San Lucas 10:29 - Kaqchiquel Bible

²⁹ Jak'a re etamanel re' kan xrajo' chi tiq'alajin chi kan k'o-wi etamabel rik'in. Roma ri' xuben chi achi'el man q'axineq ta chuwech ri achike k'a ri' ri ruwinaq, ri ruk'amon chi nrajo' achi'el nrajo-qa-ri' rija'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁹ Pero ri tijonel chin ri ley, xe chin ndubꞌananej chi utz runoꞌoj, kereꞌ xukꞌutuj apu razón chare ri Jesús: ¿Achike kꞌa wineq ri ndikꞌatzin chin ngenwojoꞌ?

Kaqchikel Santa Maria de Jesus

²⁹ Pero ri ache reꞌ xrajoꞌ chi ntiel chi otz. Rumareꞌ xucꞌutuj chic cha ri Jesús: ¿Chica ri nu-prójimo?

Kaqchikel Central Guatemala

²⁹ Pero re etamanel re' can xrajo' chi tik'alajin chi can c'o-vi ri nrajo' nretamaj. Romari' rija' xuben chi achi'el man k'axinek ta chuvech ri achique c'a ri' ri ch'aka' chic, ri ruc'amon chi yerajo' achi'el nrajo-ka-ri' rija'. Romari' xuc'utuj-apo chire ri Jesús.

Re C'ac'a Testamento pa Kach'abal

²⁹ Pero re ache can nrajo' che man jun rumac ndel, mare' reja' xuban ancha'l che man xk'ax-ta pa rue' anchique re' re nic'aj chic vinak re ca'jo' ancha'l najo-ka-avi' rat. Mare' xuc'utuj-apo cha re Jesús: ¿Anchique c'a che vinak re' re ye'njo' ancha'l ninjo-ka-vi' yen?

Kaqchikel Western Solola

²⁹ Yac'a ri achi ri' ri nik'axan ri nubij ri ley can xrajo' chi nitz'etetej chi achi'el xa majun rumac. Rumari' xuc'utuj c'a chare ri Jesús: ¿Achique c'a ri' ri wuc' wach'alal ri ruc'amon chi yenwajo' ri achi'el nwajo' ka wi' riyin? xcha'.

San Lucas 10:29 ပူးပေါင်းရင်းမြစ်များ

Wuj Richin ri Achin Job 32:2

Y k'o k'a jun ala' rubini'an Elihú, ruk'ajol ri Baraquel ri aj-Buz, ri peteneq chupan ri rijatzul ri jun achin rubini'an Ram, re ala' re' xyakatej royowal chirij ri Job, roma kan nutej ruq'ij richin nubij chi kan maneq rumak chuwech ri Dios, y chirij ri Dios nuya-wi ri tijoj-poqonal ri nuk'owisaj.

Wuj Richin ri Chojmirisabelri'il 19:34

Kan tibana' k'a chi kan e achi'el e iwinaq: Kan ke'iwajo' k'a achi'el niwajo-qa-iwi' rix, roma chuqa' rix xixk'oje' chupan ri ruwach'ulew Egipto y xa man ix aj chiri' ta. Yin Jehová ri i-Dios ri yibin.

Marcos 8:34

Ri Jesús xeroyoj k'a pe ri winaqi' y ri ch'aqa' chik rutijoxela'. Y xubij chike: Wi k'o jun nrajo' nitzeqeliben wichin, tuqasaj-ri', man tupoqonaj-ri' richin nuk'owisaj tijoj-poqonal y kirutzeqelibej.

San Lucas 10:36

K'ari' ri Jesús xubij chire ri etamanel: ¿Chawech rat achike k'a chike re e oxi' achi'a' re' ri xok ruwinaq ri achin ri xqaqa pa kiq'a' eleq'oma'?, xcha'.

San Lucas 16:15

Roma ri' ri Jesús xubij chike: Rix kan nibananej chikiwech ri winaqi' chi kan janila ix choj. Jak'a ri Dios retaman achike ri k'o pan iwánima. Ri k'o janila rejqalen chuwech re ruwach'ulew, ri Dios kan nrixowaj.

Romanos 10:3

Rije' man ketaman ta k'a ri rubanik chi ja ri Dios nibanon choj chike ri winaqi'. Rije' xa kiyon nikiben-qa chi choj ri kik'aslen, y keri' xa man kiya'on ta ki' pa ruq'a' ri Dios.

Romanos 4:2

Rija' man jun rumak xk'ulun chuwech ri Dios, jak'a man roma ta ri utz ri xerubanala'. Wi ta roma ri', xtikir ta xunimirisaj-ri'. Jak'a ri Dios nubij chi man roma ta ri' toq ri Abraham choj xk'ulun chuwech.

Gálatas 3:11

Kan q'alaj-wi k'a chi man jun wineq ri rik'in ta ri pixa' man jun rumak nik'ulun chuwech ri Dios,*f7* jak'a xa kan roma kikuquban kik'u'x rik'in rija'.

Santiago 2:24

Wawe' niq'alajin chi ri Dios nuk'ul jun wineq man xaxe ta roma ri rukuqubabel-k'u'x, xa kan nik'atzin chuqa' chi nuben ri utzilej taq banobel achi'el nubij ri rukuqubabel-k'u'x.