon riqꞌuin viꞌjal!

Kaqchikel Central Guatemala

¹⁷ Y re ala' re', c'ari' xtzolin-pe ruc'u'x, y xuch'ob-ka: Ri e rusamajela' ri nata' man niquitej ta vayjal, roma c'o q'uiy quivay. Pero yin yiquen yan ka (yicom yan ka) roma vayjal vave'.

Re C'ac'a Testamento pa Kach'abal

¹⁷ Y re c'ajol-ala' re', c'ajare' tak xbeka chuc'o'x y xubij-ka pa ránma: Re je ru-mozo re nata' man niquitaj-ta viyjal, roma c'o q'uiy quivay. Pero yen yincom-yan roma viyjal vova'.

Kaqchikel Western Solola

¹⁷ Y ri c'ajol ri', c'ac'ari' tek xtzolin pe ruc'u'x, y xubij ka pa ránima: Q'uiy mozos ri yec'o chrachoch ri nata' y c'o q'uiy quiway. Y riyin xa juba' ma yicom ka wawe' ruma wayjal.

San Lucas 15:17 ပူးပေါင်းရင်းမြစ်များ

Wuj Richin Bix Chire ri Dios 119:59

Yin kan xinquqa' k'a rij ri bey ri in beneq-wi; kan xitzolin k'a richin ninnimaj atzij.

Wuj Richin Bix Chire ri Dios 73:20

Ri itzel taq winaqi' e achi'el jun achik' ri nimestex toq niseqer-pe; keri' xtaben chike rat ajaw, toq xkayakatej, rat xa xke'awixowaj roma ri kibanobal.

Wuj Richin ri Molojri'il 9:3

Chuqa' yin xinwil ri man utz ta ri yebanatej chuwech ri ruwach'ulew, chi xa kan konojel junan nikik'uluwachij, jun chik chi ri ruch'obonik ri wineq xa nojineq rik'in etzelal, y rokik k'a e k'es xa kan xaxe ri etzelal ri yekiben y chi xa kan chi'anin k'a xkeken-el.

Wuj Richin ri Jeremías 31:19

Toq k'a oj k'ajol na, kan xqach'er-el-qi' awik'in, jak'a re wakami xtzolin-pe qak'u'x y kan niqaya' chiqij ri qamak. Kan niq'ax k'a chiqawech ri xqaben y roma ri' oj k'ixbitajineq y kan qajineq qaq'ij, yecha' ri aj-Israel.

Wuj Richin ri K'uxla'anik 1:7

Ri winaqi' aj-Jerusalem kan noqaqa k'a chikik'u'x ronojel ri beyomel ri xk'oje' kik'in ri ojer kan. Jak'a re wakami xa nikitej poqon juk'an chik ruwach'ulew. Toq xetzaq pa kiq'a' ri e etzelanel kichin, kan man jun xto'on kichin. Ri e etzelanel kichin xekitzu' y xetze'en chikij roma ri kiwululen.

Ez 18:28

Wi xunojij y xutz'et jebel ri itzel ri najin chubanik y chirij ri' kan man nuben ta chik y ronojel ri nuben xa pa ruchojmilal, kan qitzij wi chi rija' xtik'ase' y man xtinwelesaj ta ri ruk'aslen.

Os 2:7

Ri ixoq ri' kan xkerutzeqelibej k'a el ri xe'ajowan richin jak'a xa man xkeberuq'i' ta. Xkerukanoj, jak'a xa man xkeril ta. K'ari' xtubij-qa: Kitzolej na rik'in ri nabey wachijil roma xa kan utz nubanon toq ink'o rik'in rija' ke chuwech re nubanon wakami, xticha-qa.

San Lucas 15:16

Roma ri janila wayjal k'o chire re ala' re', kan nurayij k'a nutej ri nikitej ri aq. Jak'a man xya'ox ta chire.

San Lucas 16:23

Jak'a rija' xa xbe akuchi k'o tijoj-poqonal. Rija' xtzu'un-pe, y jari' toq xutz'et ri Abraham, k'a nej k'a k'o-wi. Xutz'et k'a chuqa' ri Lázaro raq'el-apo chuwa-ruk'u'x ri Abraham.

San Lucas 8:35

Jak'a ri winaqi' ri xe'ak'axan-pe ri xk'uluwachitej, xepe richin xokitz'eta'. Toq xe'oqaqa rik'in ri Jesús, kan jari' toq xkitz'et chi ri achin ri xek'oje' itzel taq espíritu rik'in, tz'uyul-apo chunaqaj ri Jesús, rukusan rutziaq y kan choj chik rubanik. Jak'a ri winaqi' ri' xa xkixibij-ki'.

Hechos 12:11

Jari' toq ri Pedro xunabej, y xubij: Wakami, xinwetamaj chi ri ángel kan qitzij wi chi taqon-pe roma ri ajaw richin xinorukolo' kan pa ruq'a' ri Agripa y chuwech ronojel ri kinojin ri nuwinaq chi nikiben chuwe, nicha-qa pa ránima ri Pedro.

Hechos 2:37

Toq ri winaqi' xkak'axaj ri xubij ri Pedro, xq'axon janila ri kánima, y xkik'utuj k'a chire ri Pedro y chike ri ch'aqa' chik ri e taqon roma ri Cristo y xkibij: Qach'alal, ¿achike ri ruk'amon chi niqaben?, xecha'.

Efesios 5:14

Roma ri' k'o jun tzij ri nubij: Rat ri xa achapon waran, tuna' k'a awech; kayakatej-pe chikikojol ri kaminaqi'. y ri Cristo xtusaqirisaj ri ak'aslen, nicha'.