San Lucas 15:13 - Kaqchiquel Bible

¹³ K'a juba' ri', ri chaq'laxel xuk'ayila' kan ronojel ri xrichinaj. Rik'in ri' xbe nej pa jun chik ruwach'ulew, y xuk'is ri ruméro, roma xuk'uaj jun itzel k'aslen.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Xqꞌax jubꞌaꞌ teq qꞌij, ri chaqꞌilaꞌtz ja xukꞌayilaꞌ nojel ri herencia, xumal e ruchiꞌ ri méra y xbꞌa pa jun rochꞌulew nej. Chiriꞌ xa apux rukꞌisik xubꞌanalaꞌ chare ri méra roma ri itzel kꞌaslen xukꞌuaj.

Kaqchikel Santa Maria de Jesus

¹³ Cꞌa jubꞌaꞌ cꞌa kꞌij tijach ri qui-herencia, ri coꞌl rucꞌajuol xucꞌayij can nojiel ri ru-herencia. Can qꞌuiy ri miera ri xumol-el, y xꞌa jun lugar ri naj cꞌo-ve. Y antok cꞌo chic chireꞌ, xucꞌuaj jun itziel cꞌaslien y quireꞌ xuqꞌuis ri ru-miera.

Kaqchikel Central Guatemala

¹³ C'a juba' ri', ri chak'laxel-ala' xuc'ayila' can ronojel ri xrichinaj. Can q'uiy c'a ri mero ri xumol-el, y c'ari' xbe pa jun chic ruvach'ulef ri nej c'o-vi: Y tok c'o chic ri chiri', xuc'uaj c'a jun itzel c'aslen, y romari' janíla q'uiy mero ri nuq'uis.

Re C'ac'a Testamento pa Kach'abal

¹³ Xa c'a jac'a jun ca'e-oxe' k'ij tijach-va re herencia, re chak'alaxel xutz'am ruc'ayixic ronojel re xya' can cha. Q'uiy mero xumol-a, y c'are' xba pa jun chic lugar re c'ac'anaj c'o-va. Y tak c'o chic chire', xuc'uaj jun itzel c'aslen, y mare' camas q'uiy mero nuq'uis.

Kaqchikel Western Solola

¹³ C'a juba' ri', ri chak'laxel xuc'ayila' ca ronojel ri ruherencia. Can q'uiy c'a ri puek ri xumol el, y c'ac'ari' xbe pa jun chic ruwach'ulef ri nej c'o wi. Y tek c'o chic chiri', xuc'uaj c'a jun itzel c'aslen, y rumari' xuq'uis ronojel ri rurajil.

San Lucas 15:13 ပူးပေါင်းရင်းမြစ်များ

Wuj Richin Bix Chire ri Dios 73:27

Ri at kimalin kan xa kan xkeken k'a; rat xtaben chi xkek'is-el konojel ri nikich'er kan ki' awik'in.

Wuj Richin Etamabel-Tzij 18:9

Ri wineq ri kan man jun rayibel rik'in richin chi nuben ri rusamaj, xa junan k'a rik'in ri wineq ri kan niqa' chuwech nuwulaj ronojel.

Wuj Richin Etamabel-Tzij 21:17

Ri wineq ri kan niqa' chuwech yerubanala' ri nurayij ri ránima, xa xtuk'is ri k'o rik'in; ri kan niqa' chuwech nutej vino y yerutijila' ri nrajo'; ri wineq ri' xa man jun bey xtibeyomer.

Wuj Richin Etamabel-Tzij 21:20

Pa rachoch ri wineq aj-na'oj, kan chajin y utz k'a rukusaxik niban chire ri beyomel y ri aceite olivo; jak'a ri wineq ri xa maneq runa'oj, kan man nuyek ta kan juba', xa ronojel nuk'is-qa.

Wuj Richin Etamabel-Tzij 27:8

Kan achi'el k'a jun aj-xik' chikop ri nuya' kan ri rusok richin chi nibe nej; kan keri' chuqa' ri wineq ri nuya' kan ri rachoch y nej k'a nibe-wi.

Wuj Richin Etamabel-Tzij 28:7

Ri kan nuben ri nubij ri rupixa' ri Dios, kan q'alaj chi jun alk'ualaxel aj-na'oj, jak'a ri alk'ualaxel ri xa yerachibilaj ri xaxe wa'in nikiben, xa nuya' ruk'ix ri rutata'.

Wuj Richin Etamabel-Tzij 29:3

Ri alk'ualaxel ri kan k'o rejqalen ri na'oj chuwech, kan jun kikoten chire ri rutata', jak'a ri xa man ninojin ta y nibe ránima chikij ri ixoqi' ri man utz ta kik'aslen, xa niberuk'isa' kan ri rubeyomel kik'in.

Wuj Richin Etamabel-Tzij 6:26

Ri ixoq, ri itzel ruk'aslen, yerukanoj ri achi'a' richin nuch'ek ruway chikij, jak'a ri k'ulan ixoq, yerukanoj achi'a' roma kan ja ri kik'aslen ri nrajo'.

