San Lucas 14:18 - Kaqchiquel Bible

¹⁸ Jak'a konojel kan junan ri xkibila-pe chi man yetikir ta yebe. K'o k'a jun ri xubij-pe: Xinloq' k'a kan jun wulew, y nik'atzin richin yibe chutz'etik; tabana' utzil tabij chire ri awajaw chi man yitikir ta yibe, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Pero xa konojel kꞌo reqal xkiyaꞌ pe. Ri nabꞌey kereꞌ xubꞌij: Tabꞌij chare ri awajaw chi riyin kꞌaja ok xinlaqꞌ jun ulew, y ndikꞌatzin netzꞌetaꞌ, romariꞌ tukuyuꞌ ok numak, ma ngibꞌewaꞌ ta rikꞌin.

Kaqchikel Santa Maria de Jesus

¹⁸ Pero quinojiel junan ri xquiꞌej-pa, chi man nuyaꞌ ta tiempo chi ncaꞌpa. Ri naꞌay xuꞌej-pa: Tabꞌanaꞌ favor taꞌej cha ri avajaf chi tucuyuꞌ numac ruma cꞌa xinlokꞌ jun vulief, y vacame nicꞌatzin chi nquiꞌa chi nitzꞌataꞌ.

Kaqchikel Central Guatemala

¹⁸ Pero conojel can junan ri xquibila-pe, chi man yetiquir ta yebe. C'o c'a jun ri xubij-pe: Tabana' utzil tabij chire ri avajaf, chi tucuyu' juba' chi man yitiquir ta yibe, roma xa c'a xinlok' can jun vulef, y nic'atzin richin yibe chutz'etic.

Re C'ac'a Testamento pa Kach'abal

¹⁸ Pero can conojel xquibila-pa, che man ye'tiquir-ta ye'pa. C'o jun xbim-pa: Tabana' utzil tabij cha re a-patrón, che tucuyu' ba' numac che man yintiquir-ta yinapon, roma xa xinlok' jun vulef, y nic'atzin che yimba chutz'etic.

Kaqchikel Western Solola

¹⁸ Pero quinojel can c'o c'a jun ri xquibij pe, chi achique ruma tek ma yecowin ta yebe. C'o c'a jun xubij pe: Tabana' jun utzil tabij juba' chare ri apatrón, chi tucuyu' juba' numac chi ma yicowin ta yibe, ruma xa c'a xinlok' ca jun wulef, y rajawaxic chi yibe chutz'etic.

San Lucas 14:18 ပူးပေါင်းရင်းမြစ်များ

Wuj Richin ri Jeremías 6:10

Jak'a yin, Jeremías xinbij chire ri Dios: ¿Achike k'a xtak'axan wichin toq ninya' re' rutzijol re' chike? roma rije' man nikajo' ta nikak'axaj y man niq'ax ta chikiwech. Xa yeyojoben chirij ri ach'abel, y man niqa' ta chikiwech.

San Lucas 14:17

Toq xapon ri q'ij richin ri wa'in, ri achin xuteq k'a el jun rusamajel chikoyoxik konojel ri winaqi' ri' y nubij chike chi ronojel k'o chik, y k'o chi yebe ri pa wa'in.

San Lucas 14:19

K'o chik jun ri kan keri' chuqa' ri xubij: Tabana' utzil tabij chire ri awajaw chi man yitikir ta yibe, roma xenloq' e wo'o' k'ulaj nuwákix richin samaj, y nik'atzin richin yentejtobej, xcha'.

San Lucas 18:24

Toq ri Jesús xutz'et chi xa xpe janila bis pa ránima ri achin, xubij: Ri k'o kibeyomel, janila k'ayew richin chi ye'ok pa rajawaren ri Dios.

San Lucas 8:14

Ri ija'tz ri xqaqa kojol taq q'ayis ri k'o kik'ixal nich'on k'a chikij ch'aqa' chik winaqi' ri ye'ak'axan ri ruch'abel ri Dios. Jak'a toq q'axineq chik juba' q'ij, xa nijiq' ri ruch'abel ri Dios kik'in, roma xa ja ri nik'atzin chire ri kik'aslen wawe' chuwech re ruwach'ulew ri nikich'ob, roma chuqa' ri kibeyomel y chuqa' roma yekirayila'. Y man niwachin ta jebel ri kik'aslen.

San Juan 1:11

Kan chupan wi k'a ri ruruwach'ulew rija' xoqaqa-wi, jak'a ri ruwinaq xa man xkik'ul ta.

San Juan 5:40

Jak'a rix man niwajo' ta nikuquba' ik'u'x wik'in, richin niwil k'aslen richin q'asen.

Filipenses 3:4

Y man rik'in wi chi yin kan utz chi xinkuquba' ta qa nuk'u'x wik'in yin, más ke chikiwech ri ch'aqa' chik;

2 Timoteo 4:10

Roma ri Demas xa xirumalij kan y xbe pa tinamit Tesalónica roma xa xbe ránima chirij ri nusuj re ruwach'ulew. Ri Crescente beneq ri pa Galacia. Y ri Tito beneq pa ruwach'ulew Dalmacia.

2 Timoteo 4:4

Xa man chik xtikak'axaj ta ri ruch'abel ri Dios, richin chi yekak'axaj tijonik ri xa choj e kitzijon kan ri kati't-kimama'.

Hebreos 12:16

Man jun tujech-ri' chupan ri itzel k'aslen y nuq'ej ruwi' ri ruch'abel ri Dios; achi'el xuben ri Esaú ri xa roma jun q'utun xuk'ayij ri kan k'o chi nuk'ul rija' roma nimalaxel,