San Lucas 14:31 - Kaqchiquel Bible

³¹ O wi k'o ta jun rey k'o chi nibe pa labal rik'in jun chik rey, ¿man kami nitz'uye' ta nabey richin nuch'ob wi 10,000 aj-labal yetikir nikiben labal kik'in ri 20,000 aj-labal ri e ruk'amon-pe ri jun chik rey?

နောက်ထပ်ဗားရှင်းများ

Kaqchikel Santo Domingo (Xenacoj)

³¹ Keriꞌ chuqaꞌ, si jun rey ndibꞌa pa guerra, ¿la ma nabꞌey ta kami nditzꞌuyeꞌ chin ndunojij si rikꞌin ri lajuj mil soldados ekꞌo chuxeꞌ rutzij, nditiker pa ruqꞌaꞌ ri rey ri erukꞌamon pe 20 mil soldados?

Kaqchikel Santa Maria de Jesus

³¹ O xa jun rey chi niꞌrubꞌanaꞌ guerra riqꞌuin jun chic rey, ¿man came nitzꞌuyeꞌ ta chi nuꞌon pensar, xa riqꞌuin diez (lajuj) mil soldados nitiquir nuꞌon guerra riqꞌuin ri jun chic rey ri i-rucꞌamun-pa veinte mil soldados?

Kaqchikel Central Guatemala

³¹ O vi jun k'atoy-tzij ri nibix rey chire, c'o chi nuben oyoval riq'uin jun chic rey, ¿man cami nitz'uye' ta juba' richin queri' nuch'ob vi lajuj mil ru-soldados yetiquir niquiben oyoval quiq'uin ri juvinek mil soldados ri e ruc'amon-pe ri jun chic rey?

Re C'ac'a Testamento pa Kach'abal

³¹ Y tak jun Rey nuban ayoval riq'uin jun chic Rey, can nitz'uye' chin nunojij vo xa quiq'uin lajuj mil soldados nitiquir nuban ayoval quiq'uin re veinte mil soldados re je'ruc'amom-pa re jun chic Rey.

Kaqchikel Western Solola

³¹ O wi jun rey ri c'o chi nuben ch'a'oj riq'ui jun chic rey, ¿la ma nitz'uye' ta cami juba' riche (rixin) chi queri' nuch'ob na wi lajuj mil rusoldados yecowin niquiben ch'a'oj quiq'ui ri juwinek mil soldados ri ye ruc'amom pe ri jun chic rey?

San Lucas 14:31 ပူးပေါင်းရင်းမြစ်များ

1 Rey 20:11

Y ri rey richin Israel xubij chike ri e uk'uey rutzijol: Tibij k'a chire ri i-rey chi man tunimirisaj yan ri', roma xa k'ari' nuxim ri rukamisabal chirij y man achi'el ta ri jun ri nukir kan ri rukamisabal roma xtzolej yan pe pan oyowal, xcha'.

Wuj Richin ri Achin Job 41:8

Wi ta rat nachop ri chikop ri', niyakatej chawij chi oyowal. Xtawetamaj y man jun bey xtamestaj; y man jun bey chik xtajeluj ri aq'a' chirij.

Wuj Richin Etamabel-Tzij 20:18

Kan tak'utuj k'a ana'oj chike ri winaqi', richin chi ronojel utz ye'el chawech; kan jebel k'a runuk'ik tabana' chire ri ach'obonik, k'ari' tanima-awi' ri pa labal chirij jun tinamit.

Wuj Richin Etamabel-Tzij 25:8

Rat, man jun bey taben chi kan junanin nabebana' ch'a'oj chirij jun wineq, roma wi k'o jun chik wineq ri napon richin k'o niberuq'alajirisaj chawij rat, k'ari' man nawil ta chik ri achike naben pa ruq'a' y xa yak'ixbilan chik chuwech.

San Lucas 14:30

y xtikibila': La jun achin la' xrajo' xupaba' jun jay, y xa man xtikir ta xuk'achojirisaj, xkecha'.

San Lucas 14:32

Y wi nuch'ob chi man nitikir ta, rija' yeruteq uk'uey rutzijol rik'in ri jun chik rey, toq k'a nej na k'o-wi. Y ri aj-labal ri' nibekik'utuj chi tik'oje' uxlanen chikikojol.