San Lucas 13:24 - Kaqchiquel Bible

²⁴ Kan titija' k'a iq'ij richin yixok chupan ri latz' ruchi-jay, roma kan janila k'a e k'iy winaqi' ri kan xtikitej kiq'ij richin xke'ok chupan ri jay ri', jak'a man xketikir ta xke'ok.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Titijaꞌ iqꞌij chi ngixok apu chupan ri puerta kaꞌal ruwech. Porque nibꞌij chiwa chi ekꞌiy kin xtikitij kiqꞌij chin ngeꞌok apu y ma ngetiker ta.

Kaqchikel Santa Maria de Jesus

²⁴ Can titijaꞌ ikꞌij chi nquixuoc chupan ri puerta ri coꞌl-oc roch; ruma niꞌej cꞌa chiva chi iqꞌuiy cꞌa vinak xticajoꞌ xcaꞌuoc chupan ri puerta reꞌ, pero man xcaꞌtiquir ta xcaꞌuoc.

Kaqchikel Central Guatemala

²⁴ Can titija' c'a ik'ij tinimaj ri ruch'abel ri Dios. Ronojel ri niben rix, can pa ruchojmilal tibana' chuvech ri Dios. Roma ri ruchi-jay ri yixk'ax-vi, janíla latz'. Y janíla c'a e q'uiy ri vinek xticajo' xque'oc chupan ri ruchi-jay ri', pero man xquetiquir ta xque'oc.

Re C'ac'a Testamento pa Kach'abal

²⁴ Can titija' ik'ij tinimaj re ruch'abal re Dios. Ronojel re niban yex, can ja re nika chach re Dios jare' re tibana'. Roma re ruchi-jay re anche' yixak'ax-va, camas co'ol-oc rach. Y camas je q'uiy vinak xtiquijo' xque'oc chupan re ruchi-jay re', pero man xque'tiquir-ta xque'oc.

Kaqchikel Western Solola

²⁴ Can titija' c'a ik'ij yixoc pa ruchi' jay ri xa co'ol ruwech. Ruma sibilaj c'a ye q'uiy ri winek xticajo' xque'oc chupan ri ruchi' jay ri', pero ma xquecowin ta xque'oc.

San Lucas 13:24 ပူးပေါင်းရင်းမြစ်များ

2 Pedro 1:10

Y roma ri' wach'alal ri ix oyon y ri ix cha'on roma ri Dios, kan titija' iq'ij chi kan niq'alajin ronojel re' chupan ri ik'aslen, richin keri' man yixtzaq ta.

Hebreos 4:11

Kan tiqatija' k'a qaq'ij richin yojok chupan re uxlanen re' y man tiqaben achi'el xkiben ri winaqi' ojer kan, ri man xkikuquba' ta kik'u'x rik'in ri ruch'abel ri Dios.

San Lucas 21:36

Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

San Juan 6:27

Kan kixsamej k'a, jak'a man richin ta chi nich'ek ri wey ri xa nik'is. Xa kan kixsamej richin nich'ek ri wey ri nuya' ik'aslen ri man k'isel ta, wey ri xtinya' chiwe, yin ri xiqaqa-pe achi'el wineq chi'ikojol. Y ja yin ri xiruteq-pe ri nata' Dios, richin ninben re samaj re', xcha'.

Wuj Richin Etamabel-Tzij 21:25

Ri itzel taq rayibel ri ek'o pa ránima ri wineq q'or, jari' ri nikamisan-qa richin, roma xa kan man nuch'ob ta yerukusaj ri ruq'a' richin nisamej.

Romanos 10:3

Rije' man ketaman ta k'a ri rubanik chi ja ri Dios nibanon choj chike ri winaqi'. Rije' xa kiyon nikiben-qa chi choj ri kik'aslen, y keri' xa man kiya'on ta ki' pa ruq'a' ri Dios.

Colosenses 1:29

Roma ri' yisamej janila y ninkusaj ri nimalej uchuq'a' ri ruya'on ri Cristo chuwe.

San Juan 7:34

Rix xkinikanoj, jak'a man xkiniwil ta chik, roma ri akuchi xkibek'oje-wi yin, man xkixtikir ta xkixapon chinukanoxik, xcha' ri Jesús.

Wuj Richin ri Molojri'il 10:15

Toq ri winaqi' ri maneq kina'oj yesamej, ri samaj ri' nuben chike chi janila yekos. Kan man jun ri nikajo' nikiben, y roma ri' kan man ketaman ta achike na ri bey ri nuk'uan kichin k'a ri pa tinamit.

San Juan 8:21

Jun bey chik, ri Jesús xubij k'a chike: Yin kan xkitzolin-wi k'a, y toq rix k'ari' xkinikanoj, man k'a xkiniwil ta. Xa kan chupan k'a ri imak xkixken-wi. Y ri akuchi yibe-wi yin, rix man yixtikir ta yixapon, xcha' ri Jesús.

Wuj Richin ri Isaías 1:15

Toq rix nitzeqej ri iq'a' chikaj richin yixch'on wik'in, yin kan ninwelesaj ri nutzubal pan iwi'. Stape' janila chi ch'owen niben, yin kan man xkixinwak'axaj ta, roma ri iq'a' kan tz'ilobitajineq rik'in kik'.

San Mateo 11:12

Kan ja toq ri Juan xuchop nuq'alajirisaj k'a re q'ij re' ek'o winaqi' ri nikik'owisaj janila ruk'ayewal chirij ri aj-chikajil ajawaren. Y rije' kan nikitej kiq'ij richin ye'apon chupan.

Wuj Richin Etamabel-Tzij 14:6

Ri wineq ri xa niyojoben, kan man xtril ta ri na'oj; jak'a ri wineq ri kan nowineq, kan chi'anin k'a nuq'i-q'anej ri etamabel.

San Juan 13:33

Juba' chik k'a ok re yik'oje' iwik'in rix ri kan achi'el taq walk'ual nubanon chiwe. K'ari' xkinikanoj. Jak'a wakami kan ninbij k'a kan chiwe, achi'el ri nubin chike ch'aqa' qawinaq judío, chi ri akuchi yibe wi yin, man xkixtikir ta xkixbe rix.

San Lucas 13:23

K'o k'a jun ri xk'utun chire, y xubij: Wajaw, ¿e k'iy kami ri xkekolotej?, xcha'. Jak'a ri Jesús xubij:

Wuj Richin ri Josúe 7:3

Y toq xetzolin-el xkibij chire ri Josué: Man ke'ateq-q'anej konojel ri aj-labal, xa rik'in ka'i' o rik'in e 3,000 achi'a' ri yebe richin nikich'ek ri tinamit Ai. Man taben chi yebe-q'anej konojel ri achi'a', roma xa e juba' ok ri ek'o chiri', xecha'.

San Juan 5:4

[Roma re ya' re' kan k'o k'a q'ij toq nosilox kan roma jun ángel ri nipe rik'in ri Dios. Y jak'a ri yawa' ri niqaqa nabey chupan ri ya' toq silon chik, ja yawa' ri' ri nik'achoj. Y xabachike yabil nok chire ri yawa', nik'achoj-el.]*f6*