San Lucas 10:37 - Kaqchiquel Bible

³⁷ Ri etamanel xubij chi ja ri achin ri xjoyowan ruwech. Y ri Jesús xubij k'a chire: Wakami kabiyin k'a y tabana' achi'el xuben ri achin aj-Samaria, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁷ Ri tijonel chin ri ley xubꞌij: Ja ri jun ri xpoqonan ruwech. Y ri Jesús xubꞌij chare: Wokami rat, kabꞌiyin y tabꞌanaꞌ achel xubꞌen ri xtoꞌon.

Kaqchikel Santa Maria de Jesus

³⁷ Y ri ache reꞌ xuꞌej: Ja ri ache ri xjoyovan roch, xchaꞌ. Y ri Jesús xuꞌej cha: Vacame caꞌin y abꞌanaꞌ atreꞌ incheꞌl xuꞌon ri ache aj-Samaria.

Kaqchikel Central Guatemala

³⁷ Y ri etamanel xubij: Ja ri achin ri xjoyovan ruvech, xcha'. Y ri Jesús xubij c'a chire ri etamanel: Vacami cabiyin c'a y tabana' achi'el xuben ri achin aj-Samaria.

Re C'ac'a Testamento pa Kach'abal

³⁷ Y re ache rutaman re ley quichin re israelitas xubij: Ja re ache re xjoyovan rach. Y re Jesús xubij chic cha re ache re': Vocame cabiyin y tabana' ancha'l xuban re ache aj-Samaria.

Kaqchikel Western Solola

³⁷ Y ri achi ri nik'axan ri nubij ri ley xubij: Ya ri achi ri xjoyowan ruwech, xcha'. Y ri Jesús xubij c'a chare ri achi ri nik'axan ri nubij ri ley: Wacami cabiyin c'a y tabana' achi'el xuben ri achi aj Samaria, xcha' chare.

San Lucas 10:37 ပူးပေါင်းရင်းမြစ်များ

Wuj Richin Etamabel-Tzij 14:21

Ri wineq ri kan nrixowaj ri rachk'uljay, kan mak wi ri nuben; jak'a ri wineq ri kan nujoyowaj ruwech ri man jun k'o rik'in, jebel ruwa-ruq'ij.

Os 6:6

Yin ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech. Ri niya' wejqalen yin kan más rejqalen chikiwech ri poron chikopi'.

Wuj Richin ri Miqueas 6:8

Ri Jehová kan ruq'alajirisan chik k'a chiqe ri utz ri k'o chi niqaben. ¿Achike k'a nrajo' chiqe roj? Rija' nrajo' k'a chi roj xaxe ta ri ruchojmilal ri niqaben. Nrajo' chi niqajoyowaj ta kiwech ri ch'aqa' chik winaqi', y rik'in qasanri'il niqanimaj rutzij ri Dios.

San Mateo 20:28

Yin, ri xiqaqa-pe achi'el wineq chi'ikojol, man ninpoqonaj ta yisamej koma ri ch'aqa' chik, roma xa kan richin ri' toq xipe. Jak'a yin ri yiya'on ri nuk'aslen richin keri' e k'iy ri yekolotej, xcha' ri Jesús.

San Mateo 23:23

¡Xa kan toq'ex k'a iwech rix etamanela' chirij ri pixa' y rix fariseo ri xa ka'i' ipalej! Roma rix kan niya' ri lajujteq chire ronojel ri man kan ta janila rejqalen, achi'el ri q'ayis menta, ri anís y ri comino. Jak'a xa iya'on kan rubanik ri más rejqalen achi'el nubij chupan ri pixa' chi choj tibana' kik'in ri winaqi', chi tik'oje' joyowanik iwik'in y qitzij chi kuqurineq ta ik'u'x rik'in ri Dios. Jare' ri nabey ta ruk'amon ibanon, y k'a ta ri' niben ri yixajin chubanik.

San Lucas 10:36

K'ari' ri Jesús xubij chire ri etamanel: ¿Chawech rat achike k'a chike re e oxi' achi'a' re' ri xok ruwinaq ri achin ri xqaqa pa kiq'a' eleq'oma'?, xcha'.

San Lucas 10:38

Ri Jesús y ri rutijoxela' e beneq pa bey, y xapon pa jun ti ko'ol tinamit. Chiri' k'o k'a jun ixoq rubini'an Marta, y ja rija' ri xk'ulu-apo richin ri Jesús pa rachoch.

2 Corintios 8:9

Kan iwetaman chik k'a ri rutzil ri qajaw Jesucristo; rija' roma kan janila ri ajowabel k'o rik'in, kan qoma k'a roj xok'oje-qa re wawe' chuwech re ruwach'ulew. Xuya' kan ri rubeyomel, y xok jun wineq ri man jun k'o rik'in richin chi roj niqil ta ri qitzij beyomel.

Efesios 5:2

Kan qojajowan k'a achi'el chuqa' xojrajo' ri Cristo; rija' ruyon xusuj-ri' pa kamik qoma roj, achi'el xban toq xesuj ri sipanik y ri kamelabel. Y ri Dios yalan xqa' chuwech chi keri' xuben ri Cristo.

1 Pedro 2:21

Richin re' toq ri Dios xixroyoj, roma ri Cristo chuqa' xutej poqon iwoma rix, richin chi rix niben chuqa' keri'.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.