San Lucas 12:19 - Kaqchiquel Bible

¹⁹ Xtinbij-qa pa wánima chi janila k'o wik'in y k'iy juna' man xtintej ta wayjal. Xkikikot k'a, y xkinuxlan. Xkiwa' y xkinuk'ya', xcha-qa ri beyom.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Y nibꞌij chare ri wánima: Wánima, kami santienta bꞌeyomal ayakon chin ndaqꞌasaj akꞌaslen kꞌiy junaꞌ. Katuxlan, kawaꞌ, tatijaꞌ ayaꞌ y kakꞌastan.

Kaqchikel Santa Maria de Jesus

¹⁹ Y xtinꞌej cha ri vánima: Vánima, vacame qꞌuiy kax ri ayacuon richin qꞌuiy junaꞌ. Caquicuot cꞌa, catuxlan, cavaꞌ y takumuꞌ yaꞌ, xchaꞌ.

Kaqchikel Central Guatemala

¹⁹ Y xtinbij c'a chire ri vánima: Vánima, vacami janíla q'uiy a-cosas ri ayacon, y q'uiy juna' man xtatej ta vayjal. Caquicot c'a, catuxlan, cava' y catuc'ya', xcha' ri beyon chire ri ránima.

Re C'ac'a Testamento pa Kach'abal

¹⁹ y xtimbij c'a cha re vánma: Vánma, vocame camas q'uiy cosas re ayacon, y q'uiy juna' man xtataj-ta viyjal. Caqui'cot, caxulan, cava' y catuq'uia', xcha' re biyom cha re ránma.

Kaqchikel Western Solola

¹⁹ Y xtinbij c'a chare ri wánima: Wánima, wacami sibilaj q'uiy abeyomal ri ayacon, y q'uiy juna' ma xtatij ta wayjal. Caquicot c'a, catuxlan, cawa' y catuc'ya', xcha' ri beyon chare ri ránima.

San Lucas 12:19 ပူးပေါင်းရင်းမြစ်များ

Wuj Richin ri Achin Job 14:1

Roj winaqi' xa maneq k'a quchuq'a' y nik'atzin qato'ik, y chuqa' xa ka'i' oxi' ok q'ij nuben ri qak'aslen. Man rik'in ri' kan nojineq chi ruk'ayewal.

Wuj Richin Bix Chire ri Dios 49:18

Stape' toq k'a k'es na, kan janila nuya-qa ruq'ij, y kan janila chuqa' niya'ox ruq'ij koma ri winaqi',

Wuj Richin Bix Chire ri Dios 62:10

Man tikuquba' ik'u'x rik'in ri banoj kamik, ni man ninimirisaj-iwi' roma ri iweleq'. Wi nik'iyer-q'anej ri ibeyomel, man tikuquba' ik'u'x rik'in.

Wuj Richin Etamabel-Tzij 10:2

Ri beyomel ri xa man choj ta ruch'akik, man kan ta k'iy utzil nuk'en-pe, jak'a ri chojilej k'aslen, nikolon chuwech ri kamik.

Wuj Richin Etamabel-Tzij 14:24

Ronojel ri nikil ri winaqi' aj-na'oj, kan ja wi ri kina'oj niya'on chike; jak'a ri nikil ri maneq kina'oj, kan roma ri maneq kina'oj roma ri' jari' ri nikik'ul.

Wuj Richin Etamabel-Tzij 18:11

Chuwech ri wineq beyom, ri rubeyomel kan achi'el jun tinamit ri sutin-rij chi tz'aq; kan nuch'ob k'a chi ri rubeyomel achi'el jun tz'aq ri nej jotol chikaj, roma ri' man jun ri nitzaqo richin.

Wuj Richin Etamabel-Tzij 23:5

Roma wi rat kan natzu' k'a el beyomel chupan ri ak'aslen, toq natzu' yan chik, xa xbe yan; xa achi'el xek'oje-el ruxik', achi'el ri ruxik' ri kot, richin chi nej nibe chikaj.

Wuj Richin Etamabel-Tzij 27:1

Rat, kan man jun bey taben chi at k'es chupan ri q'ij richin chua'q y nanojila' yan ri achike xtaben; roma xa man jun awetaman wi kan k'a k'o na ak'aslen o xa maneq chik, toq xtapon ri chua'q.

Wuj Richin ri Molojri'il 11:9

Rat ri k'a at k'ajol ala' na, kan kakikot k'a chupan ri ak'ajolil. Rokik ri k'a at k'ajol na, k'iy k'a ri nawajo' naben chupan ri ak'aslen. Y kan jari' ri tabana', xaxe k'a man tamestaj chi ja ri Dios k'o pa ruwi' ronojel, y k'o jun q'ij kan xtuq'et chuqa' tzij pa ruwi' ronojel banobel.

Wuj Richin ri Molojri'il 2:24

Ri más jebel chire ri achin ja ri nutej, nuqum y kan nikikot ránima rik'in ri nuk'ul rik'in ri rusamaj ri rubanon. Y re' kan nuben chuwe chi kan niq'ax chinuwech chi jare' ri rurayibel ri Dios chire ri wineq.

Wuj Richin ri Isaías 22:13

Jak'a rix xa yixnimaq'ijun, xe'ikamisaj wákix y karne'l richin jebel nitej. Jebel yixqumu vino y nibij: Qojwa-qojuk'ya' roma ri chua'q xa xqojken, yixcha'.

