San Lucas 12:15 - Kaqchiquel Bible

¹⁵ Jari' toq ri Jesús xch'on chike ri winaqi' ri kimolon-apo-ki' y xubij: Kan titzu' k'a qa iwi' jebel, richin chi man tipe rayinik iwik'in. Roma stape' janila k'iy rubeyomel jun wineq, man ja ta ri' ri xtiya'on ruk'aslen, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Ri Jesús xubꞌij chuqaꞌ: Tibꞌanaꞌ cuenta ri iwánima chin ma tijamem chirij jalajaj teq achike. Porque ma ja ta ri kꞌiy achike ruchajin jun wineq ri ndibꞌanun chi nditiker ndukꞌuaj utzulej kꞌaslen.

Kaqchikel Santa Maria de Jesus

¹⁵ Y ri Jesús xchꞌoꞌ chic chica ri vinak y xuꞌej: Titzꞌata-iviꞌ otz chi ntiꞌan cuenta-iviꞌ, man tirayij chi nicꞌujieꞌ nojiel kax iviqꞌuin. Ruma mesque qꞌuiy rubꞌayomal jun vinak, man ja ta reꞌ ri xtiyoꞌn rucꞌaslien.

Kaqchikel Central Guatemala

¹⁵ Y ri Jesús xch'on chic c'a chique ri vinek y xubij: Can titzu' c'a ka ivi' jebel richin nichajij ri ic'aslen, richin chi man tipe rayinic pan ivánima chirij ronojel ruvech cosas. Roma stape' janíla q'uiy rubeyomel jun vinek, man ja ta ri' ri xtiyo'on ruc'aslen.

Re C'ac'a Testamento pa Kach'abal

¹⁵ Y re Jesús xch'o chic chique re vinak y xubij: Tichajij-ivi' che man tirayij re biyomal. Roma re biyomal man nitiquir-ta nulok' re c'aslen.

Kaqchikel Western Solola

¹⁵ Y ri Jesús xch'o chic c'a chique ri winek y xubij: Can titzu' c'a ka iwi' jabel riche (rixin) chi nichajij ri ic'aslen, riche (rixin) chi ma tipe ta raynic pa tak iwánima chrij ronojel ruwech cosas. Ruma astape' jun winek sibilaj q'uiy rubeyomal c'o, ma ya ta ri' ri xtiya'o ri ruc'aslen.

San Lucas 12:15 ပူးပေါင်းရင်းမြစ်များ

1 Rey 2:40

Toq rija' xunabej re', k'ari' xuchojmirisaj-el ri rubur richin xbe pa Gat, rik'in ri rey Áquis, y chiri' xerukanoj k'a pe ri rusamajela' y xeruk'en-pe rik'in.

Wuj Richin ri Achin Job 2:4

Xeri' ri Satanás xubij chire ri Jehová: Rija' nukoch' ronojel roma man jun yabil aya'on chire, jak'a wi naya' ta jun yabil pa ruch'akul, kan yaruya' kan.

Wuj Richin Bix Chire ri Dios 10:3

Kan nikikot k'a rik'in ri rurayibel ri ránima, nikikot chuqa' kik'in ri yebanon etzelal y kan yaretzelaj rat.

Wuj Richin Bix Chire ri Dios 37:16

Más utz ri ti juba' ok k'o rik'in ri choj ruk'aslen, ke chuwech ri janila chi beyomel k'o rik'in y xa aj-mak.

Wuj Richin Bix Chire ri Dios 62:10

Man tikuquba' ik'u'x rik'in ri banoj kamik, ni man ninimirisaj-iwi' roma ri iweleq'. Wi nik'iyer-q'anej ri ibeyomel, man tikuquba' ik'u'x rik'in.

Wuj Richin Etamabel-Tzij 15:16

Kan más wi utz chi xa juba' ok ri k'o rik'in jun wineq y k'o rukiy ri Dios chuwech; y mani janila chi beyomel y xa maneq rutzil ri k'aslen.

Wuj Richin Etamabel-Tzij 16:16

Kan más k'a utz chi ri wineq nril na'oj, ke chuwech nril q'anapueq; y xa más utz chuqa' toq k'o utzilej ch'obonik rik'in, ke chuwech ri k'o ta saqipueq rik'in.

Wuj Richin Etamabel-Tzij 28:16

Jun q'atoy-tzij ri xa man utz ta runojibal, kan k'iy k'a ri nutz'oq chuwi-kiq'a' ri winaqi'; jak'a ri q'atoy-tzij ri kan nretzelaj ri itzel taq ch'akoj, kan k'iy k'a q'ij ri xtiq'aton-tzij.

Wuj Richin ri Jeremías 6:13

Chi ch'uti'q chi nima'q xaxe nikich'ob ri kichin-qa rije'. Ri nikibananej chi e q'alajirisey nuch'abel y ri e sacerdote xaxe q'oloj ri yekiben.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

Wuj Richin ri Miqueas 2:2

Nikirayila' k'a rulew ri jun chik y nikiben kan kichin chire. Nikirayila' ruwech jay kichin ch'aqa' chik y nikimej kan. Rik'in tz'ukun-tzij nikeleq'aj kan ri rachoch ri jun chik wineq. Ronojel ri kichinan kan ri kiwinaq nikelesaj kan chike.

