San Lucas 12:37 - Kaqchiquel Bible

³⁷ Kan jebel k'a ruwa-kiq'ij ri samajela' ri koyoben-apo ri kajaw, y rija' yeberutz'eta' chi e k'es. Kan qitzij ninbij chiwe, chi ri kajaw xtuchojmirisaj-ri' richin nisamej, yerutz'uyuba' ri rusamajela' ri pa mesa y nuya-apo chikiwech ronojel ri nitij.

နောက်ထပ်ဗားရှင်းများ

Kaqchikel Santo Domingo (Xenacoj)

³⁷ Jabꞌel rokiqꞌij ri samajelaꞌ ri kin ekꞌes apu koyobꞌen ri kajaw atoq nduqaqa. Kin qetzij nibꞌij chiwa, chi ri kajaw ndubꞌen rukꞌojlen chin ngerilij, ngerutzꞌuyubꞌaꞌ chuchiꞌ ru-mesa y ngerutzuq.

Kaqchikel Santa Maria de Jesus

³⁷ Can jaꞌal caꞌquicuot ri samajiel ri icꞌas antok xtalka ri cajaf. Y can ketzij niꞌej chiva, chi ri cajaf ncaꞌrutzꞌuyubꞌaꞌ chirij ri mesa, nurucusaj-pa ru-gavacha y nuya-apa nojiel kax richin nitij chiquivach.

Kaqchikel Central Guatemala

³⁷ Y can jebel c'a ruva-quik'ij ri samajela' ri e q'ues tok xoka' ri cajaf. Y kitzij ninbij chive, chi ri cajaf xtuchojmirisaj-ri' richin nisamej, yerutz'uyuba' ri rusamajela' ri pa mesa y nuya-apo ronojel cosas richin nitij chiquivech. Yerilij-apo jebel roma janíla niquicot chi c'a coyoben na apo ri hora ri'.

Re C'ac'a Testamento pa Kach'abal

³⁷ Otz-quibanoj re ye'chajin jun jay vo xa je c'as tak ne'ka re qui-patrón. Y katzij nimbij chiva, che re qui-patrón mismo xto'rcusaj-pa re rutziak chin samaj y c'are' conojel re ru-mozos ye'rutz'uyuba-apo chach mesa, y ye'ruvilij-apo jabal roma reja' camas niqui'cot, roma je c'as y quiyaben-apo.

Kaqchikel Western Solola

³⁷ Y can jabel c'a ruwaquik'ij ri mozos ri ye q'ues tek noka ri quipatrón. Y kas kitzij nbij chiwe, chi ri quipatrón xtuchojmirisaj c'a ri' y yerutz'uyuba' c'a ri rumozos pa mesa. Y yerunimaj yerilij apo jabel ruma sibilaj niquicot chi c'a coyoben na apo ri hora ri'.

San Lucas 12:37 ပူးပေါင်းရင်းမြစ်များ

Wuj Richin ri Isaías 62:5

Ri winaqi' richin ri tinamit kan janila xtuk'en kiwech rik'in ri kulew, achi'el jun ala' toq nik'ule' rik'in jun xten. Ri Dios kan janila xtikikot kik'in rije', achi'el nikikot jun achijlonel rik'in ri rixjayil ri k'a juba' kek'ule'.

Wuj Richin ri Jeremías 32:41

Yin Jehová kan xkikikot k'a roma utz xtinben kik'in. Kan xkenya' k'a rik'in qitzijri'il chupan re ruwach'ulew re', rik'in ronojel wánima y ronojel nuk'u'x.

Wuj Richin ri Sofonías 3:17

Roma ri Jehová kan k'o pa qanik'ajal roj. Rija' ri k'o ronojel uchuq'a' rik'in, xqojrukol. Roj kan xqojkikot rik'in. Rik'in ri rajowabal xtuya' k'ak'a' quchuq'a'.

San Mateo 24:42

Roma ri' kan kiniwoyobej-apo, roma xa man xtiwetamaj ta jampe' toq xkinoqaqa yin, ri iwajaw.

San Lucas 12:36

achi'el nikiben ri samajela' pa jun jay. Rije' koyoben chi nitzolin-pe ri kajaw beneq pa jun k'ulubik, richin keri' toq noqaqa y noyon-apo, kan jari' nikijeq ri ruchi-jay chuwech.