Wuj Richin ri Isaías 5:11

Kan toq'ex k'a iwech rix ri kan nimaq'a' yan nichop q'abarik. Kan yixukusan k'a aq'a' richin yixq'aber y kan k'a niq'aq'er na ri ijolon.

Wuj Richin ri Isaías 5:8

Toq'ex k'a iwech rix ri nimej kan kachoch ri iwachpochel xaxe richin yek'iyer ri iwachoch rix. Toq'ex iwech rix ri nimej kan kixoral ri iwachpochel richin yek'iyer ixoral rix, k'a toq man jun chik akuchi yek'oje-wi-qa ri iwachpochel. Y keri' kan iyon k'a rix yixk'oje' chuwech ri ruwach'ulew.

Wuj Richin ri Isaías 56:12

Iwonojel nisuj vino chike ri ch'aqa' chik k'a toq yixq'aber na. Y ri jun chik q'ij chuqa' keri' xtiben, y rik'in juba' más k'ayew ri xtiben.

Os 12:8

Rije' kan xkibij k'a qa: Kan janila xibeyomer-q'anej kan nim k'a ri beyomel ri wilon yin. Kan man jun k'a xtitikir xtich'ojin chuwe ri akuchi nuk'amon-wi ronojel re beyomel re', ni kan man jun k'a mak xtilitej chupan, yecha'.

Am 6:13

Rix xa xinimirisaj-iwi' toq xe'ich'ek ri tinamit Lodebar y nibij: Man ja ta k'a roj xojch'akon kichin ri tinamit Carnáin.*f1*

Wuj Richin ri Habacuc 1:16

Rije' nikiya' kiq'ij ri kikamisabal, achi'el ri e chapoy ker ri kan yekisuj kamelabel pa rubi' ri kiya'l, y kan yekamela'an k'a roma ri'. Roma rik'in ri' nikil-wi ri janila jebelej taq q'utun, y kan pa ruk'iyal.

San Lucas 12:18

Toq xch'obotej chuwech, xubij: Más utz kenwulaj na el re nuk'ujay taq kokoj, y xkenben nima'q. Chupan re nuk'ujay re' xkenyakala-wi ri k'o wik'in, y ronojel ri xuya' ri nutiko'n.

San Lucas 16:19

Ri Jesús xubij k'a: Xk'oje' k'a jun achin ri janila beyom. Rija' ruyon k'a jebel taq tzieq ri jotol kajel ri yerukusala', y q'ij-q'ij nubanala' nima'q taq wa'in.

San Lucas 21:34

Tichajij k'a ri ik'aslen. Man tibe iwánima chikij ri nimaq'ij; man kixq'aber y chuqa' man xaxe ri nik'atzin chiwe chuwech re ruwach'ulew ri nich'ob, y k'a toq xtina', xa jari' xoqaqa ri q'ij, richin chi yin xkinoqaqa.

1 Corintios 15:32

Wi maneq ta k'astajibel, ronojel ri yenk'uluwachila' man jun ta rejqalen, achi'el ri xink'uluwachij pan Éfeso, toq ri winaqi' kan xeyakatej chuwij achi'el k'uxunela' taq chikopi'. Xa más ta utz niqaben achi'el ri tz'ibatel kan:*f16* Xaxe qojwa' y qojuk'ya', roma xa chua'q-kabij xqojken-el, nicha'.

Filipenses 3:19

Ri pa ruk'isibel, rije' pa q'aq' k'a xkebeqaqa-wi, roma xa kan xaxe ri itzel taq rayinik ri nikiben. Rije' janila kinimirisan-ki' chubanik ri etzelal ri', ri xa ruk'amon ta richin yek'ix. Kan beneq k'a ri kánima chirij ri ek'o chuwech re ruwach'ulew.

1 Timoteo 5:6

Ri malkani' ri xaxe ri kikoten richin re ruwach'ulew nikich'ob, xa e kaminaqi' chik, stape' k'a e k'es na.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

2 Timoteo 3:4

xkepiskolin chikij ri kachibil, man xtikich'ob ta juba' achike nuk'en-pe ri nikiben y más xtikajo' ri kikoten richin re ruwach'ulew, ke chuwech xtikajo' ta ri Dios,

Santiago 5:5

Rix beyoma' jebel ik'aslen y beneq iwánima rik'in ri kikoten richin re ruwach'ulew. Jebel iti'ojirisan-iwi' richin ri q'ij richin ri ikamik, achi'el ri wákix.

1 Pedro 4:3

Xa man chik k'a tiben banobel ri xe'iben ojer kan, toq xa kan man xixk'ix ta xe'ibanala' ronojel ruwech etzelal. Kan xiben k'a ronojel ri xirayij, xixq'aber, xe'ibanala' nima'q taq wa'in richin xitej ya' y xiyala' kiq'ij ch'aqa' chik dios ri xa e banon.

Apocalipsis 18:7

Tiya' pa q'axo'n y tijoj-poqonal. Roma rija' xunimirisaj-ri', y toq k'o chupan ri itzel k'aslen ri', xubila' k'a pa ránima: Ja yin ri kan achi'el reina in tz'uyul wawe', man in malka'n ta, ni man xtink'owisaj ta chuqa' q'axo'n, xcha-qa.

1 Sam 30:16

K'ari' xeruk'uaj k'a, y toq xe'apon, ri achi'a' ri' kitalun-ki' richin yewa', ye'uk'ya' y kan yenimaq'ijun roma janila k'iy xkimej-pe ri k'o rejqalen chuwi-kiq'a' ri aj-Filistea y ri aj-Judá.