San Lucas 13:35 - Kaqchiquel Bible

³⁵ Roma ri', ri rachoch ri Dios ri k'o chiri' xa xtitole' kan. Y kan qitzij chuqa' ninbij chiwe chi man chik k'a xkinitz'et ta yin, kan k'a ja toq xtapon na ri q'ij chi xtibij: ¡Nimalej ruq'ij ri peteneq pa rubi' ri ajaw!, xkixcha', xcha' ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

³⁵ Titzꞌetaꞌ na pe peꞌ, ri itinamit ndimalix kan roma ri Dios, y nditzꞌireꞌ kan. Y nibꞌij chiwa chi rix ma nginitzꞌet chi ta jumbꞌey, hasta kꞌa nduqaqa na ri qꞌij atoq ndibꞌij: ¡Kin nimalej favor kꞌo pa ruwiꞌ re pataneq pa rubꞌiꞌ ri Ajaw Dios!

Kaqchikel Santa Maria de Jesus

³⁵ Vacame ri ivachuoch xticꞌujieꞌ can abandonado. Y ketzij niꞌej chiva chi man xquinitzꞌat ta chic, hasta cꞌa xtalka-na ri kꞌij antok xtiꞌej: ¡Bendito ri patanak pa rubꞌeꞌ ri Ajaf Dios! xchaꞌ ri Jesús.

Kaqchikel Central Guatemala

³⁵ Vacami c'a, ri ivachoch chi'ijujunal rix xtic'oje' can achi'el jun tz'iran ruvach'ulef. Y can kitzij chuka' ninbij chive chi man chic c'a xquinitz'et ta chic, can c'a ja tok xtapon na ri k'ij tok xtibij chuve: ¡Matiox chi petenek re Jun re'! ¡Rija' can urtisan-vi-pe roma ri Ajaf Dios! ¡Y petenek pa rubi' ri Ajaf Dios! C'a chupan c'a ri k'ij ri' tok xquinitz'et chic jun bey.

Re C'ac'a Testamento pa Kach'abal

³⁵ Vocame re ivachoch yex xtic'ue' can ancha'l jun lugar re anche', manak vinak re nibex desierto cha. Y quire' nimbij chiva roma jac'a ruq'uisibal bey re' re xquinitz'at-a. Y xquinitz'at chic jun bey c'aja chupan re k'ij tak xtibij chua: ¡Matiox che pitinak re Jun re'! ¡Reja' can banom-pa bendecir y pitinak pa rube' re Ajaf Dios! C'a chupan re k'ij re' tak xquinitz'at chic jun bey, xcha' re Jesús.

Kaqchikel Western Solola

³⁵ Wacami c'a, ri itinamit xtimalix ca ruma ri Dios, xtiban c'a ca chare achi'el jun desierto. Y kas kitzij chuka' nbij chiwe chi man c'a xquinitz'et ta chic. Xquinitz'et chic jun bey, c'a ya tek xtapon na ri k'ij tek xtibij chuwe: ¡Matiox chi petenak re jun achi re'! ¡Riya' can banon pe bendecir ruma ri Ajaf Dios! ¡Y can pa rubi' ri Ajaf Dios petenak wi! xquixcha' chuwe, xcha' ri Jesús.

San Lucas 13:35 ပူးပေါင်းရင်းမြစ်များ

Wuj Richin Bix Chire ri Dios 118:26

Nimalej k'a ruq'ij ri rey ri peteneq pa rubi' ri Jehová. Y chuqa' kan k'a pa rachoch ri Jehová niqoyoj ri urtisanik pan iwi' rix qawinaq.

San Juan 12:13

xebe chuk'ulik e kik'uan ruq'a' palma, y nikibila': ¡Nimalej ruq'ij ri rey ri peteneq pa rubi' ri Dios! ¡Jare' ri qa-rey roj ri oj judío!, yecha'.

San Mateo 21:9

Ri winaqi' ri e nabey chuwech ri Jesús y ri ek'o kan chirij, kan rik'in k'a ronojel kuchuq'a' nikibij: ¡Nimalej ruq'ij ri riy-rumam kan ri rey David! ¡Kan utz wi ri ruq'ij ri peteneq pa rubi' ri qajaw Dios! ¡Kan nimalej ruq'ij chila' chikaj! ¡Matiox chire ri Dios!, yecha' k'a.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

Wuj Richin ri Zacarías 14:2

Jak'a pa nabey yin xkenmol konojel ri winaqi' richin ri ruwach'ulew richin xtikiben labal kik'in ri aj-Jerusalem. Kan xtich'akatej k'a, y xke'eleq'ex k'a el ronojel ri k'o rejqalen. Ri ixoqi' kan xtiqasex k'a kiq'ij koma achi'a'. Y nik'aj chire ri tinamit xke'uk'uex-el. Jak'a ri ch'aqa' chik k'a xkek'oje' na kan ri chiri', xcha' ri Dios.

Wuj Richin ri Miqueas 3:12

Roma ri kimak re winaqi' re', ri tinamit Sión xa xtok kan jun qasanbel-ulew. Ri Jerusalem xa xtok kan wuluwik abej. Y ri pa ruwi' ri juyu' ri akuchi k'o-wi ri rachoch ri Dios, xa xtok kan k'echelaj ri nojineq chi che'.

Wuj Richin ri Isaías 52:7

Kan janila jebel ok toq natz'et jun ya'ol utzilej rutzijol, ri peteneq pa ruwi' taq juyu' richin ri Jerusalem. Xtuk'en-pe ri utzilej rutzijol chi xtik'oje' uxlanibel-k'u'x, chi xtik'oje' kolotajik, y chi ri qa-Dios kan niq'aton chik tzij.

Wuj Richin Bix Chire ri Dios 69:25

Ri akuchi ek'o-wi-qa kan ta xtitole', y kan ta man jun chik xtik'oje' kan chupan ri kachoch.

Wuj Richin ri Jeremías 22:5

Jak'a wi rix man ninimaj ta re ch'abel re', kan ninbij k'a chi re jay richin q'atbel-tzij kan xtitole' kan. Yin Jehová ri yibin.

Wuj Richin ri Jeremías 35:17

Roma ri', yin Jehová k'iytisanel richin ronojel, ri i-Dios ninbij k'a: Wakami k'a xtink'en-pe ronojel ri man utz ta pan iwi' rix aj-Judá y aj-Jerusalem, roma kan xich'on iwik'in jak'a man xiwak'axaj ta, xixinwoyoj jak'a man xinimaj ta, xcha' ri Dios chuwe.

San Mateo 23:37

K'ari' ri Jesús xch'on pa ruwi' ri Jerusalem y xubij: Aj-Jerusalem, aj-Jerusalem, ¿achike k'a roma toq ye'ikamisala' ri e q'alajirisey ruch'abel ri Dios? ¿Achike k'a roma toq ye'ikamisala' chi abej ri yeruteq-pe ri Dios chi'ikojol? Yin, kan janila k'a bey ri xinwajo' chi xixinmol ta wik'in, achi'el nuben ri kite-ek' kik'in ri taq ral, yerumol chuxe' ri ruxik'. Jak'a rix xa man xiwajo' ta.

San Lucas 19:41

Toq xapon chunaqaj ri tinamit, xutzu' y xroq'ej.