Wuj Richin ri Isaías 1:4

¡Toq'ex iwech rix tzobaj winaqi' aj-maki'! Rix ix jun tinamit ri kan ix nojineq chi etzelal, jun sol winaqi' ri kan ix richin etzelal, achi'el alk'ualaxela' ri maneq k'ix kik'in. Rix kan xinimalij k'a kan. Y kan xiben chi xyakatej janila woyowal yin Jehová ri ink'o pan iwi'.

Wuj Richin ri Isaías 22:13

Jak'a rix xa yixnimaq'ijun, xe'ikamisaj wákix y karne'l richin jebel nitej. Jebel yixqumu vino y nibij: Qojwa-qojuk'ya' roma ri chua'q xa xqojken, yixcha'.

Wuj Richin ri Isaías 30:11

Rije' man nikajo' nikak'axaj chik ri ninbij yin chike. Kan man nikajo' ta chi yin ri Loq'olej Dios yench'olij rije'.

Wuj Richin ri Isaías 56:12

Iwonojel nisuj vino chike ri ch'aqa' chik k'a toq yixq'aber na. Y ri jun chik q'ij chuqa' keri' xtiben, y rik'in juba' más k'ayew ri xtiben.

Wuj Richin ri Jeremías 2:13

Rix nutinamit kan iqajben ka'i' mak: Rix xa xinimalij kan yin ri in k'aslik alaxibel-ya'. Chuqa' xa xe'itzeqelibej dios ri xa e achi'el yakbel taq ya' ri xa e teq'el, ri xa man utz ta richin niyak ya' chupan.

Wuj Richin ri Jeremías 2:31

Rix winaqi' ri ix richin re sol winaqi' re'; tiya' jebel ixikin chire ri nuch'abel. ¿Man jun kami nuya'on chiwe rix? o ¿Man jun kami nuq'alajirisan chiwech? Nutinamit yin, ¿achike k'a roma nibij chi rix ix totajineq chuwech ronojel y man jun bey chik xkixtzolin wik'in?

Wuj Richin ri Jeremías 2:5

¿Achike ta k'a ri man utz ta xkitz'et chuwij ri ite-itata' richin xinkimalij kan? ¿Achike kami roma xa xekitzeqelibej ch'aqa' chik dios ri xa man jun kejqalen y kiyon rije' xkiben-qa chi maneq chuqa' kejqalen?

Wuj Richin ri Miqueas 6:3

Nutinamit yin, ¿achike k'a nubanon chiwe? ¿Achike k'a ri man utz ta nubanon iwik'in? Tibij k'a chuwe.

San Lucas 15:12

Jun q'ij ri chaq'laxel xubij k'a chire ri rutata': Táta, yin ninwajo' yan chi naya' chuwe ri k'o chi ninwichinaj kan awik'in, xcha'. Ri tata'aj kan xujech na wi chikiwech ri nikichinaj chi e ka'i'.

San Lucas 15:14

Jak'a toq xuk'is ronojel ri ruméro, xpe jun nima-wayjal chupan ri ruwach'ulew ri k'o-wi. Ri ala' ri' k'ari' xberuna-pe chi k'o nik'atzin chire.

San Lucas 15:30

Wakami rat xakamisaj-qa ri ti wákix ti'oj, xaxe roma xtzolin-pe re jun ak'ajol re', ri xa xberuk'isa' yan kan ronojel ri abeyomel kik'in ixoqi' ri itzel kik'aslen, xcha'.

San Lucas 16:1

Ri Jesús xubij chuqa' chike ri rutijoxela': K'o k'a jun achin beyom. Y re beyom re' k'o k'a jun rusamajel ri k'o pa ruwi' ronojel ri k'o rik'in. Jak'a xtzijox chire ri achin beyom chi ri rusamajel ri k'o pa ruwi' ronojel, najin chuk'isik ri rubeyomel.

San Lucas 16:19

Ri Jesús xubij k'a: Xk'oje' k'a jun achin ri janila beyom. Rija' ruyon k'a jebel taq tzieq ri jotol kajel ri yerukusala', y q'ij-q'ij nubanala' nima'q taq wa'in.

Efesios 2:13

Ri ojer kan rix nej ixk'o-wi chire. Jak'a re wakami rix ri ikuquban ik'u'x rik'in ri Cristo Jesús, xixya'ox naqaj rik'in. Y re' xbanatej roma xken iwoma rix.

Efesios 2:17

Toq xpe ri Cristo, xoruya' ri utzilej rutzijol ri uxlanibel-k'u'x chike ri winaqi'.*f2* Xubij re' chiwe rix ri k'a nej ixk'o-wi chire ri Dios, y xubij chuqa' chiqe roj ri kan naqaj ojk'o chire rija'.

2 Pedro 2:13

Y ri winaqi' ri' xtikik'ul k'a rutojbalil ri kibanobal. Rije' kan jebel nikina' yequmun y yenimaq'ijun stape' xa pa q'ij. Re achi'a' k'a re' kan e tz'il y maneq kik'ix. Yixkiq'ol stape' nikimol chuqa' ki' iwik'in ri pa taq wa'in ri k'o rejqalen.