San Lucas 12:43

Jebel ruwa-ruq'ij ri samajel ri no'ilitej roma ri rajaw najin chubanik ri samaj.

San Lucas 17:8

Pa ruk'exel ri' nibij chire: Tachojmirisaj ri xtintej re wakami tiqaq'ij, y tachojmirisaj chuqa' awi' rat richin keri' yinawilij-pe re yiwa' y yinuk'ya', y kan k'a toq yikolaj na yin, k'ari' kawa' y katuk'ya' rat, yacha'.

San Lucas 21:36

Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

San Lucas 22:27

Roma ri', ¿ja kami ri k'o pa mesa nilix-apo ri k'o más ruq'ij ó ja ri ilinel? ¿Man ja ta kami ri k'o pa mesa nilix-apo ri más ruq'ij? Jak'a chinuwech yin man keri' ta, roma yin xa achi'el jun ilinel ink'o chi'ikojol.

San Juan 12:26

Wi k'o k'a jun ri nrajo' chi yin yinok rajaw, tipe k'a wik'in. Y ri akuchi ink'o-wi yin, kan chiri' k'a xtik'oje-wi ri nusamajel. Y wi rija' xtuben ri nusamaj, xtinimirisex k'a ruq'ij roma ri nata'.

1 Corintios 2:9

Kan achi'el ri tz'ibatel kan toq nubij:*f5* Man jun k'a tz'eteyon, ni ak'axayon ri xtibanatej. Man jun ch'oboyon ta juba' pa ruwi' ri xtuya' ri Dios chike ri ye'ajowan richin, nicha'.

Filipenses 1:21

Roma, ri k'aslen chuwe yin, kan ja ri Cristo. Y ri kamik xa kan k'o más utz nuk'en-pe chuwe.

Filipenses 1:23

Kan man ninwil ta k'a achike ninben, roma pa nik'aj ink'o-wi, roma chuqa' ninch'ob chi wi ninya' kan re ruwach'ulew y yibek'oje' rik'in ri Cristo, ri' kan más utz chuwe yin.

2 Pedro 1:11

Wi keri' niben, kan xkixk'ul k'a chila' chikaj, ri akuchi ri kan ja ri qajaw y qakolonel Jesucristo ri q'atoy-tzij, y ri rajawaren rija' kan man k'isel ta.

2 Pedro 3:14

Roma ri' wach'alal ri iwoyoben ronojel re', titija' k'a iq'ij chi toq xtipe ri Jesús, ch'ajch'oj ta ri ik'aslen, man jun ta chuqa' imak yixorila-qa, y k'o ta chuqa' uxlanen pa taq iwánima.

Apocalipsis 14:13

Chirij ri' xinwak'axaj chi k'o jun ri nich'on-pe k'a chila' chikaj y nubij: Tatz'ibaj k'a re xtinbij chawe; kan jebel k'a ruwa-kiq'ij konojel ri xkeken-apo ri kikuquban kik'u'x rik'in ri Jesús, xcha'. Y xinwak'axaj chuqa' chi ri Loq'olej Espíritu xubij: Ja', roma kan xke'uxlan chire ri kisamaj, y ri kisamaj kan xtikachibilaj-el, xcha'.

Apocalipsis 16:15

Y ri oxi' itzel taq espíritu ri' kan xekimol k'a ri winaqi' ri chiri' ri nibix Harmagedón chire pa ch'abel hebreo. Y jari' toq k'o jun xch'on y xubij: Yin xkipe, achi'el jun eleq'om, kan jebel k'a ruwa-kiq'ij ri kichajin ri kik'aslen y e ch'ajch'oj, keri' man xkek'ixbitej ta chikiwech ri winaqi', xcha'.

Apocalipsis 3:21

Achike k'a ri xtich'akon, kan xtinya' k'a q'ij chire richin chi nitz'uye' junan wik'in. Kan achi'el ri xban chuwe yin toq xich'akon, y xitz'uye' rik'in ri Nata' Dios.

Apocalipsis 7:17

Roma kan ja ri Karne'l ri k'o-apo chunaqaj ri akuchi tz'uyul-wi ri Dios, jari' ri xtiyuq'un kichin achi'el yeyuq'ux ri taq karne'l, y kan yeruk'uaj richin nuya' kiya' ri pa taq alaxibel-ya' richin k'aslen. Y ri Dios kan xtuben k'a chike chi man jun chik q'axo'n ni oq'ej xtik'oje' kik'in, xcha'.