San Lucas 12:58 - Kaqchiquel Bible

⁵⁸ Roma wi k'o jun chiwe ri nuk'uex pa q'atbel-tzij roma ri etzelanel richin, rokik k'a kichapon bey pa q'atbel-tzij, xa tikichojmirisaj k'a chikiwech chi utzil richin keri' man nuk'uex ta chuwech ri nichojmirisan ri nibanatej, roma rija' xa xtujech-el pa ruq'a' ri achin ri nichajin ri cárcel richin niberutz'apej kan.

နောက်ထပ်ဗားရှင်းများ

Kaqchikel Santo Domingo (Xenacoj)

⁵⁸ Atoq jun wineq ngabꞌerusujuj pa kawílta, tatijaꞌ aqꞌij tabꞌanaꞌ rukꞌojlen ri oyowal kꞌo chiwech, utz kꞌaja rat bꞌaneq pa bꞌey rikꞌin. Porque si ma ndabꞌen ta keriꞌ, kꞌo cheꞌel xkabꞌeruyaꞌ chuwech ri qꞌatoy tzij, y ri qꞌatoy tzij riꞌ xkarujech pa ruqꞌaꞌ ri justísa y rijaꞌ xkabꞌerutzꞌapij pa cheꞌ.

Kaqchikel Santa Maria de Jesus

⁵⁸ Antok ri nibꞌano acusar avichin ncarucꞌuaj choch ri juez, tatijaꞌ akꞌij chi naꞌan arreglar riqꞌuin antok cꞌa at-bꞌanak pa bꞌay. Ruma xa man naꞌan ta quireꞌ, can xcarucꞌuaj choch ri juez, y ri juez xcarujach-el pa rukꞌaꞌ ri ache ri nichajin ri cárcel, y ri ache reꞌ xcarutzꞌapij pa cárcel.

Kaqchikel Central Guatemala

⁵⁸ Roma vi c'o jun chive ri nisujux pa k'atbel-tzij roma c'o ruc'as riq'uin jun vinek, nutej ruk'ij richin nuchojmirisaj-ri' riq'uin ri vinek ri xsujun chirij, tok xa c'ari' quichapon-el bey pa k'atbel-tzij. Roma vi man nuchojmirisaj ta ri' riq'uin ri vinek achok iq'uin c'o-vi ruc'as, can nuc'uex c'a chuvech ri k'atoy-tzij ri', y ri k'atoy-tzij ri' nujech-el pa ruk'a' ri achin ri nichajin ri cárcel, y ri chajiy-cárcel nuc'uaj-el, richin nutz'apej.

Re C'ac'a Testamento pa Kach'abal

⁵⁸ Roma vo xa c'o jun chiva yex nisujus chiquivach re autoridades roma c'o ruc'as, tucanoj rubanic chin che nuban rubiyal riq'uin re xsujun richin tak je'binak pa cabildo. Pero vo xa man nic'achoj-ta rubiyal re anchok riq'uin c'o-va ruc'as, can ye'bo-va chach re juez, y re juez nujach-a pa ruk'a' re policía, y re policía nuc'uaj-a, chin no'rtz'apij can pa cárcel.

Kaqchikel Western Solola

⁵⁸ Tek c'o jun chiwe riyix ri nitzujux (nisujux) pa k'atbel tzij, tutija' ruk'ij riche (rixin) chi nuchojmirisaj ri' riq'ui ri ruc'ulel tek xa c'ac'ari' quichapon el bey pa k'atbel tzij. Ruma wi ma nuchojmirisaj ta ri' riq'ui ri nitzujun (nisujun) chrij, can xtuc'uex c'a chuwech ri aj k'atbel tzij, y ri aj k'atbel tzij ri' nujech el pa ruk'a' ri aj ch'ame'y, y ri aj ch'ame'y nuc'uaj el, y nberutz'apij ca pa cárcel.

San Lucas 12:58 ပူးပေါင်းရင်းမြစ်များ

Wuj Richin ri Achin Job 22:21

Wakami k'a tijunamatej chik k'a awech rik'in ri Dios y xtuk'en-pe uxlanen chire ri awánima, y re' kan k'iy k'a utz xtuk'en-pe chawe.

Wuj Richin ri Achin Job 23:7

Roma yin in jun achin ri man nintz'uk ta ri ninbij y yitikir ninchol chire ri nuk'uluwachin, y kan jumul chiri', rija', ri q'atoy-tzij kan xtuq'alajirisaj chi yin xa man jun numak.

Wuj Richin Bix Chire ri Dios 32:6

Roma ri', ri kan e awichin, xkech'on awik'in toq ek'o pa tijoj-poqonal. Wi keri' xtikiben, ri tijoj-poqonal man xtapon ta kik'in, achi'el jun raqen-ya' ri ninimer-pe y nel-pe pa ruk'ojelibal.

Wuj Richin Bix Chire ri Dios 50:22

Chi'iwonojel ri imestan kan ri Dios, tiq'ax k'a chiwech wakami; man xa xkixink'ajij y kan man jun k'a xkixkolon pa nuq'a'.

Wuj Richin ri Isaías 55:6

Kinikanoj k'a yin rokik k'a yiniwil na, kan kiniwoyoj rokik naqaj ink'o-wi chiwe.

San Mateo 18:30

Jak'a rija' man xqa' ta chuwech ri xbix chire, y roma ri' xbe pa q'atbel-tzij y xberuya' kan pa cárcel, k'a toq xtutoj na ri ruk'as.

2 Corintios 6:2

Y chirij k'a ri' nich'on-wi ri Dios toq nubij:*f2* Kan pa ruq'ijul k'a xink'uluba-pe ri ich'owen, y chupan ri q'ij richin kolotajik, kan xixinto', nicha'. Y jare' k'o chik ri ruq'ijul richin ri utzil ri'; ja q'ij re' richin ri kolotajik.

1 Pedro 3:19

Y keri' rik'in ri espíritu xapon akuchi k'o-wi ri kánima ri winaqi' ri e kaminaqi' chik el, akuchi man yetikir ta ye'el-pe. Y chiri' xberutzijoj kan chike ri ruch'akonik.

2 Pedro 1:15

Yin kan k'o k'a ri ninwajo' ninben kan, richin keri' stape' yin xa in maneq chik iwik'in, rix kan k'a xtoqaqa na chi'ik'u'x ronojel ri nubin kan chiwe.

Judas 1:3

Wach'alal ri yalan yixinwajo', yin kan janila k'a wajowan chi nutz'iban ta el jun wuj chiwe, pa ruwi' ri qakolotajik. Jak'a wakami ninna' chi k'atzinel ninbij chiwe chi rik'in ronojel iwánima tiwojqaj ri utz taq tijonik ri xeqak'ul toq xqanimaj ri Jesucristo, tijonik ri man nijalatej ta, ri xjach chike ri e ralk'ual ri Dios.

Apocalipsis 20:7

Y jak'a toq q'axineq chik ri 1,000 juna', ri Satanás xtelesex-pe chupan ri akuchi tz'apel-wi kan.