San Lucas 11:24 - Kaqchiquel Bible

²⁴ Toq k'o jun itzel espíritu nel-el pa ránima jun wineq, kan niberukanoj uxlanen akuchi tolan-tolan, jak'a xa kan man nril ta ri uxlanen ri nukanoj y nubij k'a: Más utz yitzolin chik ri akuchi xinel-wi-pe, nicha-qa.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Atoq jun seqꞌ espíritu ndel e pa rukꞌaslen jun wineq, ri espíritu riꞌ ndibꞌa pa teq chaqiꞌj y tzꞌiran ulew ndukanolaꞌ apeꞌ nduxlan, pero roma ma ndiril ta, ndubꞌij: Ngitzolij na pa rukꞌaslen ri jun wineq apeꞌ yin eleneq pe, ndichajeꞌ.

Kaqchikel Santa Maria de Jesus

²⁴ Antok jun itziel espíritu ntiel-el pa ránima jun vinak, niꞌa pa tak lugar chakeꞌj, nucanuj pacheꞌ nuxlan-ve. Y antok man jun lugar niril, nuꞌej cꞌa: Más otz nquitzalaj chic pa ránima ri vinak pacheꞌ xiniel-ve-pa, nichaꞌ.

Kaqchikel Central Guatemala

²⁴ Y tok c'o jun itzel espíritu nel-el pa ránima jun vinek, re itzel espíritu re' nucanoj uxlanen pa tak lugar tz'iran-tz'iran. Y tok re jun itzel espíritu re' nuna' chi man jun uxlanen nril, nuch'ob-ka: Más utz yitzolin chic pa ránima ri vinek ri xinel-vi-pe.

Re C'ac'a Testamento pa Kach'abal

²⁴ Tak c'o jun itzel espíritu ndel-a riq'uin jun vinak, re itzel espíritu re' niba pa tak lugares re anche' manak vinak y manak ya', y chire' c'a nucanoj-va jun lugar chin nixulan. Y tak re jun itzel espíritu re' nuna' che man ak lugar nuvil chin nixulan, nunojij: Más otz yintzolaj chic anche' xinel-va-pa.

Kaqchikel Western Solola

²⁴ Y tek jun itzel espíritu ntel el pa ránima jun winek, nucanoj uxlanen pa chaki'j tak lugar. Y tek nuna' chi majun uxlanen nril, nuch'ob ka: Quitzolin na chic pa ránima ri winek ri acuchi (achique) xinel wi pe, nicha' c'a.

San Lucas 11:24 ပူးပေါင်းရင်းမြစ်များ

Wuj Richin ri Achin Job 1:7

K'ari' ri Jehová xuk'utuj chire ri sujunel chi akuchi peteneq-wi. Ri sujunel ri' xubij chire ri Jehová chi peteneq chuwech chijun ri ruwach'ulew.

Wuj Richin ri Achin Job 2:2

Y ri Jehová xch'on k'a rik'in ri Satanás y xuk'utuj chik k'a chire ri akuchi peteneq-wi. Rija' xubij chik chi peteneq chuwech chijun ri ruwach'ulew.

Wuj Richin Bix Chire ri Dios 63:1

¡Nimalej Dios, ja rat ri at nu-Dios! Yin kan jantape' k'a yatinkanoj; ri wánima kan nichaqchi'in chawij. Yin kan yatinrayij k'a toq ink'o chupan re ruwach'ulew chaqi'j y tz'iran akuchi maneq ya'.

Wuj Richin Etamabel-Tzij 4:16

Roma ri winaqi' ri' man nipe ta kiwaran, wi xa man jun etzelal kibanon kan; rije' kan nel k'a kiwaran, wi xa man jun wineq ri kibanon kan ch'a'oj chire.

Wuj Richin ri Isaías 35:7

Pa ruk'exel yepa'e' ta pa ruwi' k'aten sanayi', xa xkepa'e' chupan jun choy. Y pa ruk'exel ri ruwach'ulew nutz'u' ta qa ri ya', kan xkek'oje' alaxibel taq ya'. Ri akuchi wakami ek'o-wi ri utiwa', chiri' xtik'oje-wi pa ruk'iyal ri q'os y aj. Y chuqa' chiri' xtik'oje' pa ruk'iyal ri pop.

Wuj Richin ri Isaías 44:3

Yin kan xtinben chi xtibiyin ya' chupan ri ruwach'ulew ri kan jantape' nutz'u' ri ya'. Chuqa' kan xtibiyin raqen taq ya' chupan ri chaqi'j taq ulew. Pa kiwi' ri iwijatzul kan xtinya' ri nu-espíritu, y chuqa' xtinya' urtisanik.

Wuj Richin ri Isaías 48:22

Jak'a chike ri e banoy taq etzelal, kan man xtinya' ta uxlanibel-k'u'x. Yin Jehová ri yibin.

Marcos 5:10

Kan janila k'a xuk'utuj utzil chire ri Jesús chi man trelesaj-el chiri'.

Marcos 9:25

Toq ri Jesús xutz'et chi xa e janila e k'iy winaqi' ri junanin nikimol-apo-ki', jari' toq xuch'olij ri itzel espíritu y xubij chire: Rat ri abanon chire re ala' re' chi man nak'ex ta y amemurisan; katel-el, y man chik katzolin-pe rik'in, xcha'.

San Lucas 11:25

Toq nitzolin chik apo pa ránima ri wineq, nril k'a ri ránima ri wineq ri' achi'el jun jay ri man jun k'o chupan, meson y chojmirisan kan jebel.

Efesios 2:2

ri xixk'oje' chupan toq xisamajij ri rajaw ri ajawaren ri k'o pa kaq'iq'. Re' ja re' ri espíritu ri k'o pa kánima ri kan man nikinimaj ta rutzij ri Dios.

1 Pedro 5:8

Kan tina' k'a jebel ri achike niben y jantape' kixk'ase', roma ri Itzel-Wineq, kan nisutiyaj-pe chiwij richin yixruk'is, achi'el nuben jun koj toq nukanoj ruway.