San Lucas 10:4 - Kaqchiquel Bible

⁴ Jak'a man tik'uaj peqes, ni man jun tik'uaj richin niyek ri iméro; man tik'uaj chuqa' jun chik k'ulaj xajab. Ni man kixpataj pa taq bey richin ye'iq'ejela' na kan ri winaqi'.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Ma tikꞌuaj koxtar, nixta méra, nixta jun par chik xajabꞌ, y ma kixpeꞌeꞌ layaj pa bꞌey chin ndiyaꞌ ruxunaqil kiwech wineq.

Kaqchikel Santa Maria de Jesus

⁴ Man tivucꞌuaj i-buolsa, ni man tivucꞌuaj i-miera, y man tivucꞌuaj jeꞌ jun chic par ixajabꞌ. Y man quixpiꞌieꞌ jeꞌ chi nquiꞌan saludar ri vinak pa tak bꞌay.

Kaqchikel Central Guatemala

⁴ Y man c'a tic'uaj pekes (morral), ni man c'a tic'uaj mero, y man tic'uaj chuka' jun chic c'ulaj xajab. Ni man chuka' quixpataj pa tak bey richin ye'ik'ejela' na can (ye'ik'ijala' na can) vinek. Xa choj quixbiyin c'a acuchi c'o chi yixapon-vi.

Re C'ac'a Testamento pa Kach'abal

⁴ Y man tic'uaj-a iya'l, man tic'uaj-a mero, man tic'uaj-a jun chic c'ulaj xajab. Y chuka' man quixpa'e' pa tak bey chin yixtzijon, xa choj quixbiyin anche' nijo' yixbo-va.

Kaqchikel Western Solola

⁴ Y man c'a tic'uaj ta yabel irajil, ni man c'a tic'uaj ta ya'l, y man c'a tic'uaj ta chuka' jun chic c'ulaj ixajab. Ni ma quixpa'e' ta pa tak bey riche (rixin) chi ye'iyala' ca rutzil tak quiwech ri winek. Xa jic (choj) quixbiyin c'a acuchi (achique) c'o chi yixapon wi.

San Lucas 10:4 ပူးပေါင်းရင်းမြစ်များ

Wuj Richin ri Rutikeribel 24:33

Y xya'ox k'a apo chikiwech ri k'o chi nikitej, jak'a ri rusamajel ri Abraham xubij: Nabey chire richin nintej nuway k'o chi ninbij-apo ri nutaqikil, xcha'. Y ri Labán xubij chire: Tatzijoj k'a chiqe achike roma toq xatoqaqa wawe', xcha'.

Wuj Richin ri Rutikeribel 24:56

Y ri samajel xubij: Tibana' utzil man yiniq'et-qa roma kan ja ri Jehová xbanon richin utz xel ri nutaqikil. Tikuyu' juba', tiya' q'ij chuwe richin yitzolin yan pa rachoch ri wajaw, xcha'.

2 Rey 4:24

K'ari' ri ixoq xuben chi chi'anin tichojmirisex-el ri bur, y xubij chire ri samajel: Tabujujej-el ri bur chi'anin, y man kapa'e-qa pa bey, k'a xtinbij na yin chawe k'ari' yapa'e-qa, xcha'.

2 Rey 4:29

Ri Eliseo xq'ax k'a chuwech ri nrajo' nubij ri ixoq, y roma ri' xubij chire ri Guehazí: Tajitz'a-el ri apan, tak'uaj-el ri nuch'ame'y, y kabiyin junanin. Y wi k'o jun xtak'ul, man taq'ejela' kan; wi k'o jun xkaq'ejelon, man kapa'e-qa rik'in richin naq'ejela' kan. Y toq xkatapon pa rachoch ri ixoq, xtaya' ri nuch'ame'y pa ruwi' ri rupalej ri ak'ual, xcha'.

Wuj Richin Etamabel-Tzij 4:25

Kan jantape' k'a tabana' chi ri awech kan xaxe chawech nitzu'un-wi, kan tach'ikiba' k'a ri runaq' awech chawech-apo.

Marcos 6:7

K'ari' ri Jesús xeroyoj ri kablajuj rutijoxela'. Y chi e kaka' xeruteq-el chubanik ri samaj y xuya-el uchuq'a' chike richin chi yekelesaj ri itzel taq espíritu.

San Lucas 22:35

K'ari' ri Jesús xuk'utuj k'a chike ri rutijoxela': Toqaqa chi'ik'u'x, toq ri jun bey xixinteq y man xinwajo' ta richin xik'uaj peqes, ni méro, ni jun chik k'ulaj xajab. ¿K'o kami ri xk'atzin chiwe y man xiwil ta?, xcha'. Y rije' xkibij chi man jun.

1 Sam 21:8

Chuqa' ri David xubij-apo chire ri Ahimélec. ¿Maneq kami jun kum o jun espada awik'in richin naya' chuwe? Roma yin man xink'en ta pe ri nu-espada, roma kan anineq xiruteq-pe ri rey; roma ri' man jun nukamisabal xink'en-pe, xcha' ri David.