San Lucas 10:27 - Kaqchiquel Bible

²⁷ Ri etamanel xubij chire ri Jesús: Ri pixa' nubij chi tiqajo' ri qa-Dios ri qajaw rik'in ronojel qánima, rik'in ronojel qak'u'x y rik'in ronojel quchuq'a'. Kan achi'el niqajo-qa-qi' roj, kan keri' chuqa' keqajo' ri qawinaq, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁷ Ri tijonel chin ri ley xubꞌij: Rikꞌin nojel awánima, nojel akꞌuꞌx, nojel awuchuqꞌaꞌ y nojel anojibꞌal tawojoꞌ ri Awajaw Dios, y kaꞌawojoꞌ ri wineq achel ndawojoꞌ awiꞌ rat.

Kaqchikel Santa Maria de Jesus

²⁷ Y ri maestro xuꞌej cha ri Jesús: Can tavajoꞌ ri Avajaf Dios, tavajoꞌ riqꞌuin nojiel avánima, tavajoꞌ riqꞌuin nojiel ri acꞌaslien, tavajoꞌ riqꞌuin nojiel ri avuchukꞌaꞌ, y tavajoꞌ jeꞌ riqꞌuin nojiel ri anoꞌj. Y can incheꞌl ri navajo-ka-aviꞌ atreꞌ, can quireꞌ jeꞌ mismo tavajoꞌ ri a-prójimo.

Kaqchikel Central Guatemala

²⁷ Y ri etamanel xubij chire ri Jesús: Ri ley nubij chi tavajo' ri Dios ri Avajaf. Tavajo' riq'uin ronojel avánima. Tavajo' chupan ri ronojel ri ac'aslen, riq'uin ronojel avuchuk'a', y riq'uin chuka' ri anojibal. Y can achi'el navajo-ka-avi' rat, can que c'a chuka' ri' que'avajo' ri ch'aka' chic.

Re C'ac'a Testamento pa Kach'abal

²⁷ Y re ache re' xubij cha re Jesús: Re ley nubij che tajo' re Dios re Avajaf riq'uin ronojel avánma. Tajo' riq'uin ronojel re ac'aslen, riq'uin ronojel avuchuk'a', y riq'uin ronojel re ana'oj. Y can ancha'l najo-ka-avi' rat, quire' chuka' ca'jo' re nic'aj chic vinak.

Kaqchikel Western Solola

²⁷ Y ri achi ri nik'axan ri nubij ri ley xubij chare ri Jesús: Ri ley nubij chi tawajo' ri Dios ri Awajaf. Tawajo' riq'ui ronojel awánima. Tawajo' chupan ronojel ri ac'aslen, riq'ui ronojel awuchuk'a', y riq'ui chuka' ri anojibal. Y can achi'el nawajo' ka awi' riyit, can queri' chuka' que'awajo' ri awuc' awach'alal.

San Lucas 10:27 ပူးပေါင်းရင်းမြစ်များ

Wuj Richin ri Chojmirisabelri'il 19:18

Man tiben ruk'exel chike ri yebanon itzel chiwe rix, ni man k'a tich'upun ik'u'x chikij ri iwinaq; xa kan tiwajo-iwi', achi'el niwajo-qa-iwi' rix. Yin Jehová ri yibin.

San Mateo 19:19

Chuqa' taya' kiq'ij ri ate-atata'. Keri' chuqa' kan ke'awajo' ri awach'alal achi'el nawajo-qa awi' rat, xcha' ri Jesús.

San Lucas 10:26

Ri Jesús xubij chire: ¿Achike k'a ri nubij chupan ri pixa' richin ri Moisés? ¿Achike niq'ax chawech rat?, xcha'.

Romanos 13:9

Ri pixa' ri' nubij chi ri k'ulan taq winaqi' man tikikanoj-ki' richin yemakun, man k'a kixkamisan, man kixeleq', man titz'uk-tzij, man tirayij chi iwik'in ta rix k'o-wi ri k'o rik'in jun chik. Y k'o ch'aqa' chik chuqa' ri nubij.*f48* Jak'a k'o jun chik tzij ri numej ronojel re'. Y ri tzij ri' nubij:*f49* Kan tiwajo' ri iwachpochel, achi'el niwajo-qa-iwi' rix, xcha'.

Gálatas 5:13

Roma rix wach'alal, kan ja ri Dios ri xixoyon, richin xixrukol-pe chuxe' ri pixa'. Jak'a man roma ta ix totajineq chik, roma ta ri' ja ta ri nirayij rix ja ta ri' ri niben. Pa ruk'exel ri' nik'atzin richin niwajowala' y nitola-iwi',

Deut 10:12

Wakami k'a nuwinaq, ri Jehová ri qa-Dios jare' ri nuk'utuj chiqe: Kan tiqaya' rejqalen, kan tiqatzeqelibej ri bey ri niqa' chuwech rija'. Kan tiqajo' y kan tiqaya' ruq'ij-ruk'ojlen rik'in ronojel qánima y chijun ri qak'aslen.

Deut 30:6

Ri Jehová ri qa-Dios xtuya' ri retal ri rujikibel-tzij pa taq iwánima y keri' chuqa' xtuben rik'in ri kánima ri iwijatzul, richin kan xtiwajo' rija' rik'in ronojel iwánima y chijun ik'aslen, richin keri' kan xkixk'ase'.

Deut 6:4

Tiwak'axaj k'a rix nuwinaq: Ri Jehová ri qa-Dios kan xaxe rija' ri k'o, y man jun chik achi'el rija'.

Deut 6:5

Kan tiwajo' k'a ri Jehová ri qa-Dios rik'in ronojel iwánima y rik'in ronojel ik'u'x, chupan chijun ri ik'aslen.

Hebreos 8:10

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri': Kan xtinben richin xtibek'oje' ri nupixa' pa taq kánima. Yin xkinok ki-Dios y rije' xke'ok nutinamit.

Santiago 2:8

Ri pixa' ri k'o más rejqalen nubij chi achi'el niwajo-qa-iwi' rix, keri' chuqa' ke'iwajo' ri iwachpochel. Y wi kan niben keri', kan yalan utz.

1 Juan 3:18

Rix walk'ual, man k'a kixajowan xaxe rik'in ri ich'abel. Xa kan ke'ito' ri ch'aqa' chik. Y rik'in ri' kan xtiq'alajin k'a chi kan qitzij yixajowan.