San Lucas 10:28 - Kaqchiquel Bible

²⁸ Jari' k'a toq ri Jesús xubij chire: Kan qitzij ri xabij. Wakami k'a, wi xtaben ronojel re', xtawichinaj k'a ri k'aslen richin q'asen, xcha' ri Jesús chire.

နောက်ထပ်ဗားရှင်းများ

Kaqchikel Santo Domingo (Xenacoj)

²⁸ Ri Jesús xubꞌij chare: Kin qetzij ri ndabꞌij. Tabꞌanaꞌ pa akꞌaslen ri xabꞌij pe, y ndawil ri kꞌaslen ma ndikꞌis ta.

Kaqchikel Santa Maria de Jesus

²⁸ Y ri Jesús xuꞌej cha ri ache: Can ketzij ri xaꞌej. Vacame cꞌa, xa xtaꞌan nojiel reꞌ, xtavil ri cꞌaslien ri man niqꞌuis ta, xchaꞌ ri Jesús cha.

Kaqchikel Central Guatemala

²⁸ Y jac'ari' tok ri Jesús xubij chire ri etamanel: Can kitzij ri xabij. Vacami c'a, vi xtaben ronojel re', xtavichinaj c'a ri c'aslen ri man q'uisel ta, xcha' ri Jesús chire.

Re C'ac'a Testamento pa Kach'abal

²⁸ Y jare' tak re Jesús xubij cha re ache re': Can katzij re xabij. Vocame, vo xa xtaban ronojel re', xtavel re c'aslen re man niq'uis-ta, xcha' re Jesús cha.

Kaqchikel Western Solola

²⁸ Y yac'ari' tek ri Jesús xubij chare ri achi ri nik'axan ri nubij ri ley: Can kitzij wi ri xabij. Wacami c'a, wi xtaben ronojel re', xtoc c'a awuche (awixin) ri c'aslen riche (rixin) xtibe k'ij xtibe sek, xcha' ri Jesús chare.

San Lucas 10:28 ပူးပေါင်းရင်းမြစ်များ

Wuj Richin ri Nehemías 9:29

Rat xabij k'a chike richin tikitaqej jun bey chik ri apixa'. Jak'a rije' xa janila k'a xkinimirisaj-ki' y man xeniman ta. Y xkiq'ej k'a ruwi' ri ruchojmilal ri nuya' k'aslen, chike ri yetaqen. Y rije' xa xatkimalij kan, xkikowirisaj-ki' y man xeniman ta chawe.

Wuj Richin Etamabel-Tzij 19:16

Ri wineq ri kan nutaqej ri rupixa' ri Dios, kan q'alaj chi nuchajij ri ruk'aslen; jak'a ri xa nretzelaj kan ri utzilej bey richin ri Jehová, xa rukamik ri xtril.

Ez 20:11

Y chiri' xinya-wi chike ri ruchojmilal y ri pixa', roma ri' ri wineq ri xtutaqej kan xtik'ase' k'iy juna'.

Ez 20:13

Yin kan xinya' ri ruchojmilal chike richin chi wi nikitaqej kan xkek'ase'. Man rik'in ri', xa xeyakatej chuwij chiri' pa tz'iran ruwach'ulew y man xkinimaj ta ri nupixa', jak'a xa xkixowaj, y chuqa' man xkiya' ta rejqalen ri q'ij richin uxlanen. Roma ri' xinch'ob chi ninwelesaj woyowal chikij y yenk'is kan chiri' pa tz'iran ruwach'ulew.

Ez 20:21

Jak'a rije' xa xeyakatej chuwij y man xkiben ta achi'el nubij ri nupixa' ri nuya'on chike. Chuqa' xa xkiben k'a chire ri q'ij richin uxlanen chi man jun rejqalen. Y roma ri', yin kan xinbij k'a chike chi kan xtinwelesaj woyowal chikij ri chiri' pa tz'iran ruwach'ulew.

Wuj Richin ri Chojmirisabelri'il 18:5

Roma ri' kan tiyaka' pan iwánima ri pixa' ri nuya'on chiwe rix ri ix nutinamit. Roma achike k'a ri xtitaqen, kan xtik'ase'. Ja yin Jehová ri yibin.

San Mateo 19:17

Rija' xubij chire: ¿Achike k'a roma toq nabij utz chuwe yin? Roma man jun wineq ri utz ta, xa kan xaxe k'a ri Dios ri utz. Jak'a wi rat kan nawajo' yatapon chupan ri k'aslen richin q'asen, kan ke'ataqej k'a ri pixa', xcha' chire.

Marcos 12:34

Toq ri Jesús xrak'axaj chi kan jebel wi xq'ax chuwech ri jun etamanel ri', kan jari' xubij chire: Rat xa man nej ta atk'o-wi chire ri rajawaren ri Dios, xcha'. Y kan man jun chik k'a ri k'o ta xuk'utuj-apo chire ri Jesús.

San Lucas 7:43

Ri Simón xubij: Yin ninbij chi ja ri más k'iy ruk'as xuben rik'in, xcha'. Ja', keri', xcha' ri Jesús chire ri Simón.

Romanos 10:4

Man k'atzinel ta chik chi niqatzeqelibej ri pixa' roma xoqaqa ri Cristo. Keri' xabachike ri nukuquba' ruk'u'x rik'in ri Cristo, man jun rumak nik'ulun chuwech ri Dios.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

Romanos 7:10

y k'ari' xinnabej chi maneq nuk'aslen rik'in ri Dios. Ja ta ri pixa' ri xk'amon-pe ri k'aslen. Jak'a pa ruk'exel ri', xa ja ri kamik ri xuk'en-pe.

Gálatas 3:12

Ri ruk'uaxik ri pixa' man junan ta rik'in ri kuqubabel-k'u'x rik'in ri Dios, roma ri pixa' nubij*f8* chi k'o k'aslen xaxe chire ri wineq ri kan nutaqej ronojel ri tz'ibatel chupan.

Deut 6:24

Chirij ri' ri Jehová xubij chiqe chi k'o chi niqataqej ronojel ri pixa' ri ya'on chire ri tinamit y kan niqaya' ruq'ij richin keri' utz xqojbiyin. Keri' chuqa' rija' xqojruchajij achi'el rubanon qik'in k'a re q'ij re'.