San Lucas 12:36 - Kaqchiquel Bible

³⁶ achi'el nikiben ri samajela' pa jun jay. Rije' koyoben chi nitzolin-pe ri kajaw beneq pa jun k'ulubik, richin keri' toq noqaqa y noyon-apo, kan jari' nikijeq ri ruchi-jay chuwech.

နောက်ထပ်ဗားရှင်းများ

Kaqchikel Santo Domingo (Xenacoj)

³⁶ Tibꞌanaꞌ achel ndikibꞌen ri samajelaꞌ ekꞌes koyobꞌen nditzolij pe ri kajaw ri bꞌaneq pa jun kꞌulubꞌik. Rejeꞌ ekꞌes chin keriꞌ atoq ndeqaqa ri kajaw y ndikꞌujkꞌut apu chi puerta, chaꞌanin paqiꞌ ndikijeq pe chuwech.

Kaqchikel Santa Maria de Jesus

³⁶ Tibꞌanaꞌ incheꞌl niquiꞌan ri samajiel chupan jun jay. Ri samajiel quiyoꞌien chi nitzalaj-pa ri cajaf bꞌanak pa jun cꞌulubꞌic, chi quireꞌ antok nalka y nichꞌo-apa, can chaꞌnin niquijak ri ruchi-jay choch.

Kaqchikel Central Guatemala

³⁶ Tibana' c'a achi'el niquiben ri samajela' pa jun jay. Ri samajela' coyoben chi nitzolin-pe ri cajaf benek pa jun c'ulubic, richin queri' tok noka' y noyon-apo, can jari' niquijek ri ruchi-jay chuvech.

Re C'ac'a Testamento pa Kach'abal

³⁶ Tibana' ancha'l niquiban re ye'chajin chupan jun jay. Re ye'chajin quiyaben che nitzolaj-pa re qui-patrón binak pa jun c'ulubic, chin quire' tak ne'ka y nucocaj-apo re ruchi-jay, can jare' ne'quijaka-pa chach.

Kaqchikel Western Solola

³⁶ Tibana' c'a achi'el niquiben ri mozos pa jun jay. Ri mozos coyoben ajan (jampe') nitzolin pe ri quipatrón ri benak pa jun c'ulanen, riche (rixin) chi queri' tek noka y nisiq'uin (noyon) apo, can yac'ari' niquijek pe ruchi' ri jay chuwech.

San Lucas 12:36 ပူးပေါင်းရင်းမြစ်များ

Wuj Richin ri Rutikeribel 49:18

Yin kan ninwoyobej k'a ri akolotajik rat Jehová, xcha'.

Wuj Richin ri Isaías 64:4

Kan man jun bey ak'axan ta, ni man jun bey tz'eton chi k'o ta chik jun Dios achi'el rat, ri nibanon chi nusiloj ri nima'q taq juyu'.

San Lucas 12:35

Tinaba' iwi' y jantape' tik'at ri i-candil,

San Lucas 12:37

Kan jebel k'a ruwa-kiq'ij ri samajela' ri koyoben-apo ri kajaw, y rija' yeberutz'eta' chi e k'es. Kan qitzij ninbij chiwe, chi ri kajaw xtuchojmirisaj-ri' richin nisamej, yerutz'uyuba' ri rusamajela' ri pa mesa y nuya-apo chikiwech ronojel ri nitij.

Apocalipsis 19:7

Kan qojkikot k'a y qojnimaq'ijun, y tiqaya' ruq'ij-ruk'ojlen ri Dios; roma jare' xoqaqa ri q'ij richin nibanatej ri nimalej k'ulubik richin ri Karne'l. Y ri xten kan ruchojmirisan chik ri' richin ri ruk'ulubik.

Apocalipsis 3:20

Roma yin kan jare' k'a ink'o chik chuchi' ri iwachoch y yinoyon chik apo. Achike k'a ri xtak'axan-pe wichin y nujeq ri ruchi' jay chinuwech, xkinok-apo rik'in, xkiwa' rik'in y rija' xtiwa' wik'in yin.