San Lucas 14:15 - Kaqchiquel Bible

¹⁵ K'o k'a jun ri raq'el ri chiri' pa mesa, toq rak'axan chik qa ri xubij ri Jesús, xubij k'a apo chire: Jebel ruwa-kiq'ij ri xkek'oje' pa rajawaren ri Dios, y kan xtikitej kiway chiri', xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Atoq xkakꞌaxaj ri xubꞌij ri Jesús, jun chikikajal ri tzꞌuyul chuchiꞌ mesa xubꞌij chare: ¡Kin jabꞌel rokiqꞌij konojel ri xkewaꞌ pa ru-reino ri Dios!

Kaqchikel Santa Maria de Jesus

¹⁵ Y cꞌo jun ri tzꞌuyul chirij ri mesa, antok xraꞌxaj ri tzij ri xuꞌej ri Jesús, xuꞌej cha: Can jaꞌal caꞌquicuot ri xcaꞌcꞌujieꞌ pa ru-reino ri Dios y xcaꞌvaꞌ chireꞌ, xchaꞌ.

Kaqchikel Central Guatemala

¹⁵ Y c'o c'a jun ri tz'uyul ri chiri' pa mesa, tok rac'axan chic ka ri tzij ri xubij ri Jesús, xubij c'a apo chire: Jebel ruva-quik'ij ri xquec'oje' pa rajavaren o pa ruk'a' ri Dios y can xtiquitej quivay chiri', xcha'.

Re C'ac'a Testamento pa Kach'abal

¹⁵ Y c'o c'a jun re tz'uyul chire' chach mesa, tak ruc'axan chic-ka re tzij re xe'rubij re Jesús, xpa reja' xubij-apo cha re Jesús: Otz-quibanoj re xque'c'ue' pa ruk'a' re Dios y can xque'va' chire', xcha'.

Kaqchikel Western Solola

¹⁵ Y c'o c'a jun achi ri tz'uyul chiri' pa mesa, tek rac'axan chic ka ri tzij ri xubij ri Jesús, xubij c'a apo chare ri Jesús: Jabel ruwaruk'ij ri can xtibewa' pa rajawaren ri Dios, xcha'.

San Lucas 14:15 ပူးပေါင်းရင်းမြစ်များ

Apocalipsis 19:9

Y ri ángel ri beneq wik'in, xubij chuwe: Tatz'ibaj k'a, chi jebel ruwa-kiq'ij ri e oyon richin ri nimaq'ij chupan ri ruk'ulubik ri Karne'l, xcha'. Y ri ángel ri' kan xubij chuqa' chuwe: Re tzij re xinbij chawe, kan ja ri Dios biyon y kan qitzij wi, xcha'.

San Lucas 22:30

richin keri' xkixwa' y xkixuk'ya' junan wik'in pa mesa, ri pa wajawaren. Y chiri' rix xkixok k'a q'atoy-tzij pa kiwi' ri kablajuj tzobaj richin ri tinamit Israel, xcha'.

San Lucas 13:29

Xkepe k'a winaqi' kere' pa xaman, kere' pa xokon, kere' pa relebel-q'ij y kere' pa qajibel-q'ij. Y re winaqi' re' xke'ok pa rajawaren ri Dios y xketz'uye' k'a apo ri pa mesa richin xkewa'.

San Mateo 25:10

Jak'a toq ri wo'o' xtani' ri' e beneq chuloq'ik aceite, jari' toq xok'ulun ri ala' ri xtik'ule'. Ri wo'o' xtani' ri kan ek'o-wi-apo koyoben ri ala', xe'ok k'a pa jay akuchi niban ri k'ulubik, y xtz'apex k'a kan ri ruchi' ri jay.

San Lucas 12:37

Kan jebel k'a ruwa-kiq'ij ri samajela' ri koyoben-apo ri kajaw, y rija' yeberutz'eta' chi e k'es. Kan qitzij ninbij chiwe, chi ri kajaw xtuchojmirisaj-ri' richin nisamej, yerutz'uyuba' ri rusamajela' ri pa mesa y nuya-apo chikiwech ronojel ri nitij.

San Mateo 8:11

Kan ninbij-wi k'a chiwe chi xtoqaqa k'a q'ij toq janila k'a chi winaqi' ri xkepe kere' pa relebel-q'ij y kere' pa qajibel-q'ij. Rije' xketz'uye' k'a rik'in ri Abraham, ri Isaac y ri Jacob chupan ri aj-chikajil rajawaren ri Dios.

San Lucas 22:16

Roma kan ninbij-wi k'a chiwe, chi kan k'a ja toq k'o chik na ri utzilej ruq'atbel-tzij ri Dios, kan k'a jari' toq xtinben chik re jun wa'in re', xcha'.