Wuj Richin ri Habacuc 2:9

Kan toq'ex awech rat ri yabeyomer rik'in q'oloj, richin chi yabe pa jotol, y nawewaj-awi' chuwech ri ruk'ayewal.

Marcos 7:22

Chiri' nipe-wi ri jalajoj taq ch'obonik; toq nikirayij chi ronojel k'o ta kik'in, yekibanala' etzelal, yeq'olon, ri winaqi' nikibanala' mak ri janila yek'ixbisan, itzel nikina' chire jun wineq ri utz k'o, yekibila' itzel taq ch'abel chikij ch'aqa' chik, nikina' chi janila kiq'ij y xa e nakaneq.

San Lucas 12:16

Kan jari' k'a toq ri Jesús xuchop rubixik jun k'ambel-tzij, y xubij: K'o k'a jun achin beyom, ri janila ulew k'o rik'in. Y jun bey xuben qa janila tiko'n y utz xel chuwech.

San Lucas 16:14

Toq ri fariseo xkak'axaj k'a ri xubij ri Jesús, xa xkiyojobej, roma rije' kan beneq kánima chirij ri beyomel.

San Lucas 21:34

Tichajij k'a ri ik'aslen. Man tibe iwánima chikij ri nimaq'ij; man kixq'aber y chuqa' man xaxe ri nik'atzin chiwe chuwech re ruwach'ulew ri nich'ob, y k'a toq xtina', xa jari' xoqaqa ri q'ij, richin chi yin xkinoqaqa.

San Lucas 8:14

Ri ija'tz ri xqaqa kojol taq q'ayis ri k'o kik'ixal nich'on k'a chikij ch'aqa' chik winaqi' ri ye'ak'axan ri ruch'abel ri Dios. Jak'a toq q'axineq chik juba' q'ij, xa nijiq' ri ruch'abel ri Dios kik'in, roma xa ja ri nik'atzin chire ri kik'aslen wawe' chuwech re ruwach'ulew ri nikich'ob, roma chuqa' ri kibeyomel y chuqa' roma yekirayila'. Y man niwachin ta jebel ri kik'aslen.

1 Corintios 6:10

Keri' chuqa' ri yebanon eleq', ri ye'ajowan chi ronojel kik'in ta rije' k'o-wi, ri yeq'aber, ri yeyoq'on, y ri yekamisan.

Colosenses 3:5

Roma ri', kan tikamisaj ri itzel taq rayinik ri xa richin re ruwach'ulew. Ri achi'a' y ri ixoqi' man tikikanola-ki' richin yemakun. Kan man k'a kixok man ix ch'ajch'oj ta. Man tiya' q'ij chire ri itzel taq irayibel. Man chik tirayij chi iwik'in ta rix k'o-wi ronojel. Roma ri keri' xa kan junan rik'in ri niya' ta kiq'ij ri dios ri xa man e qitzij ta.

2 Timoteo 3:2

Roma chupan ri q'ij ri' e k'iy chike ri winaqi' ri xaxe rije' ri xtikipoqonaj-qa-ki', kan xtibe kánima chirij ri méro, janila xtikinimirisaj-ki' e yoq'onela', man xtikinimaj ta kitzij ri kite-kitata', man xkematioxin ta, man xtikiya' ta ruq'ij ri Dios,

Hebreos 13:5

Man tibe iwánima chirij ri méro, xa kan kixkikot rik'in ri k'o iwik'in. Roma ri Dios rubin: Kan beneq-ruwech ink'o iwik'in y man jun bey xkixinmalij kan, nicha'.

Wuj Richin ri Josúe 7:21

Yin xintz'et k'a chukojol ri k'o rejqalen ri xqamej-pe chuwi-kiq'a' ri e etzelanel qichin, jun tzieq banon pa tinamit Babilonia ri janila utz, y wo'o' libra saqipueq y jun ti tz'ajaj q'anapueq ralal juwineq onza; jari' k'a xinrayij ruwech y xinchop-pe y ronojel re' wewan chuxe' ulew pa runik'ajal ri wachoch, nabey nuya'on-qa ri q'anapueq y ri saqipueq y pa ruwi' re' nuya'on-qa ri tzieq, xcha'.

2 Pedro 2:14

Xabachike ixoq ri nikitz'et, kan jari' nikajo' yek'oje' rik'in. Kan man yekos ta chubanik ri etzelal. Nikiben k'a chike ri kan k'a man jani jebel kuqul kik'u'x rik'in ri Dios chi yemakun. Jebel ketaman ronojel ruwech q'oloj, richin nikimol k'iy méro. Rije' kan xtiqaqa na wi ri ruk'ayewal pa kiwi'.

2 Pedro 2:3

Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.