San Lucas 10:31 - Kaqchiquel Bible

³¹ Chirij ri' k'o k'a jun sacerdote xulan-pe chuqa' chupan ri bey ri'. Y toq re sacerdote re' xutz'et chi punul ri achin ri chiri' pa bey, xa choj xq'ax juk'an chire ri bey.

နောက်ထပ်ဗားရှင်းများ

Kaqchikel Santo Domingo (Xenacoj)

³¹ Ja atoq riꞌ xbꞌanatej chi jun sacerdote israelita bꞌaneq qa chupan ri bꞌey riꞌ, y atoq xutzꞌet ri achi pokꞌorneq pa bꞌey, xa xujechꞌaj e riꞌ chin xqꞌax.

Kaqchikel Santa Maria de Jesus

³¹ Y cꞌo jun sacerdote ri xxulan-pa chupan ri bꞌay reꞌ, y antok xutzꞌat chi pacꞌol ri ache pa bꞌay, ja ri jun chic ruchiꞌ ri bꞌay xakꞌax-ve.

Kaqchikel Central Guatemala

³¹ Y c'o c'a jun sacerdote ri petenek chuka' chupan ri bey ri'. Y tok re sacerdote re' xutz'et chi punul ri achin ri chiri' pa bey, ja chic ri jun ruchi-bey xk'ax-vi.

Re C'ac'a Testamento pa Kach'abal

³¹ Y c'o c'a jun sacerdote pitinak chupan re bey re'. Y tak re sacerdote re' xutz'at che punul re ache chire' po bey, jun-va xk'ax-va.

Kaqchikel Western Solola

³¹ Y c'o c'a jun sacerdote ri petenak chuka' chupan ri bey ri'. Y tek ri sacerdote ri' xutz'et chi punul ri achi ri chiri' pa bey, xu (xe wi) xutzu' ca y xa choj xk'ax el.

San Lucas 10:31 ပူးပေါင်းရင်းမြစ်များ

2 Sam 1:6

K'ari' ri ala' xubij: Yin chaq k'ate' xinapon chiri' pa juyu' Guilboa, y jari' toq xintz'et ri Saúl ruxik'ik'en-ri' chirij ri rukum. Y chirij rija' e peteneq aj-labal aj-Filistea ri ye'apon yan rik'in; ek'o e beneq pa ki-carruaje y ek'o ri e ch'okol-el chirij kiej.

Wuj Richin Bix Chire ri Dios 142:4

Yitzu'un ri pa wijkiq'a', y man jun k'o richin yiruto'. Man jun akuchi ta ninto-wi-wi', ni kan man jun nichajin wichin.

Wuj Richin Bix Chire ri Dios 69:20

Ri q'axo'n kan rusokon k'a ri wánima y kan in k'ayewatajineq. Kan xinwoyobej chi k'o ta jun xjoyowan nuwech y kan man jun. Xinwajo' chi k'o ta xkuquban nuk'u'x, jak'a kan man jun.

Wuj Richin Etamabel-Tzij 21:13

Ri wineq ri kan nuben chi man nrak'axaj ta toq nisik'in ri kan man jun ok k'o rik'in; rija' kan keri' k'a xtuk'uluwachij toq k'o ri xtuk'utuj, man jun xtik'uluban-pe ri ruch'abel.

Wuj Richin ri Molojri'il 9:11

Chuwech re ruwach'ulew kan k'o chik k'a ri xinwetamaj: Chi toq niban jun anin, man xaxe ta ri jun ri más anineq nanin ri nich'akon. Chuqa' toq k'o jun labal man xaxe ta ri aj-labal ri kan ik'owineq kuchuq'a' ri xkech'akon; ri nitij q'ij-q'ij man xaxe ta kichin ri achi'a' aj-na'oj; ni ri beyomel man xaxe ta kichin ri etamanela', y chuqa' man ronojel ta ri rutzil xaxe ta kichin ri jebel yech'obon, roma xa qonojel roj niqil ronojel re'.

Wuj Richin ri Isaías 58:7

Chuqa' kan tiya' ri iway chike ri maneq kiway, y kan tik'ulu' pan iwachoch ri maneq rachoch roma man iwinaq ta. Ri maneq kitziaq, kan tiya' kitziaq, y man tiya' kan richin ye'ito' ri iwach'alal.

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Os 5:1

Ri Jehová nubij: Rix sacerdote kan tiwak'axaj k'a ri xtinbij. Tinamit Israel, kan tiya' k'a ixikin chire ronojel re', rix ri ix aj pa rachoch ri rey kan tiwak'axaj k'a. Ronojel ri q'atoj-tzij ri xtiberuya' ri Dios, kan pan iwi' k'a rix xtiqaqa-wi ronojel. Rix xa kan xixok k'a jun pikbel chupan ri tinamit Mizpá, achi'el jun ya'l ri rik'il, keri' xiben pa ruwi' ri juyu' Tabor.

Os 6:9

Achi'el xa ta eleq'oma' ri yekoyobej winaqi' pa bey, keri' xkiben ri tzobaj sacerdote. Kan xekamisan chupan ri bey ri nibe pa Siquem, kan janila k'a chi etzelal ri xkiben.

Wuj Richin ri Malaquías 1:10

K'ate' ta k'o jun chiwe rix ri xtutz'apej ta ri ruchi' ri wachoch, richin man chaq ye'iporoj ri xa man e utz ta pa ruwi' ri nuporobal. Roma kan man yixqa' ta k'a chinuwech, y ni ta k'a ri sipanik ri ye'isuj chinuwech.

San Lucas 10:30

Roma ri' ri Jesús kan jari' k'a xutzijoj jun k'ambel-tzij chire: K'o k'a jun achin ri eleneq-pe ri pa Jerusalem y xulan-qa richin nibe-qa k'a pa tinamit Jericó. Jak'a re achin re' xebe'el-pe eleq'oma' chirij ri pa bey. Y ri eleq'oma' ri' ronojel xkelesaj-el chire, xkisok kan y jubama xkikamisaj kan.

San Lucas 10:32

Keri' chuqa' jun levita, ri yeto'on kichin ri sacerdote ri pa rachoch ri Dios, peteneq chuqa' chupan ri bey ri'. Rija' xjel-apo rik'in richin xutz'et, y kan achi'el xuben ri sacerdote kan keri' chuqa' xuben rija'.

Wuj Richin ri Rut 2:3

Ri Rut xbe k'a richin nibepich'olin. Y toq xapon pa jun ulew akuchi niq'at-wi cebada, xuchop nipich'olin chiri' kik'in ri yesamej; y ri akuchi xbepich'olin-wi, xa richin ajk'a ri Booz, ri rach'alal kan ri ánima Elimélec.