San Lucas 11:36 - Kaqchiquel Bible

³⁶ Roma wi kan ixk'o pa jun saqil, y man jun retal ri q'equ'm iwik'in, jebel seq niq'alajin ri saqil iwik'in achi'el jun q'aq' tzijil, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁶ Porque si nojel ri akꞌaslen kꞌo pa luz y ma jun qꞌequꞌ kꞌo awikꞌin, kin qꞌalej-qꞌalej ndatzꞌet nojel, y riꞌ kin achel ta jun lámpara ndiyikꞌan chawech keriꞌ.

Kaqchikel Santa Maria de Jesus

³⁶ Ruma xa nojiel ri a-cuerpo cꞌo pa sakil, can manak kꞌakuꞌn aviqꞌuin y quireꞌ ncatzuꞌn jaꞌal. Incheꞌl antok jun lámpara ncaruꞌon alumbrar y jaꞌal sakil nuyaꞌ.

Kaqchikel Central Guatemala

³⁶ Roma vi can atc'o pa jun sakil, can man jun c'a ti retal ta ri k'eku'n aviq'uin, y queri' can yatzu'un-vi jebel. Re' can junan vi c'a riq'uin tok tzijon jun k'ak' richin sakil y jebel sek nik'alajin richin yarusakirisaj.

Re C'ac'a Testamento pa Kach'abal

³⁶ Roma vo xa yatc'o pa sakil, can man yatc'o-ta pa k'oko'm, y quire' can yatzu'un-va jabal. Re' can junan-va riq'uin tak tzijon jun lámpara chin nusekresaj re anche' yatc'o-va y can pak'ij rubanon roma k'alaj ronojel.

Kaqchikel Western Solola

³⁶ Ruma wi can yitc'o pa jun sakil, y wi can majun c'a retal ri k'eku'm awuq'ui, can yacowin wi c'a yatzu'un jabel achi'el tek tzijon jun k'ak' riche (rixin) sakil.

San Lucas 11:36 ပူးပေါင်းရင်းမြစ်များ

Wuj Richin Etamabel-Tzij 1:5

Ri aj-na'oj ri kan nrak'axaj re', ri retamabal nibe más pa jotol, y ri kan niq'ax chuwech, kan xtretamaj k'a ri achike ruk'amon chi nuben.

Wuj Richin Etamabel-Tzij 20:27

Ri q'aq' richin saqil ri ruya'on ri Jehová chire ri achin, ja ri k'aslen ri xuk'ul-pe pa nabey; y re saqil re' kan yeruq'alajirisaj-pe ri e yakel y e ewatel rik'in-qa rija'.

Wuj Richin Etamabel-Tzij 6:23

Roma ronojel re ruchojmilal re', kan achi'el jun lámpara richin saqil, ri tijonik kan nisaqirisan-wi chupan ri ik'aslen, y ri ch'olinik richin etamabel, jari' ri bey richin ri k'aslen.

Wuj Richin ri Isaías 42:16

Jak'a kan xkenq'axaj pa jun utzilej bey konojel ri e moyi', pa jun bey ri kan man jun bey xketamaj. Kan chikiwech rije' yin xtinben saqil chire ri q'equ'm. Y kan xtintaq'ajuj k'a ri xotoxeq taq bey. Ronojel ri xinbij, kan xtinben.

Wuj Richin ri Isaías 8:20

Pa ruk'exel ri', rix k'o chi nik'ut ta ri rupixa' ri Dios richin niwetamaj wi niban ta tijonik achi'el nubij ri pixa'. Y wi man keri' ta, ri Dios man ruya'on ta ri saqil kik'in ri winaqi' ri'.

Os 6:3

Tiqatija' k'a qaq'ij richin yojtzolej chik rik'in ri Jehová. Kan ta k'a achi'el ri saqil richin ri nimaq'a' yan keri' ta xtiqaben roj richin niqakanoj ri Jehová. Wi keri', ri Jehová kan xtipe k'a qik'in achi'el ri job. Achi'el ri job ri noqaqa toq ik'owineq chik ruq'ijul, chuqa' kan achi'el ri job ri niqaqa toq man jani tapon ri ruq'ijul.

San Mateo 13:52

Rija' xubij chik k'a: Jun aj-tz'ib ri janila retamabal chirij ri aj-chikajil rajawaren ri Dios kan achi'el jun tata'aj pa jun jay ri yeberelesala-pe ri rubeyomel ri ojer e yakel kan, y yeberelesala-pe chuqa' ri rubeyomel ri k'a juba' ek'o-pe rik'in, xcha' ri Jesús.

San Mateo 5:15

Roma rix man jun bey k'a nitzij ta jun q'aq' richin nisaqirisan y nijupuba' ta kan jun bojo'y pa ruwi'. Ri q'aq' ri nitzij kan richin k'a nisaqirisan; roma ri' nikanoj jun k'ojelibel ri nitz'uyuba-wi, richin keri' kan yerusaqirisaj konojel ri ek'o pa jay.

San Lucas 11:35

Roma ri' tichajij ri ik'aslen, richin keri' ri saqil ri ruya'on ri Dios pan iwánima man tijalatej, y xa xtok qa q'equ'm.

San Lucas 11:37

Toq ri Jesús xtane' k'a qa richin nitzijon chikiwech ri winaqi', k'o k'a jun chike ri fariseo xubij chire chi tubana' utzil nibe ta rik'in pa rachoch richin nibewa'. Y ri Jesús kan xbe na wi, y xberaq'e' chuchi' ri mesa.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

Efesios 4:14

Keri', man niqaya' ta q'ij chi yojuk'uex koma tijonik ri man e qitzij ta, achi'el nibanatej kik'in ri ak'uala' ri xabachike niq'olon kichin. Roma ri tijonela' ri' xa e q'olonela', y rik'in ri q'oloj ri' nikisech kik'u'x ri qach'alal.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

Hebreos 5:14

Jak'a ri kan e k'iyineq jebel, kan yetikir chik nikitej wey. Roma ri' ketaman chik ri achike ri utz y achike ri man utz ta.

Santiago 1:25

Jak'a ri nak'axan ri ruch'abel ri Dios y nutz'et jebel ri nubij, y kan nuben, kan jebel ruwa-ruq'ij. Roma ri ruch'abel ri Dios kan utz wi y nuben chiqe chi oj totajineq chik.

2 Pedro 3:18

Pa ruk'exel ri', xa kan tiwetamaj k'a más chirij ri qajaw y qakolonel Jesucristo, y yixk'iy k'a rik'in ri ik'aslen. Y rija' xtuk'ul ta k'a ruq'ij-ruk'ojlen re wakami y keri' tibe-q'ij tibe-seq. Kan keri' ta k'a.